YAKOBUS 2:23 - KITAB NU TUMPU ALLA LELE MA'IMAI'

²³ Aijo' sosok tiba ayat nu Kitab nu Tumpu aiya, “I Abraham palesaya hi Tumpu, ka' kalana imannyo aijo', Tumpu Allah nontalima ia salaku mian anu montuluti pongka'oho' nu Tumpu Allah.” Mokonyo aijo' i Abraham osanggohi, “Bella' nu Tumpu Allah.”

YAKOBUS 2:23 ပူးပေါင်းရင်းမြစ်များ

KAJADIAN 15:6

I Abram pinalesayamo hi Tumpu, ka' kalana aijo' Tumpu nontalimamo ia salaku mian anu momposanang kinyonyoa-Nyo.

2 TAWARIKH 20:7

Belentomo na Tumpu Allah mami. Tempo'nyo mian anu palesayamo hi belento, bansa Israel tinokamo i lipu' aiya, i laa'mo nu Belento na to mia-mian anu tempo'nyo aitu jojoong i aiya. Lantas binee'mo nu Belento na lipu' aiya hi lee' i Abram, bela' nu Belento, da ahamo na tumpunyo sampe toka sidu-sidutu'.

AYUB 16:21

Paya', de timbali da Tumpu Allahmo ahi' na mompototu'u aku i ahopnyo; susumo samian anu halala' ahi' na mompototu'u bela'nyo.

NOSABATMO 33:11

Tumpu tiba i Musa nompaha ahop susumo mian basisik tiba sangalunyo. Lapas aijo' i Musa minsusule'mo i kemah kajojoongannyo. Panyo i Yosua anak i Nun anu daagi' olitau, anu saja' montulungi kalaja' i Musa, na sajojoongnyo ahi' i Kemah aijo'.

YESAYA 41:8

Panyo beleyum Israel posaihon-Ku, mian anu pinile'an-Kumo beleyum lee' mae i Abram, sampobela'-Ku.

MARKUS 12:10

Komiu tantu nombasa'mo ayat aiya i uno nu Kitab nu Tumpu Allah, ‘Batu anu madi' opake nu anu mombau bangunan tinimbalimo batu anu talalo opalalui.

MARKUS 15:27

Nohingga-hinggat tiba i Yesus aha nonsalibkan mule' ua'aha na anu lewa' batololang; samian i sasu koanan ka' samian mule' i sasu kowi-Nyo. [

LUKAS 4:21

Ka' i Yesus nontampu'uni notatae hi aha sumo uuka, “Aya-ayat Kitab nu Tumpu aiya, sinaa aiya ginanapanmo salatan komiu nohongomo.”

SISIKON NU TO RASUL-RASUL 1:16

“To Utu-utus! Apaa na anu tinulismo i uno nu Kitab nu Tumpu Allah, aijo' tionyo timbali. Naipuan mae Roh nu Tumpu notataemo hi Daud mongkona i Yudas, polaya' nu to mia-mian anu mohakop i Yesus aijo'.

ROMA 11:2

Madi'! Tumpu madi' mongalin mian-Nyo anu palesayamo, anu pinile'an-Nyomo salatanmo pe'e i moona. To Utu-utus monsumbu' apaa na anu tinulis i uno nu Kitab nu Tumpu mongkona i Elia, tempo'nyo ia nompotoka han anu tinimbali i Israel hi Tumpu Allah. I Elia notatae,

ROMA 9:17

Kalana i Kitab nu Tumpu tinulis, “Tumpu notatae hi Tomundo' nu Mesir, ‘Aku mompotimbali beleyum Tomundo' ola sa'angu' na kahanda' aiya, da kalana beleyum, Aku mompotoa kuasang-Ku, ka' mompotimbali sanggong-Ku talasanggo i songko-songko na dunia.’ ”

GALATIA 3:22

Panyo i uno nu Kitab nu Tumpu tinulismo, iwi-iwi' na manusia daagi' i uno nu kakuasa'an nu dosa'. Mokonyo aijo', anu obee' jina-jinanji'mo mimpu'u i palesaya hi Yesus Kristus obee' aijo' hi aha anu palesayamo.

GALATIA 3:6

Aijo' pokakana sumo anu tinulismo i uno nu Kitab nu Tumpu Allah mongkona i Abraham – sumo uuka, “I Abraham palesaya hi Tumpu, ka' kalana palesayanyo aijo', ia tinalima nu Tumpu Allah sumo mian anu momposanang kinyonyoa nu Tumpu.”

2 TIMOTIUS 3:16

Iwi-iwi' anu tinulismo i uno nu Kitab nu Tumpu anu binee'mo nu Tumpu da ogunakon mongajan anu totu'u, da mompokinde'i ka' mompoko'ima'i anu sala', ka' mongajan mian da tumuu' montuluti pongka'oho' nu Tumpu.

YAKOBUS 2:24

Nanasamo uuka aiya, saba' mian nu pototu'u nu Tumpu, kalana apaa na anu binaumo nu mian aijo', ka' misa' ola kalana imannyo.

1 PETRUS 2:6

Kalana i uno nu Kitab nu Tumpu tinulismo sumo uuka, “Aku nompile'imo sa'angu' na batu anu ko angga'nyo, anu Pino'una'kumo i Sion salaku batu anu penting; ka' mian anu pinalesayamo hi Ia madi' mompele-pele'.”