YAKOBUS 1:15 - KITAB NU TUMPU ALLA LELE MA'IMAI'

¹⁵ Ka' mule', de tanga'annyo anu ma'idek aijo' obatuki, atina'je ka' toka na dosa'; ka' de dosa' tahahumo ka'ahenannyo aijo'mo na kapatean.

YAKOBUS 1:15 ပူးပေါင်းရင်းမြစ်များ

KAJADIAN 2:17

Panyo kau' anu mombee'i ilimu' da monsumbu' han anu ma'ima' ka' han anu ma'idek boli. Bua'nyo madi' timbali beleyum mongkaan; de beleyum mongkaan, beleyum silakamo i sinaa aijo'.”

KAJADIAN 3:6

Tinoa nu boune aijo' na pu'un nu kau' aijo' taalu' ma'ima' ka' bua'nyo tinoanyo ma'ima' na okaan. Ka' ia binapikinmo mosia na ko ima'nyo de ia timbalimo pande. Kalana aijo tinipunyomo na bua' nu kau' aijo' ka' kinaannyo, ka' suele binee'annyomo na langkai'nyo ka' suele nongkaanmo.

2 SAMUEL 11:4

I Daud nonsaimo mian da mamba mompoboa boune aijo' ka' salatan tinokamo i laigan nu tomundo' kinamale'anmo i Daud na boune aijo'. (I Batsyeba salaje' nompilapasi nombau adat nomposusi' butongnyo kalana salaje' ilapas na adat nu aha boune). Lantas ia ninsusule'mo ilaigannyo.

AYUB 15:35

Aijo'mo aha anu lewa' mombau tanga'an anu ma'idek ka' lantas nubaumo nu aha, anu toto tage-tageo' saja' kiijo' sili-silip i uno nu kinyonyoanyo.”

MAZMUR 9:17

Tumpu nompotoamo butong-Nyo kalana kaputusan-Nyo anu adin hondo. Mian anu ma'idek na kinyonyoanyo nohumpakmo hukuman sinaduakonmo nu anu pinosi baunyomo.

AMSAL 11:19

Ihe na anu saja' mombau anu ma'ima', ka'untungannyo saidi mae mohumpak kasanangan; panyo ihe na anu sabole-bole mombau anu ma'idek mongahopimo kasilaka'an.

YESAYA 33:11

Tanga'an nu belemiu madi' kokaliangannyo, ka' iwi-iwi' na anu obau nu belemiu madi' kagunanyo. Beleyum motambuha' ola susumo opau anu monsilakai posi butong nu beleyum.

YESAYA 59:4

Belemiu mongkalak palakala madi' ko sababnyo apa-apaa ka' momputusi palakala madi' adin. Belemiu baleko' ka' montakabunakon anu madi' kogunanyo; belemiu ko tanga'an monsilakai mian sangga'at ka' mombau anu ma'idek.

MATIUS 26:14

Lantas samian lengkat i sampulu' ka' ohua' na anu saja' mombatuki Yesus, sanggonyo i Yudas Iskariot, namba hi Kapala nu to Ima-imam.

MATIUS 5:28

Panyo uuka Aku motatae hi beleyum: Ihe na montoa samian na boune ka' ko napisunyomo, mian aijo' nasala'mo tiba boune aijo' i uno nu kinyonyoanyo.

YAKOBUS 1:14

Panyo mian tagoda de ia ahi' memang mongkamiluimo ka' ko tanga'annyo anu ma'idek.

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.