YAKOBUS 1:14 - KITAB NU TUMPU ALLA LELE MA'IMAI'

¹⁴ Panyo mian tagoda de ia ahi' memang mongkamiluimo ka' ko tanga'annyo anu ma'idek.

YAKOBUS 1:14 ပူးပေါင်းရင်းမြစ်များ

KAJADIAN 3:6

Tinoa nu boune aijo' na pu'un nu kau' aijo' taalu' ma'ima' ka' bua'nyo tinoanyo ma'ima' na okaan. Ka' ia binapikinmo mosia na ko ima'nyo de ia timbalimo pande. Kalana aijo tinipunyomo na bua' nu kau' aijo' ka' kinaannyo, ka' suele binee'annyomo na langkai'nyo ka' suele nongkaanmo.

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

2 SAMUEL 11:4

I Daud nonsaimo mian da mamba mompoboa boune aijo' ka' salatan tinokamo i laigan nu tomundo' kinamale'anmo i Daud na boune aijo'. (I Batsyeba salaje' nompilapasi nombau adat nomposusi' butongnyo kalana salaje' ilapas na adat nu aha boune). Lantas ia ninsusule'mo ilaigannyo.

AYUB 31:27

Madi' toho' aku taha-tahahumo na kinyonyoangku mongka'ima'i ia, kabai ku ooki na limangku susumo anu monsombamo salaku bau pongadati ia.

AYUB 31:9

De bisuannyo aku toho'mo nongka'ima'i bengkele' nu mian anu mompaha ohani na laigannyo tiba laiganku, ka' maninsuluk na aku ku siligi na ia i sambiha' nu tumban,

AMSAL 4:23

Ojagai na kinyonyoa nu beleyum ima-ima', kalana kinyonyoa nu beleyum na montantukan jalan nu kantumuu'an nu beleyum.

YESAYA 44:20

Mian anu nombau aijo' pokakanamo nongkaan abu'. Mian aijo' pinoponga'mo nu pikilannyo pipinonga'mo sahingga ia susa'mo na daagi otulungi. Ia madi'mo daagi' moko ala mongakui saba' patong anu aijo' ilimanyo samata-mata ola ahi' mongakali.

HOSEA 13:9

Ku hansunimo na belemiu bansa Israel! Ka' ihemo ahi' na moko ala montulungi belemiu?

MATIUS 15:18

Panyo anu mosabat lengkat i nganga', aijo' pinolengkatannyo mae, lengkat i kinyonyoa; ka' aijo'mo na mombau mian timbali mahumimi'.

MATIUS 15:20

Hahan aijo' na monsabapi mian timbali mahumimi', ka' misa' mongkaan nu lima anu madi' o baso'i.”

MATIUS 4:1

Lapas aitu i Yesus binoa nu Roh nu Tumpu nokiijo' i padang bolaa da o sobai nu Ibilis.

MATIUS 5:28

Panyo uuka Aku motatae hi beleyum: Ihe na montoa samian na boune ka' ko napisunyomo, mian aijo' nasala'mo tiba boune aijo' i uno nu kinyonyoanyo.

ROMA 7:11

Kalana montului atulan nu agama aijo', dosa' nongalamo jalan nongakali ka' nompatei aku.

ROMA 7:13

Yo te aiya alati'nyo, au'aitu anu ma'ima' aijo' molubatakon kapatean hi belengku? Tantu madi'! Dosa' ahi' na anu mompolubat kapatean aijo'. Dosa' mongala jalan anu ma'ima' da mompotoka kapatean hi belengku, da sipat-sipat nu dosa' kantoaan mana-manasa. Montului palentah-palentah nu Tumpu, sahingga tinoanyo na ko ide' nyo nu dosa'.

EFESUS 4:22

Mokonyo aijo', ukatakonmo na mian anu nanau'mo tiba jalan pikilan nu kantumuu'an anu nanau'mo anu hau-haunyo ingide'anmo han anu oka'ima'i anu mompoponga'.

IBRANI 3:13

Jadi, da madi' ko samian pe'e anu itina' hi komiu na nu akali nu dosa' sahingga panggagamo hi Tumpu, tionyo ahi' komiu mompaha poki-pokinde'i sansina-sinaa de kita daagi' tumuu' i uno nu tempo' anu sinanggo-Nyo “Sinaa Aiya” i uno nu Kitab nu Tumpu.

YAKOBUS 1:13

De ihehe na mian tagoda nu soba'an anu sumo aijo', boli ia motatae, “Soba'an aiya nolengkat mae hi Tumpu,” kalana Tumpu madi' opoko goda nu anu ma'idek, ka' madi' singkona monggoda mau pe'e pa' samian.

YAKOBUS 1:15

Ka' mule', de tanga'annyo anu ma'idek aijo' obatuki, atina'je ka' toka na dosa'; ka' de dosa' tahahumo ka'ahenannyo aijo'mo na kapatean.