YAKOBUS 1:19 - KITAB NU TUMPU ALLA LELE MA'IMAI'

¹⁹ O intomakon na aiya ima-ima', to Utu-utus anu okanonongi! Batu-batu mian tionyo ahi' malia' na mohongo, panyo momalas na motatae ka' boli sampa' motambuha'.

YAKOBUS 1:19 ပူးပေါင်းရင်းမြစ်များ

NEHEMIA 8:18

Pinitun sinaa na kopinnyo na aha nolame'akon. Sansina-sinaa bahagian nu kitab Atulan nu Tumpu Allah nubasa'akon i Ezra. Tinoka i sinaa ko ualunnyomo nombaumo adatnyo salaku kamingkotannyomo, susumo anu pinoto'imo nu Atulan nu Tumpu.

NEHEMIA 9:17

Aha madi'mo nohongo-hongo, iwi-iwi' na kanonongan nu Belento madi'mo pinajulian nu aha. Ka' iwi-iwi' na anu binaumo nu Belento oka-okabangangi madi'mo nu inau' nu aha. Kalana aha kinobubuunmo sahingga aha nompile'imo samian anu binau kapala, da momboa aha mamba i Mesir, ka' po ule'mo timbali posaihon. Panyo Belento Tumpu Allah sanang na kinyonyoa mongampuni, talalo hondo sabaan, manonong ka' mule' talalo hondo mongkalibosi. Kalibosan nu belento totu-totu'u madi' hondo ko gampanyo; Belento madi' nompojohok aha.

NEHEMIA 9:3

Kila-kila tinotolu' na jam na kinopinnyo na kitab Atulan nu Tumpu Allah nu aha binasa'akon hi aha, ka' tinotolu' na jam na kinopinnyo suele na aha nongakui dosa' nu aha iwi-iwi'. Lapas aijo' aha tinolodadupumo nonsombah Tumpu, Tumpu Allah nu aha.

AYUB 32:16

Aha sinaintinjomo madi'mo daagi' noko ala notatae. Pa' daagi' ku tanda'i maumo aha aijo' nomohokotmo?

AMSAL 10:19

Talalo manjoo' na potatae, talalo manjoo' mule' ugaat na mombau dosa'; panyo mian anu moko ala monjagai jila'nyo atina'mo na mian pande.

AMSAL 13:3

Mian anu mongati-ati na motatae kantumuu'annyo madi' ko anu mompoposia; panyo mian anu yayamo na motatae saidi mae mohumpak kasusa'an.

AMSAL 14:17

Mia nanu saja' motambuha' ponga' na mompopikilakon apa-apaa; panyo mian anu pande sipatnyo sabaan.

AMSAL 14:29

Mian anu pande madi' sampa pusa; panyo mian anu ponga' madi' moko ala sabaan.

AMSAL 15:18

Mian anu malia' pusa monsaduakon painggagan; panyo mian anu sabaan momboa paladamean.

AMSAL 15:2

Potatae nu mian anu pande mombau da ilimu' lebe oka'ima'i panyo potaate nu mian anu ponga'isinyo ola ahi kaponga'an.

AMSAL 16:32

Madi' sampa pusa lebe ma'ima', nu lingkudui na anu ko kakuasa'an mongkuasai lebe ma'ima' nu lingkudui na anu mompatundu' kota'.

AMSAL 17:14

Montampu'uni painggagan sumomo mombuka jalan nu uee; kalana aijo' ma'isa pe'e painggaga pinsusule'mo.

AMSAL 17:27

Mian anu matajom na pikilannyo madi' manjoo' na potatae. Mian anu pande saja' tenda na kinyonyoanyo.

AMSAL 18:13

Montaami padahan ma'isa pe'e ohongo atina' palabuatan anu ponga' ka' madi' ma'ima'.

AMSAL 18:21

Jila' ko kuasanyo momposalamat kantumuu'an kabai mongidei; mian tionyo ahi' montanggung apaa na anu tinaloakonnyomo.

AMSAL 19:11

Mian anu pande timbali moko ala montahan tambuha'nyo, ia talapuji' kalana madi' mompajuli kasala'an nu mian anu mombaumo kasala'an hia.

AMSAL 19:19

Pojohokmo na mian anu sampa pusa posi iaje na mongoa'i ka'ahenannyo. De beleyum montulungi ia, beleyum ola labe montuangi tambuha'nyo.

AMSAL 21:23

Da boli nu tokai mae nu kasusa'an, tionyo ahi' obala'ingati na anu otaeakon.

AMSAL 25:28

Mian anu madi' moko ala monjagai butongnyo sumomo sa'angu' na kota i hansunmo na palatahanannyo.

AMSAL 29:20

Lebe manjoo' na anu oataha'imani hi mian anu ponga', ka'de mule' hi mian anu motatae, madi' pe'e opopikilakon.

NOMBILANGMO 22:27

Nontoa malaekat nu Tumpu, keledai aijo' natibahangkangmo. I Bileam pinusamo ka' dinokenyomo nu tokonnyo na keledai aijo'.

MATIUS 5:22

Panyo uuka Aku motatae hi beleyum, ihe na pusa hi mian sangga'at, tionyo o putusi na palakalanyo; ka' ihehe na monguduli mian sangga'at, tionyo o putusi na palakalanyo i ahop nu Mian Kopian Daka' nu Agama. Ka' ihehe na montaloakon hi mian sangga'at, ‘Talalo ponga'’, patut o alin i uno nu apu nalaka.

MARKUS 12:37

Jadi, de i Daud monsanggo Tomundo' Pomposalamat aijo' ‘Tumpu’, mosiamo na Ia timbali lee' i Daud?” Mian da'isan anu kiijo' i Laigan nu Tumpu, sanaang na mohongo i Yesus mongajan.

MARKUS 2:2

Lantas da'isan na mian tinoka. Aha sinihuk kiijo' mae sampe madi'mo kino tampat. I sabatan pe'e nobuke'mo nogogensotanmo na mian. Lantas i Yesus nompotoka hi aha lele lengkat mae hi Tumpu Allah.

LUKAS 15:1

Daagi' ko sansinaan, da'isan na anu topo tage hasin tiba to mia-mian anu osangka madi' ma'ima' nu mian da'isan, tinokamo mohongo i Yesus.

LUKAS 19:48

panyo madi' mohumpak jalan da obau na han aijo', kalana iwi-iwi' na mian saja' mohongo Ia, ka' mongka'ima'i potatae-Nyo.

SISIKON NU TO RASUL-RASUL 1:15

Kinosansinaan aitu, tempo'nyo aha hau-haunyo sinilimu'mo – daagi' kila-kila sa'atu ka' uampulu' na mian anu tinoka – i Petrus tinuminjomo mongka'oho' motatae. Ia notatae,

SISIKON NU TO RASUL-RASUL 10:33

Aijo' na sababnyo aku nalia-lia' nonsai mian mamba molaga i Tuan. Ka' i Tuan totu'u ma'ima' na kinyonyoa da toka mae. U'uka aiya kami iwi-iwi' silimu'mo i ahop nu Tumpu, da mohongo iwi-iwi' anu osaiakon nu Tumpu da otaloakon i Tuan hi kami.”

SISIKON NU TO RASUL-RASUL 13:48

Tempo'nyo to mia-mian bansa sangga'at anu misa' Yahudi nohongo aijo', aha sinanangmo hondo, lantas nompuji-puji'mo potatae nu Tumpu. Ka' to mia-mian anu tinantukanmo nu Tumpu da mohumpak kantumuu'an ma'ima' ka' sampe toka sidu-sidutu', mian haha aijo' pinalesayamo.

SISIKON NU TO RASUL-RASUL 17:11

To mia-mian i Berea madi' mompohowini apaa na anu i uno nu kinyonyoanyo, madi' pokakana to mia-mian i Tesalonika. Sanang hondo na kinyonyoa nu aha mohongo lele mongkona i Yesus, ka' toka nu sansina-sinaa aha monselidiki Kitab nu Tumpu, da nusumbu' nu aha pa' totu'u na pangajalan i Paulus aijo'.

SISIKON NU TO RASUL-RASUL 2:42

Totu-totu'u na aha saja' binalajan hi to rasul-rasul, ka' saja' silimu' hingga-hinggat. Aha nongkaan hingga-hinggat ka' balado'a hingga-hinggat.

EFESUS 4:26

De komiu pusa, boli mompobee' pusaum aijo' monsaduakon komiu baladosa'. Boli sansinaamo na pusa,

EFESUS 4:31

Alinakon na anu o'oa'i moko pasakit na kinyonyoa mongingu ka' pusa. Bolimo daagi' mahaloboo'an ka' solaa' monguduli. Bolimo daagi' ko kinyonyoa mongka'ideki kabai ko kinyonyoa sangga'at anu sumo aijo'.

KOLOSE 3:15

Anu oputusi miu, tionyo ahi' anu otantukan nu dame anu binee'mo i Kristus i uno nu kinyonyoa miu. Kalana Tumpu nolagamo komiu da timbali sa'angu' na butong, da komiu tumuu' i uno nu kadamean lengkat mae hi Kristus aijo'. Komiu tionyo ahi' montalima kase.

KOLOSE 3:8

Panyo uuka aiya komiu tionyo ahi' mongalinmo hahan anu ma'idek anu daagi' itina' i butong miu: bolimo daagi' pusa, kabai moto idek, kabai kokinyonyoa mongka'ideki mian sangga'at. Boli hondo-hondo mosabat mae atina' i nganga' miu na potatae anu lewa' monguduli, kabai potatae anu mahumimi'.

1 TESALONIKA 2:13

Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

YAKOBUS 1:16

Boli komiu o akali, to Utu-utusku anu ku ku kanonongi!

YAKOBUS 1:2

To Utu-utus! De komiu mongoa'i ngangahan nu soba'an, oa'i na aijo' salaku sumo ka'untungan.

YAKOBUS 1:26

De daagi' ko toto samian anu mongoa'i butongnyo mian anu tulu-tulutan i agama, panyo ia madi' mombala'ingati jila'nyo, saba' ia mongakali posi butongnyo; ia monsombah Tumpu madi' ko kaliangannyo.

YAKOBUS 2:1

To Utu-utusku! Salaku mian anu pinalesayamo hi Tumpu Yesus Kristus, Tumpu Anu Talasanggo hondo, boli ola komiu montoa ohup nu mian kalana hahan anu i dunia.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

YAKOBUS 3:10

Lengkat i nganga' anu sa'a-sa'angu'nyomo aijo' mosabat mae na potatae talima kase ka' mule' potatae mongkutuki. Sabenannyo madi' sumo aitu!

YAKOBUS 4:11

To Utu-utus, boli mompaha alu-alu kabai mompaha pisa-pisala'i. Mian anu mongalu kabai mompisala'i utusnyo anu bubu' Kristen, ia mongalu kabai mompisala'i atulan nu Tumpu. Ka' de komiu mompisala'i atulan nu Tumpu, aijo' alati'nyo komiu madi' mombatuki atulan haha aijo', panyo mongatunmo atulannyo.

YAKOBUS 5:12

Anu talalo hondo penting, aijo'mo: Boli basumpa', mau tiba sanggo nu langit, mau tiba sanggo nu tano', kabai tiba sanggo nu mau mule' pa' apaa. Ola ahi' otaloakon “Ii'” de kahanda' nu beleyum ii', ka' “Madi'” de kahanda' nu beleyum madi'; da komiu boli opokonai hukuman nu Tumpu.

YAKOBUS 5:19

To Utu-utusku! De itina' hi komiu daagi' ko pa' anu madi'mo daagi' montuluti pangajalan anu lengkat mae hi Tumpu, lantas mian sangga'at mompotimbali mian aijo' po'ule' minsusule' hi Tumpu Allah,

1 YOHANES 2:21

Jadi aku nontulis aiya toka hi belemiu misa' kalana komiu madi' monsumbu' pangajalan anu totu'u, panyo kalana komiu nonsumbu'mo, ka' komiu mule' nonsumbu'mo saba' madi' ko leko'nyo i uno nu pangajalan anu totu'u aijo'.