YAKOBUS 2:25 - KITAB NU TUMPU ALLA LELE MA'IMAI'

²⁵ Toa suele na i Rahab, boune anu lewa' masala' aijo'. Ia pinototu'umo nu Tumpu kalana apaa na anu binaunyomo tempo'nyo ia nomposoop i uno nu laigannyo anu namba nondoyoni bansa Israel ka' nontulungimo aha nopalai nontului jalan sangga'at.

YAKOBUS 2:25 ပူးပေါင်းရင်းမြစ်များ

MATIUS 21:31

Jadi, ua'aha na anak aijo', ihe na anu nombau pongka'oho' nu tuumanyo?” “Anu tumpe,” tinaaman nu Kapala nu to Ima-imam ka' to pola-polaya' nu Yahudi aijo'. Lantas i Yesus notatae hi aha, “Palesayamo: Anu saja' montage hasin, ka' to bou-boune anu masala' na tongkoimoona timbali mian anu palesayamo hi Tumpu ka' de mule' komiu.

SISIKON NU TO RASUL-RASUL 17:7

ka' i Yason nontalimamo aha i laigannyo. Aha iwi-iwi' nolanggaimo katantuan-katantuan i Kaisar nu Roma, kalana aha nontaloakon, koonyo daagi' ko tomundo' sangga'at anu sanggonyo i Yesus.”

IBRANI 11:31

Ola kalana bala'iman, sahingga i Rahab, boune anu lewa-lewa' masala' aijo', madi' pinatean hingga-hinggat tiba to mia-mian anu madi' tunduk hi Tumpu; kalana ia na nontalima ima-ima' mian nu Israel anu namba nondoyoni.

YAKOBUS 2:18

Ugaat daagi' ko anu motatae, “Daagi' ko mian anu montaha'imani imannyo, ka' daagi' mule' ko anu montaha'imani bukuti' nu anu obau.” Ku taamije, “Potiju'akon mae hi belengku mosia na mian mohumpak iman padahan madi' ko bukuti'nyo i han anu obau, ka' ku potoaje na bukuti'nyo nu anu binaumo da bau pomponyata' saba' aku ko iman.”

YAKOBUS 2:22

Aiya nanasamo taalu' iman tionyo ahi' oponyata' i han anu obau da timbali sukup ka' ma'ima'.

YAKOBUS 2:24

Nanasamo uuka aiya, saba' mian nu pototu'u nu Tumpu, kalana apaa na anu binaumo nu mian aijo', ka' misa' ola kalana imannyo.

YOSUA 2:1

Lapas aijo' lengkat mae i Kemah nu aha kiijo' mae i Sitim, i Yosua nonsaimo ua'aha na mian anu mamba mondoyoni Kana'an. Ua'aha na mian aijo' pinalentah da mamba montoa pa' mosia na lipu' Kana'an panyo matikohowini da boli nusumbu' nu aha, ka' anu talalo penting hondo kota Yerikho. Sahingga nambamo na aha i kota aijo' ka' nompoita da jojoong pe'e i laigan nu samian na boune anu biasa masala', sanggonyo i Rahab.

YOSUA 2:15

Kalana laigan i Rahab pinotinjo naninjakit i mesen nu kota sahingga i Rahab nonguluakon ua' aha aijo nu kahohon nontulu i tolongan.

YOSUA 2:16

“Lako' pontulu aita' mae i da'erah nu bungkutnyo,” na koonyo i Rahab hi aha, “Da to mia-mian anu sinai i tomundo madi' bisa mohakop belemiu. Paninsuluk itina' tolun sinaa na kopinnyo sahingga aha minsusule'mo mae atina'je ka' belemiu timbali molausakon lajang miu.”

YOSUA 2:4

“Memang daagi' ko mian anu tinoka i laiganku,” na koonyo i Rahab, “panyo madi' ku sumbu' pa' lengkat mae iya na aha. Aha nambamo u'uka salatan sinaa nalomo ma'isa pe'e sabatan daka' nu kota tinumban. Ka' madi'mo pinokilawangku pa' moyamo na aha, panyo de aha sampa ololoi' ku gantang daagi' osampa.” (Padahan pinosulukmo i Rahab na aha mondoyoni ua'aha aijo' i aluk nu tambulan nu kilit nu kau' anu bau kahohon anu pinotambun kiita' i bangkala'.)

YOSUA 6:17

Iwi-iwi' na kota ka' isinyo mule' iwi-iwi' tionyo ahi' ohopu'i ingko-ingkot salaku bau palasombahan hi Tumpu. Ola i Rahab, boune anu lewa' masala' aijo' tiba to utu-utusnyo ka' aha sambonua na opotumuu' kalana ia nontulungimo anu sinainto nondoyoni.