YAKOBUS 2:4 - KITAB NU TUMPU ALLA LELE MA'IMAI'

⁴ Desumo aijo' na mombau, komiu madi'mo mompokakanakon samian ka' samian, ka' montoa mian ko pikilan anu madi' ma'ima'.

YAKOBUS 2:4 ပူးပေါင်းရင်းမြစ်များ

AYUB 21:27

Memang ku sumbu' apaa na anu opotutugakon nu belemiu, ka' iwi-iwi' na kalakuan anu ma'idek anu otanga'imo nu belemiu.

AYUB 34:19

Ia madi' montinjohi to tomu-tomundo, kabai lebe mompopodaka' mian anu kaya ka' madi' montapa-tapali mian anu talalo hodo kasiasi. Kalana aha iwi-iwi' Ia na nompotimbali.

MAZMUR 109:31

Kalana Ia montinjohi ka' momposalamat mian anu kasiasi da boli mohumpak hukuman mate anu nu nabu'akon mae nu aha hi ia.

MAZMUR 58:1

Anu mongkapalai panyanyi. Ingala i lagu nu nyanyian: Boli mompatei. Mazmur i Daud.

MAZMUR 82:2

“Bolimo daagi' mombee'i kaputusan anu madi' adin, ka' boli montinjohi mian anu ma'idek na kinyonyoanyo.

MALEAKHI 2:9

Sahingga Aku suele mompotimbalimo belemiu madi' nu pajuli nu mian Israel kalana belemiu madi'mo nontuluti pongka'oho'-Ku ka' mule' kalana belemiu mombeda-bedakon mian tempo'nyo nompogulu' mian anu palesayamo hi belengku.”

LUKAS 18:6

Lantas Tumpu notatae, “Soba hongo apaa na anu tinaeakonmo nu mian kopian anu madi' adin aijo'!

YOHANES 7:24

Boli mompisala'i mian ola kalana mompintongi anu otoa, panyo kalana mompintongi ka'adilan.”

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

YAKOBUS 4:11

To Utu-utus, boli mompaha alu-alu kabai mompaha pisa-pisala'i. Mian anu mongalu kabai mompisala'i utusnyo anu bubu' Kristen, ia mongalu kabai mompisala'i atulan nu Tumpu. Ka' de komiu mompisala'i atulan nu Tumpu, aijo' alati'nyo komiu madi' mombatuki atulan haha aijo', panyo mongatunmo atulannyo.