YAKOBUS 1:27 - KITAB NU TUMPU ALLA LELE MA'IMAI'

²⁷ Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.

YAKOBUS 1:27 ပူးပေါင်းရင်းမြစ်များ

MAZMUR 119:1

Mohumpak ka'ima'an na mian anu kantumuu'annyo madi' ko kasala'annyo ka' tulu-tulutan hi atulan iwi-iwi' nu Tumpu.

MAZMUR 146:9

Ia na monjagai to mia-mian anu lengkat mae i salipu'an; Ia na montulungi to balu-balu ka' anu ingunonmo madi'mo ko tinanyo ka' tuumanyo, panyo nohungku'imo tanga'an nu mian anu ma'idek na kinyonyoanyo.

MAZMUR 68:5

Ponyanyimo, bau pompuji' sanggo nu Tumpu, potoukamo na jalan daka' da bau kajalanan-Nyo mae anu nonsake'i mae kundom. Sanggo-Nyo Tumpu – balasana-sanangmo i ahop-Nyo!

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

MATIUS 12:32

De mian montaloakon hahan anu mombahakon Anak nu Mian, ia timbali o ampuni, panyo de ia mongambangimo Roh nu Tumpu, ia madi'mo o ampuni, mau tempo' uuka, mau pe'e i sinaa anu imihinyo mae!”

MATIUS 5:8

Bila-bilahi na mian anu molino na kinyonyoanyo; aha monsumbu'je Tumpu!

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

ROMA 2:13

Kalana mian po'ule'mo ma'ima' tiba Tumpu, misa' kalana mian aijo' nonsumbu'mo atulan nu agama Yahudi, panyo kalana ia nombaumo apaa na anu tuli-tulis i uno nu atulan aijo'.

GALATIA 1:4

Mohongo-hongo pongka'oho' nu Tumpu Tuumanto, i Kristus nombee'mo butong-Nyo kinolobanakon pinontokong to dosa-dosa'to, da kita nu posalamat i tempo' anu ma'idek aiya.

GALATIA 3:11

Madi' ko samian pe'e na anu mompo'ule' ma'ima' tiba Tumpu Allah ola kalana mompojalan atulan nu agama. Han aijo' pinonyata'mo i uno nu Kitab nu Tumpu, “Ola mian anu palesaya hi Tumpu, sahingga pompahasumbu'annyo tiba Tumpu timbali mompo'ule' ma'ima', atina' yo tumuu'!”

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

GALATIA 6:14

Panyo aku totu-totu'u madi' hondo mongka'oho' mombuulakon apa-apaa, sambiha'nyo Tumpunto i Yesus Kristus anu sinilakamo sinalib. Kalana Ia sinilakamo sinalib, sahingga dunia madi'mo daagi' ko alati'nyo apa-apaa hi belengku. Ka' mongkona dunia aiya, aku suele sumo anu sinilakamo.

EFESUS 2:2

Tempo'nyo aitu komiu nombatukimo kabiasa'an-kabiasa'an nu dunia aiya; bala alati' komiu nontulutimo anu mongkuasai langa, aijo'mo roh anu tempo' uuka nongkuasaimo kinyonyoa nu to mia-mian anu madi'mo nontuluti Tumpu.

PO'ULE' INGULIT 14:29

Anu okaan aijo' bagi nu aha mian nu Lewi kalana aha madi' ko tano', ka' bagi nu mian anu lengkat mae i salipu'an, anak anu madi' ko tuuma ka' tinanyo ka' to balu-balu anu jojoong i kota-kota nu belemiu. Aha timbali toka mae ka' mongala apa-apaa na anu opalalui nu aha. De belemiu mombaumo sumo aijo' saba' Tumpu Allah nu belemiu mombalakatije iwi-iwi' na anu obau nu belemiu.”

1 TIMOTIUS 1:5

Kahanda' nu pokinde'ku aijo', atina'mo da mian timbali ko kinyonyoa anu ma'ima' ka' kinyonyoa anu ma'ima' ka' susi', tiba mule' totu-totu'u palesaya hi Tumpu, ka' tiba jalan anu sumo aijo' yo aha timbali mongkalibosi sangalunyo.

1 TIMOTIUS 5:4

Panyo de samian na balu, ko to ana-anaknyo kabai to maku-makumpunyo, aha aijo'mo na momona tionyo obee'i pangalati'an, da aha tionyo mompalahatikan to utu-utus nu aha ka' mombalosi kinyonyoa nu tu'anyo ka' kele' nu aha. Kalana han anu sumo aijo' ahi' na momposanang kinyonyoa nu Tumpu.

TITUS 2:12

Balakat nu Tumpu aijo' mompogulu' kita da madi'mo daagi' kita tumuu' mompaha sala' tiba pongka'oho' nu Tumpu ka' madi'mo montuluti anu nu ka'ima'i nu dunia. Kita pinogulu' da tumuu' i uno nu dunia aiya, da monsumbu' boli sampa tagoda nu apa-apaa, jujun ka' tulu-tulutan hi Tumpu.

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

YAKOBUS 3:9

Kita mompake ia da bau pontaloakon talima kase hi Tumpu ka' Tuumanto, panyo mule' bau pongkutuki sangko mian, anu pinotimbalimo sumo butong nu Tumpu.

YAKOBUS 4:4

Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?

2 PETRUS 1:4

Tiba jalan anu sumo aijo' na Tumpu nombee'imo kita to bala-balakat anu ko angga'nyo ka' madi' ko gampanyo anu jinanji'-Nyomo. Kalana balakat haha aijo' sahingga belemiu nolapasmo i han anu ma'idek anu lewa' okamilui ka' anu nongideimo dunia aiya, ka' komiu nohumpakmo atulan nu Tumpu.

2 PETRUS 2:20

Mian anu monsumbu' Tumpu ka' anu Momposalamat kita aijo'mo i Yesus Kristus, madi'mo nukuasai nu dunia anu mompohenyu mian. Panyo de lapas aijo' ia po'ule' mule' tagoda sahingga nuhungku'i mule' nu kuasa haha aijo', saba' bauon nu mian aijo' ahennyo lebemo ma'idek nulingkuduimo na anu momonanyo.

2 PETRUS 3:14

Kalana aijo', to utu-utus anu okanonongi, hau-haunyo belemiu montanda'imo Sinaa aijo', bala usaha totu-totu'u da tumuu' susi' ka' madi' ko alunyo i ahop nu Tumpu. Ka' opokopiani ima-ima' na pompahasumbu'an tiba Tumpu.

1 YOHANES 5:18

Osumbu'to saba' iwi-iwi' na mian anu tinimbalimo to ana-anak nu Tumpu, madi' sabau-baunyomo dosa', kalana Anak nu Tumpu Allah na monjagai ia, ka' Anu Ma'idek madi'mo moko ala mombau apa-apaa hi ia.