YAKOBUS 1:22 - KITAB NU TUMPU ALLA LELE MA'IMAI'

²² Tionyo ahi' obau miu apaa na anu pinoto'imo nu Tumpu, boli ola mohongo, sahingga desumo aijo' oposi akalimo miu na butong miu.

YAKOBUS 1:22 ပူးပေါင်းရင်းမြစ်များ

YESAYA 44:20

Mian anu nombau aijo' pokakanamo nongkaan abu'. Mian aijo' pinoponga'mo nu pikilannyo pipinonga'mo sahingga ia susa'mo na daagi otulungi. Ia madi'mo daagi' moko ala mongakui saba' patong anu aijo' ilimanyo samata-mata ola ahi' mongakali.

YEREMIA 11:6

Lantas Tumpu notataemo mae hi belengku, “Lako mamba ikota-kota' nu Yehuda tiba ijalan-jalan nu Yerusalem. Poto'iakon na potuunon-Ku aiya hi aha to mia-mian anu kiijo' mae. Poto'i hi aha da mompalahatikan ka' montuluti atulan nu palajanjian-Ku.

OBAJA 1:3

Beleyum ingakalanmo nu kinyonyoa nu beleyum anu sombo-sombong atina'. Puso nu kota' nu beleyum atina' te bungkutnyo nu batu anu maharon; kajojoongan nu beleyum aita mae ibawo nu bongkutnyo anu matangkas. Kalana aijo' belemiu binapikinmo, Ihe na moko ala mompatundu' Aku?

MATIUS 12:50

Mian anu mombau pongka'oho' nu Tuumang-Ku anu i suluga', iamo na utus mo'ane, utus boune ka' tinang-Ku.”

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

LUKAS 11:28

Panyo i Yesus nontaami, “Lebe bilahi mule' na mian anu mohongo potatae nu Tumpu ka' mombau palentah-Nyo!”

YOHANES 13:17

De osumbu'mo miu iwi-iwi' aiya, bilahi na komiu de mombau.

ROMA 2:13

Kalana mian po'ule'mo ma'ima' tiba Tumpu, misa' kalana mian aijo' nonsumbu'mo atulan nu agama Yahudi, panyo kalana ia nombaumo apaa na anu tuli-tulis i uno nu atulan aijo'.

1 KORINTUS 15:33

Boli o akali! Po'imboan anu ma'idek mongidei kalakuan anu ma'ima'.

1 KORINTUS 3:18

Boli kosamian pe'e mosi akali butongnyo. De daagi' ko mian itina' hi komiu mongoa'i butongnyo pande sumo kokoonyo nu dunia aiya, mian aijo' tionyo timbali pe'e ponga', da ia totu-totu'u timbali pande.

1 KORINTUS 6:9

Osumbu' miu na to mia-mian anu madi' montuluti pongka'oho' nu Tumpu madi' timbali mian anu palesayamo hi Tumpu? Boli o akali! To mia-mian anu masala', to mia-mian anu bapilogot, anu masala', anu mombau anu moko ambang hi sangko gampanyo bubuu' mo'ane, kabai bubuu' boune,

GALATIA 6:3

De daagi' ko samian monsangka butongnyo talasanggo padahan madi', mian aijo' mombaleko'imo posi butongnyo.

GALATIA 6:7

Boli tagoda ihan anu madi' ma'ima'. Tumpu madi' timbali opahaikakon! Apaa na anu sinu'anmo, aijo'mo na anu o ala na bua'nyo.

FILIPI 4:8

Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.

KOLOSE 3:17

Apaa na anu obau miu iwi-iwi' kabai otaloakon, aijo' obau ka' otaloakon, samata-mata kalana sanggo nu Tumpu Yesus. Montalima kase ahi' hi Tumpu Tuumanto, kalana apaa na anu binaumo i Yesus hi komiu.

2 TIMOTIUS 3:13

sadangkan to mia-mian anu ma'idek ka' to mia-mian anu mongakali mompaka pa'idekmo. Aha mongakali mian sangga'at padahan posi aha suele o akali.

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.

YAKOBUS 1:26

De daagi' ko toto samian anu mongoa'i butongnyo mian anu tulu-tulutan i agama, panyo ia madi' mombala'ingati jila'nyo, saba' ia mongakali posi butongnyo; ia monsombah Tumpu madi' ko kaliangannyo.

YAKOBUS 4:11

To Utu-utus, boli mompaha alu-alu kabai mompaha pisa-pisala'i. Mian anu mongalu kabai mompisala'i utusnyo anu bubu' Kristen, ia mongalu kabai mompisala'i atulan nu Tumpu. Ka' de komiu mompisala'i atulan nu Tumpu, aijo' alati'nyo komiu madi' mombatuki atulan haha aijo', panyo mongatunmo atulannyo.

YAKOBUS 4:17

Kalana aijo', mian anu monsumbu' apaa na anu ma'ima', anu tionyo obau panyo madi' obau, aijo' baladosa'.

2 PETRUS 2:13

Salaku bau pohukum kalana kasansala'an anu sinaduakonmo nu aha, aha mongoa'ije kasansala'an. De hi aha, anu momposanang kinyonyoa atina'mo mombau tulu-tulumo pa' apaa sinaa, bau pomposanang anu nuka'ima'i nu butong nu aha. De aha sumuhang hingga-hinggat tiba komiu i uno nu bau-bauon mongkakan, kalakuan nu aha monsaduakon da kita mahega kalana aha talalo ahi' mongka'ima'i da ma'osa i napisu.

1 YOHANES 1:8

De kita motatae tukoonto, kita madi' baladosa', kita mombaleko'imo posi butongto; ka' Tumpu madi' ko anu i uno nu kinyonyoanto.

1 YOHANES 2:3

De kita tulu-tulutan hi iwi-iwi' na palentah nu Tumpu, aijo'mo na tandanyo taalu' kita nonsumbu'mo Tumpu.

1 YOHANES 3:7

To ana-anakku, boli mompobee' mau mule' ihe anu momposala' pikilan miu. Mian anu mombau pongka'oho' nu Tumpu atina'mo na anak nu Tumpu, susumo i Kristus Anak nu Tumpu.

3 YOHANES 1:11

Kita Utus anu okanonongi, boli montiho sifat anu ma'idek. O tiho apaa na anu ma'ima'. Mian anu mombau anu ma'ima', ia anumo nu Tumpu. Ka' mian anu mombau anu ma'idek, ma'isa monsumbu' Tumpu.

ANU PINOTO'I HI YOHANES 12:9

Ulo anu talalo hondo daka' aijo' ingalin i sambiha'nyo! Iamo na ulo anu ilangkai'mo anu o sanggohi Ibilis kabai Roh Ma'idek, anu mongakalimo songko-songko na dunia. Ia ingalinmo nokaiyong i dunia tiba iwi-iwi' na malaikatnyo.

ANU PINOTO'I HI YOHANES 22:7

“Opalahatikan na aiya!” na koo-Nyo i Yesus, “Aku malia'mo toka. Mohumpak ka'ima'an na mian anu tulu-tulutan i potatae, apaa na anu saidi' mae jadi anu pinoto'imo i kitab aiya!”