YAKOBUS 1:26 - KITAB NU TUMPU ALLA LELE MA'IMAI'

²⁶ De daagi' ko toto samian anu mongoa'i butongnyo mian anu tulu-tulutan i agama, panyo ia madi' mombala'ingati jila'nyo, saba' ia mongakali posi butongnyo; ia monsombah Tumpu madi' ko kaliangannyo.

YAKOBUS 1:26 ပူးပေါင်းရင်းမြစ်များ

AYUB 15:13

beleyum notambuha'mo hi Tumpu Allah ka' nonggagakonmo Ia.

AYUB 30:11

Kalana aku binaumo nu Tumpu Allah da madi'mo nahoson, ka' madi'mo moko ala mombau apa-apaa, aha nompotudunmo tambuha' nu aha.

MAZMUR 141:3

O, Tumpu jagaiakon mae na nganga'ku ka' mule' jagaiakon mae na biwingku.

MAZMUR 32:9

Boli mule' ahi' susumo ajahan anu madi' ko pikilannyo, anu tionyoje ahi' opotiju' nu tambangnyo tiba kahohon da montuluti.”

MAZMUR 34:13

Pa' belemiu mongka'ima'i da mantan na umun ka' molasai anu ma'ima'?

AMSAL 10:19

Talalo manjoo' na potatae, talalo manjoo' mule' ugaat na mombau dosa'; panyo mian anu moko ala monjagai jila'nyo atina'mo na mian pande.

AMSAL 10:31

Mian anu madi' tageo' na kinyonyoanyo pande na basisik; panyo mian anu ma'idek na kinyonyoanyo ogunggumije na nganga'nyo.

AMSAL 14:12

Daagi ko jalan anu otoa hodi'; panyo imihinyo mae jalan aijo' mompanjolongimo kasilakan.

AMSAL 15:2

Potatae nu mian anu pande mombau da ilimu' lebe oka'ima'i panyo potaate nu mian anu ponga'isinyo ola ahi kaponga'an.

AMSAL 16:10

Tomundo' montalima kuasa lengkat mae hi Tumpu Allah; jadi ia madi' sala' i uno nu kaputusannyo.

AMSAL 16:25

Daagi ko jalan anu otoa hodi' hondo; panyo imihinyo mae jalan aijo' mompanjolongi kasilakan.

AMSAL 19:1

Lebe ma'ima' mian kasiasi anu madi' tageo na kantumuu'annyo ka' de mule' ola mian ponga' anu mongka'ima'i baleko'.

AMSAL 21:26

Sansinaa-sinaa ia ola ahi' mompopikilakon mongkona apaa na anu nuka milui. Pada han mian anu madi' tageo' nakinyonyoanyo moko ala mombee'i molabi-labi.

YESAYA 1:13

Palasuma hondo na momboa mae anu osombahkon nu belemiu aijo. Aku monguahimo mamongook nohongnyo. Ku ka'ideki ka' madi' ko poko tahan na montoa belemiu molame'akon Bitu'on Bu'ou, to sina-sinaa nu Sabat ka' to sina-sinaa anu olame'akon ka' mule' kasintomuan-kasintomuan nu agama. Iwi-iwi' aijo' ihumimianmo nu dosa-dosa' nu belemiu sumomo boaon-Ku; Aku kinainmo na nonsimbu.

YESAYA 44:20

Mian anu nombau aijo' pokakanamo nongkaan abu'. Mian aijo' pinoponga'mo nu pikilannyo pipinonga'mo sahingga ia susa'mo na daagi otulungi. Ia madi'mo daagi' moko ala mongakui saba' patong anu aijo' ilimanyo samata-mata ola ahi' mongakali.

MALEAKHI 3:14

Belemiu notatae, ‘Palasuma na aku monsombah Tumpu. Apaa na gunanyo mombau anu halus obaunto salaku bau pongadati Tumpu Anu Daka' na Kuasanyo kabai opotoanto hi Ia nakalakuanto salaku bau pomponyata saba' kita aiya nompele-pele'mo na nombau kasala'anto?

MATIUS 15:9

Palasuma na aha monsombah Aku, kalana atulan nu mian na nu ajan nu aha kokoonyo pe'e aijo' atulan-Kumo.’ ”

MARKUS 7:7

Palasuma na aha monsombah Aku, kalana atulan nu mian nu ajanakon nu aha au'aitu aijo'mo na atulan-Ku!’

LUKAS 8:18

Mokonyo aitu o intomakon ma'i-ma'ima' apaa na anu i hongomo miu. Kalana mian anu daagi'mo opaka bee'i mule' lebe manjoo'; panyo mian anu madi' ko apa-apaa, sangkiding pe'e anu daagi' hi ia suele o ala.”

1 KORINTUS 15:15

Lebe-lebe mule' nyata' kami binaleko'mo na monsisik Tumpu Allah, kalana kami nompolelemo i Kristus sinilaka po'ule'mo pinotumuu' nu Tumpu, yo aitu Tumpu madi' ahi' po'ule' nompotumuu' Ia – de memang totu'u mian silaka madi'mo po'ule' opotumuu'!

1 KORINTUS 15:2

De komiu montoongi dodo-dodo apaa na anu pinolelengkumo aijo', yo Lele Ma'ima' aijo' momposalamat komiu; asan ahi' boli ola kita Utus palesaya padahan madi' mangalati'.

1 KORINTUS 3:18

Boli kosamian pe'e mosi akali butongnyo. De daagi' ko mian itina' hi komiu mongoa'i butongnyo pande sumo kokoonyo nu dunia aiya, mian aijo' tionyo timbali pe'e ponga', da ia totu-totu'u timbali pande.

GALATIA 2:6

Maumo sumo aitu, madi' ko hahan anu ma'isa toho' ihongo nu aha na pagalamo nu tuntut nu aha hi belengku, nu to mia-mian anu osangka pande – hi belengku madi' ko bedanyo de aha pande kabai madi', kalana Tumpu madi' montoa ohup nu mian.

GALATIA 2:9

I Yakobus, i Petrus ka' i Yohanes anu lupanyo tinimbalimo to pola-polaya' nu jama'at, nongakuimo tukoonyo Tumpu nombee'imo hi belengku palentah anu ola samata-mata aiya na obau. Sahingga aha nompaha kawamo tiba i Barnabas ka' aku, salaku tanda nosangalumo. Lantas aha ka' kami nompahakonamo jadi kami mokalajamo hi aha aijo' to bansa-bansa anu misa' Yahudi, ka' aha na hi mian nu Yahudi.

GALATIA 3:4

Te ola palasuma na iwi-iwi' anu ingoa'anmo miu aijo'? Te ola palasuma!

GALATIA 6:3

De daagi' ko samian monsangka butongnyo talasanggo padahan madi', mian aijo' mombaleko'imo posi butongnyo.

EFESUS 4:29

De komiu basisik, boli montaeyakon potatae anu mahenyu. Anu otaeyakon potatae anu mompokopiani ka' anu montulungi mian sangga'at. Potatae sumo aijo' mompodaagi' ka'ima'an hi to mia-mian anu mohongo.

EFESUS 5:4

Madi' mule' pantas hi komiu montaloakon potatae anu mahenyu, anu masala' ka' anu madi' mingkona. Ola ahi' komiu maunyo montalima kase hi Tumpu.

PO'ULE' INGULIT 11:16

Boli belemiu mongka'oho' opojo'on hi Tumpu da monsombahmo ka' palesayamo hi to pilo-pilogot sangga'at.

KOLOSE 4:6

Hahan anu otaloakon miu aijo' tionyo ahi' saja' momposanang kinyonyoa ka' nu ka'ima'i nu mian. Tionyo ahi' osumbu' miu mosia na sabenannyo komiu montaami hahan anu nu pokilawa nu mian.

YAKOBUS 1:19

O intomakon na aiya ima-ima', to Utu-utus anu okanonongi! Batu-batu mian tionyo ahi' malia' na mohongo, panyo momalas na motatae ka' boli sampa' motambuha'.

YAKOBUS 1:22

Tionyo ahi' obau miu apaa na anu pinoto'imo nu Tumpu, boli ola mohongo, sahingga desumo aijo' oposi akalimo miu na butong miu.

YAKOBUS 2:20

Komiu ponga' hondo! Pa' palalu opobukuti' hi komiu na iman anu madi' ko gunanyo, aijo'mo iman anu madi' kopalabuan.

1 PETRUS 3:10

I uno nu Kitab nu Tumpu tinulismo sumo uuka, “Mian anu mongka'oho' mongoa'i kantumuu'an ka' mongka'oho' mongoa'i iwi-iwi' na sinaa anu ma'ima', nganga'nyo o jagai ahi' da boli lewa' monsisik hahan anu ma'idek, ka' madi' montaeakon hahan anu baleko'.