TITUS 3:8 - KITAB NU TUMPU ALLA LELE MA'IMAI'

⁸ Potatae aiya totu'u ka' kona. Ku kahanda'i da beleyum sabole-bole mompoteteng han haha aiya, da to mia-mian anu palesayamo hi Tumpu totu-totu'u bala usaha da mombau pakalaja'an-pakalaja'an anu ma'ima' ka' mingguna hi mian iwi-iwi'.

TITUS 3:8 ပူးပေါင်းရင်းမြစ်များ

MAZMUR 78:22

kalana aha madi'mo pinalesaya hi Tumpu, hi kuasa-Nyo anu moko ala momposalamat aha.

AMSAL 21:28

Katalangan nu anu baleko' madi'timbali opalesaya; panyo katalangan nu mian anu monsumbu' bau-baunyo nu palakala, timbali otalima.

MATIUS 20:4

Lantas ia notatae hi aha, ‘Lako'mo na komiu mokalaja i ale' nu anggurku. Aku mombayanje komiu nu tamboo anu pantas.’

YOHANES 12:44

Lantas i Yesus notatae daka-daka', “Mian anu palesaya hi beleng-Ku, misa' palesaya hi beleng-Ku, panyo hi Ia anu nonsai mae Aku.

YOHANES 5:24

Totu-totu'u hondo na anu Kutaloakon aiya; mian anu mongintomakon potataeng-Ku, ka' palesaya hi Ia anu nonsai mae Aku, ko kantumuu'an anu talakana' ka' toka sidu-sidutu'. Ia madi' o hukum, ia nolapasmo lengkat i kapatean ka' nohumpakmo kantumuu'an.

SISIKON NU TO RASUL-RASUL 12:15

“Beleyum ulawon!” na koonyo nu aha. Panyo i Rode monggagakon tukoonyo aijo' totu-totu'u i Petrus. Sahingga aha notatae, “Itina' malaikatnyo!”

ROMA 4:5

Panyo daagi' ko mian anu madi' montaha'imani posi usahanyo; ia mongasanakon butongnyo hi Tumpu anu nompoto'imo mian baladosa' opobebasmo i kasala'an. Kalana kapalesaya'annyo aijo' Tumpu nontalimamo mian aijo' salaku mian anu momposanang kinyonyoa nu Tumpu.

2 KORINTUS 4:13

I uno nu Kitab nu Tumpu daagi' ko potatae aiya, “Aku palesaya, mokonyo aijo' aku motatae.” Jadi, tiba kapalesaya'an anu daka-daka' na kinyonyoa sumo aijo' suele, kami notataemo kalana kami palesaya.

EFESUS 4:28

Mian anu biasa mombuling, bolimo daagi' ia mombuling. Sahanyo ia mokalaja keke-keke, da hasin nu kalajanyo ia mohumpak kaanon ka' timbali montulungi anu kakulangan.

1 TIMOTIUS 1:15

Totu'u hondo na potatae aiya – kalana aijo' tionyo ahi' otalima ka' opalesaya sahondo-hondonyo –: “I Kristus Yesus tinoka i dunia aiya da momposalamat mian baladosa'.” Ka' akumo na mian baladosa' anu talalo ma'idek.

1 TIMOTIUS 2:8

Ku kahanda'i da mau mule' iya mae na to momo'ane balado'a ming kinyonyoa ahi' anu susi', madi' pusa kabai ko po'uwalian.

1 TIMOTIUS 5:10

talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

2 TIMOTIUS 1:12

Mokonyo aijo' aku nongoa'imo kasansala'an iwi-iwi' aiya, panyo aku tataap palesaya totu-totu'u, kalana kusumbu' ihe na anu ku palesaya. Ku palesaya totu-totu'u saba' apaa na anu pinalesayakon-Nyomo hi belengku Ia sanggup ahi' na monjagai sampe toka i Sinaa Kakiamatanmo.

TITUS 1:9

Ia tionyo montoongi hoso-hoson pangajalan anu timbali opalesaya, sumo anu ingajanakonmo hi ia. Tiba jalan anu sumo aijo' ia moko ala mompokinde'i mian kalana montoongi pangajalan anu totu'u, ka' momponyata' kasala'an nu to mia-mian anu mompisala'i ia.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

TITUS 2:7

I uno nu iwi-iwi na han, tionyo ahi' beleyum timbali sonto' nu kalakuan anu ma'ima'. De beleyum mongajan, beleyum tionyo ahi' jujun ka' totu-totu'u na kinyonyoa.

TITUS 3:1

Opo'ingat na to mia-mian i jama-jama'at nu beleyum da aha tulu-tulutan hi to pola-polaya' ka' anu mongkuasai negara, ka' mule' tulu-tulutan mombau iwi-iwi na han anu ma'ima'.

TITUS 3:14

To mia-mian anu bubu' kita tionyo ahi' balajan mombau hahan anu ma'ima' da timbali mompodaagi' kapalaluan anu talalo opalalui; boli sampe aha tumuu' madi' mingguna.

FILEMON 1:11

U'utu mae ia madi'mo kino gunanyo hi beleyum, panyo uuka aiya ia kino gunanyomo, misa' ola hi beleyum, panyo suele hi belengku.

IBRANI 10:24

Ka' kita tionyo ahi' mompaha toa-toa samian ka' samian da kita timbali mompaha kake-kakeha'i bau pongkalibosi sangalu ka' mombau hahan anu ma'ima'.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.