YAKOBUS 1:18 - KITAB NU TUMPU ALLA LELE MA'IMAI'

¹⁸ Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.

YAKOBUS 1:18 ပူးပေါင်းရင်းမြစ်များ

YEREMIA 2:3

O Israel, beleyum ola Aku na tumpunyo, batu nu kinyonyoangku anu Ku kanonongi. Ku potokamo mae na balaa' hi aha iwi-iwi' nonsaduakonmo beleyum da sinansala, Aku, Tumpu notataemo.”

AMOS 6:1

Silakamo na belemiu anu tumuu' ima-ima' i Sion, ka' belemiu anu mongoa'i sanang i Samaria, belemiu o to tua'a-tu'anyo nu mian da'isan nu bansa Israel anu talalo oholomati, belemiu anu biasa pomoitan tulung nu mian.

YOHANES 1:13

anu i hampeakon misa' nolengkat mae i mian, kalana tumuu' bu'ou aijo' lengkat mae hi Tumpu na pinolengkatannyo.

ROMA 4:17

Kalana Tumpu notatae sumo uuka hi Abraham, “Aku mompotimbalimo beleyum tuuma nu manjoo' na bansa.” Sumo aijo'mo na Tumpu nombee' janji' aijo' hi Abraham. Ka' i Abraham pinalesayamo hi Ia. Iamo na Tumpu anu mompotumuu' mian silaka; Iamo ahi' na Tumpu anu ola motatae aku mombau apaa na anu madi' toho' daagi', timbali daagi'.

1 KORINTUS 4:15

Kalana akumo na timbali tuuma miu, mau mule' ugaat salaku mian Kristen, komiu kino gulu'mo sampulu' na madala. I uno nu kantumuu'an miu susumo to mia-mian anu nosa'angu'mo tiba i Kristus, aku na timbali tuuma miu, kalana aku na nomboa Lele Ma'ima' mongkona i Kristus hi komiu.

2 KORINTUS 6:7

ka' mombebakon lele anu lengkat mae hi Tumpu ka' tiba kuasa nu Tumpu, kami nompotoamo saba' kami aiya aijo'mo to posa-posaihon nu Tumpu. Kami mintoong i kahanda' nu Tumpu bau salaku toongon mami monggagakon kabai mule' bau pontinjohi butong mami.

EFESUS 1:12

Bakas, da kita na momonanyo taha'iman hi Kristus, mompuji' Tumpu kalana Ia talasanggo.

EFESUS 1:13

Belemiu suele tinimbalimo mian anu palesayamo hi Tumpu Allah tempo'nyo belemiu nohongomo potuunon nu Tumpu, aijo'mo Lele Ma'ima' anu mombee'i kasalamatan hi komiu. Belemiu palesaya hi Yesus Kristus, kalana aijo' Tumpu nombee'imo tanda hi komiu ponsumbu'an komiu anunyomo, aijo'mo Roh-Nyo anu jinanji'-Nyomo.

2 TIMOTIUS 2:15

Tionyo ahi' beleyum bala usaha totu-totu'u da nu akui nu Tumpu sumo mian anu pantas na mokalaja hi Ia. Bala usaha da beleyum madi' ma'ambang na molakukan pakalaja'anum, panyo o'ajanakon ahi' na aja-ajalan anu totu'u lengkat mae hi Tumpu Allah.

IBRANI 12:23

Komiu mongatuhimo tampat kasingkabotan anu lame' hondo – kasingkabotan nu to ana-anak tumpe nu Tumpu, anu tinulismo na sanggonyo i uno nu kitab kiita' i suluga'. Komiu tokamo mangadap hi Tumpu, Mian Kopian nu mian iwi-iwi'. Komiu mongahopimo to roh-roh nu to mia-mian ma'ima', anu pinotimbalimo da na'ima'mo.

YAKOBUS 1:15

Ka' mule', de tanga'annyo anu ma'idek aijo' obatuki, atina'je ka' toka na dosa'; ka' de dosa' tahahumo ka'ahenannyo aijo'mo na kapatean.

YAKOBUS 1:21

Mokonyo aijo', alinmo na kabiasa'an anu mahenyu ka' ma'idek. Boli kobubuun na montalima potatae anu sinu'anmo nu Tumpu Allah i uno nu kinyonyoa miu, kalana potatae aijo' ko kuasa momposalamat komiu.

YAKOBUS 3:14

Panyo de komiu minsihip, mongka'ideki sangga'at, ka' mompentingkan posi butong, boli mombuulakon kapandean aijo', kalana tiba jalan anu sumo aijo' komiu monggeo-geo'akonmo lele anu nolengkat mae hi Tumpu.

1 PETRUS 1:23

Kalana potatae anu tumuu' ka' sampe toka sidu-sidutu' lengkat mae hi Tumpu aijo', belemiu pinotimbalimo manusia bu'ou anu misa' i hampeakon nu manusia, panyo lengkat mae hi Tuuma anu tumuu' sampe toka sidu-sidutu'.

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.

1 YOHANES 3:9

Mian anu tinimbalimo Anak nu Tumpu, madi'mo saja' mombau dosa', kalana sipat nu Tumpu daagi'mo hi ia. Ka' kalana Tumpu aijo' Tuumanyomo, sahingga ia madi'mo timbali sabau-baunyo dosa'.

ANU PINOTO'I HI YOHANES 14:4

Aha aijo' to mia-mian anu saja' belesi' sumo langkoyang anu tumimpasje, kalana ma'isa toho' noduhus tiba boune. Aha mombatuki Anak nu Domba mau mule' pa' moya na Ia mamba. Iwi-iwi' na mian, olamo aha na anu pinobebas salaku anu sinombahkonmo momonanyo hi Tumpu ka' hi Anak nu Domba.