TITUS 3:9 - KITAB NU TUMPU ALLA LELE MA'IMAI'

⁹ Opimpali'i na painggagan anu madi' ko gunanyo, to sisi-sisik anu pa' iyamae na pinolengkatannyo, mompaha lawa-lawani ka' pahantuda'an mongkona atulan nu agama. Iwi-iwi' aijo' madi' ko gunanyo, ka' madi' ko untungnyo.

TITUS 3:9 ပူးပေါင်းရင်းမြစ်များ

1 KORINTUS 13:2

Mau mule' aku pande na mompotokakon lele lengkat mae hi Tumpu, ka' monsumbu' iwi-iwi' ilimu', ka' monsumbu' iwi-iwi na apaa, ka' mule' talalo palesaya hi Tumpu sahingga timbali moko ala molalin bungkutnyo, panyo aku madi' mongkalibosi to mia-mian sangga'at, saba' aku madi' ko alati'nyo apa-apaa!

1 KORINTUS 8:1

Uuka aiya mongkona anu okaan anu obee' salaku osombahkon hi pilogot. Memang totu'u sumo anu tinaloakonmo nu mian, “Kita iwi-iwi' pinandemo.” Panyo kapandean monsaduakon mian da kobubuun, panyo kalibosan mombau da mian timbali ma'ima'.

1 TIMOTIUS 4:7

Patikojo'oni na to sisi-sisik nu tominuat anu madi' ko gunanyo. Opobiasa ahi' o'ajan na butongum i kantumuu'an mongka'ima'i mogreja.

2 TIMOTIUS 2:14

Tionyo ahi' beleyum mompo'ingatakon to mia-mian mongkona iwi-iwi' aijo'. I ahop nu Tumpu opokinde'i na aha boli painggaga mongkona to sisi-sisik. Aijo' madi' ko gunanyo, ola da mompobingong to mia-mian anu mohongo.

2 TIMOTIUS 2:16

Opimpali na to sisi-sisik anu madi' ko gunanyo, ka' anu mongise-ise' Tumpu. Sisi-sisik sumo aijo' ola mombau mian mompaka pa'idek.

2 TIMOTIUS 2:23

Bolimo mombatuki painggagan nu to mia-mian ponga' anu madi' monsumbu' apa-apaa. Nusumbu' saba' iwi-iwi' aijo' ola monsaduakon painggagan.

TITUS 1:14

ka' madi'mo daagi' montoongi i sisik nu aha Yahudi anu madi' totu'u kabai atu-atulan anu binau nu to mia-mian anu madi' montalima pangajalan anu totu'u aijo'.

YAKOBUS 4:1

Lengkat mae iya na pinolengkatan nu iwi-iwi na pahantuda'an ka' painggagan itina' hi komiu? Te misa' aijo' nolengkat mae i pongka'oho' miu anu saja' mahampate i uno nu butong miu da bau pohumpakan kasanangan nu dunia!