YAKOBUS 2:21 - KITAB NU TUMPU ALLA LELE MA'IMAI'

²¹ Toamo na i Abraham mompolee'to. Ia pinototu'u nu Tumpu kalana han anu binaunyomo tempo'nyo ia nonsombahkon i Ishak anaknyo, hi Tumpu i mezbah.

YAKOBUS 2:21 ပူးပေါင်းရင်းမြစ်များ

MAZMUR 143:2

Aku aiya posaihon nu Belento, boli mae mompulusi aku, kalana madi' ko mian anu madi' kokasala'annyo i ahop nu Belento.

YESAYA 51:2

Inau' na mompolee' nu belemiu i Abraham, tiba i Sara anu nonompohampemo belemiu; tempo'nyo Aku nolagamo i Abraham, ia madi' kino anak; lantas binalakatan-Kumo na ia ka' binee'an-Kumo manjoo' hondo na lee'nyo.

MATIUS 12:37

Kalana posi potataeum na anu o pake, momputusi pa' beleyum ko sala'nyo kabai madi'.”

MATIUS 3:9

Boli montaha'imani komiu timbali molapas lengkat i hukuman ka' motatae kalana i Abraham mompolee' miu. Tutugi, batu-batu pe'e aiya, Tumpu timbali mombau lee' i Abraham!

LUKAS 1:73

Ia binasumpa' hi Abraham tuumanto, ka' binajanji' momposalamat kita lengkat i bali'to, da kita madi' mabuhuk monjalanakon palentah-Nyo,

LUKAS 16:24

‘Tuumangku Abraham!’ loboo' nu mian kaya aijo'. ‘Kalibosi na aku. Pokau mae na i Lazarus molobong bua' nu limanyo i uno nu uee lantas toka mae mohumpisi jila'ku. Tahahumo sansala na aku i uno nu apu aiya!’

LUKAS 16:30

Panyo tinaaman nu mian kaya aijo', ‘Aijo' madi' sukup, kita Tuumangku Abraham. Panyo de ko anu mate ka' po'ule' tumuu' ka' toka hi aha, aha balatobatje i dosa-dosa' nu aha.’

YOHANES 8:39

Aha nontaami, “Tuuma mami aijo'mo i Abraham.” “De totu-totu'u komiu anak i Abraham,” na koo-Nyo i Yesus, “tantu komiu mombau apaa na anu binau i Abraham.

YOHANES 8:53

De i Abraham pe'e i natemo ka' to nabi-nabi iwi-iwi' suele i natemo, Beleyum aiya ihe? Te Beleyum mule' na lebe daka'molingkudui tuuma mami i Abraham!”

SISIKON NU TO RASUL-RASUL 7:2

Tinaaman i Stefanus, “To Utu-utus ka' to Tutuuma! Soba hongo na aku! Ma'isa pe'e mompolee'to i Abraham nolalin nokiijo' i Haran, tempo'nyo ia daagi' jojoong i Mesopotamia, Tumpu anu opopodaka' tinokamo hi ia,

ROMA 3:20

Kalana madi' ko samian pe'e na moko ala mompaha ima' tiba Tumpu, kalana mian aijo' mombau hahan anu daagi' i uno nu atulan nu agama. Ola ahi' atulan aijo' na mompotiju' hi mian taalu' mian aijo' baladosa'.

ROMA 4:1

Desumo aitu, apaa na timbali otaloakonto mongkona i Abraham, mompolee' nu bansanto? Mosia na anu ingoa'annyomo?

ROMA 4:12

I Abraham mule' tuuma i uno nu kapalesaya'an bagi nu to mia-mian anu mombatuki atulan nu sunat. Ia tuuma nu kapalesaya'an nu aha misa' ola kalana aha mombatuki atulan nu sunat, panyo mule' kalana aha tumuu' palesaya hi Tumpu, pokakana i Abraham tempo'nyo ia ma'isa pe'e nombatuki atulan nu sunat.

ROMA 4:16

Jadi janji' nu Tumpu aijo' mimpu'u i palesayanyo nu mian hi Tumpu. Aijo' na timbali sa'angu' bau pintoongan hi iwi-iwi' lee' i Abraham, taalu' janji' aijo' obee' hi aha salaku sa'angu' na taju anu halala' lengkat mae hi Tumpu; misa' ola hi aha anu tulu-tulutan i atulan nu agama Yahudi, panyo suele hi aha anu palesaya hi Tumpu pokakana sumo i Abraham palesaya hi Ia. Kalana i Abraham aijo' tuumanto, kita ingko-ingkot i uno nu kapalesaya'an.

IBRANI 11:17

Ola kalana bala'iman, sahingga i Abraham nonsombahkonmo i Ishak salaku koloban tempo'nyo ia inguji' nu Tumpu. Tumpu nombee'mo anu jinanji'-Nyomo hi Abraham, panyo i Abraham i halala'mo na nombee' anaknyo anu ola sa'a-sa'angu'nyomo aijo'.

YAKOBUS 2:18

Ugaat daagi' ko anu motatae, “Daagi' ko mian anu montaha'imani imannyo, ka' daagi' mule' ko anu montaha'imani bukuti' nu anu obau.” Ku taamije, “Potiju'akon mae hi belengku mosia na mian mohumpak iman padahan madi' ko bukuti'nyo i han anu obau, ka' ku potoaje na bukuti'nyo nu anu binaumo da bau pomponyata' saba' aku ko iman.”

YAKOBUS 2:24

Nanasamo uuka aiya, saba' mian nu pototu'u nu Tumpu, kalana apaa na anu binaumo nu mian aijo', ka' misa' ola kalana imannyo.

YOSUA 24:3

Lantas ingalang-Ku na i Abraham tuuma nu mompolee' miu aijo', lengkat mae i lipu' anu i santoa nu Efrat aijo' ka' nonsai ia da mamba monsongkohi iwi-iwi' na lipu' nu Kana'an. Aku nombee'imo da nanjoo' na lee'nyo. Momonanyo anu binee'-Ku hi ia i Ishak,