TITUS 3:3 - KITAB NU TUMPU ALLA LELE MA'IMAI'

³ Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.

TITUS 3:3 ပူးပေါင်းရင်းမြစ်များ

KAJADIAN 38:9

Panyo nusumbu' i Onan saba' to ana-anaknyo saidi' mae madi'mo olekeng anunyo. Jadi, de ia moduhusmo tiba balu nu utusnyo tu'a aijo', nu sabatakon i sambiha'nyo na anu moko timbali anak, da utusnyo tu'a madi' mohumpak lee'.

KAJADIAN 39:16

Lantas bengkele' i Potifar nonguna'mo juba' aijo' sampe langkai'nyo ninsusule' mae.

MAZMUR 36:2

Dosa notataemo i uno nu kinyonyoa nu mian anu palabuatannyo ma'idek, ia koonyo madi' hondo-hondo mabuhuk hi Tumpu.

AMSAL 8:5

Belemiu ma'isa ko anu opisumbu-sumbu', balagulu' pe'e da kopikilan ahi' anu matajom, belemiu anu madi' sampa mangalati' balagulu' pe'e da timbali pande.

AMSAL 9:6

Tibahakonmo na kaponga'an da beleyum tumuu' bilahi. Otuluti na jalan nu mian anu pande.”

YESAYA 44:20

Mian anu nombau aijo' pokakanamo nongkaan abu'. Mian aijo' pinoponga'mo nu pikilannyo pipinonga'mo sahingga ia susa'mo na daagi otulungi. Ia madi'mo daagi' moko ala mongakui saba' patong anu aijo' ilimanyo samata-mata ola ahi' mongakali.

OBAJA 1:3

Beleyum ingakalanmo nu kinyonyoa nu beleyum anu sombo-sombong atina'. Puso nu kota' nu beleyum atina' te bungkutnyo nu batu anu maharon; kajojoongan nu beleyum aita mae ibawo nu bongkutnyo anu matangkas. Kalana aijo' belemiu binapikinmo, Ihe na moko ala mompatundu' Aku?

MATIUS 21:29

‘Aku madi' mongka'oho',’ tinaaman nu anak aijo'. Panyo madi' pinin nongabali'mo na pikilannyo ka' namba i ale' nu anggur aijo'.

LUKAS 21:8

I Yesus notatae, “Obala'ingati mae, boli komiu o akali. Da'isan na mian toka mompake sanggong-Ku, ka' motatae, ‘Akumo aiya na Ia!’ ka' ‘Tinokamo na tempo'nyo.’ Panyo boli komiu mombatuki aha.

YOHANES 8:34

“Totu'u hondo na potataeng-Ku aiya,” koonyo i Yesus hi aha, “Mian anu mombau dosa', atina' botuan nu dosa'.

ROMA 11:30

U'utu mae komiu madi' mohongo-hongo Tumpu. Panyo uuka aiya Tumpu nompoto'imo tukoonyo komiu pinobebasmo i kasala'an, kalana to mia-mian Yahudi madi'mo mohongo-hongo.

ROMA 6:12

Bolimo daagi' mompobee' dosa' mongkuasai kantumuu'an anu madi' toka sidu-sidutu' aiya, da kita Utus bolimo mombatuki pongka'oho'um anu ma'idek.

ROMA 6:17

Panyo talima kaseh hi Tumpu! Kalana u'utu mae komiu tinimbalimo botuan nu dosa', panyo uuka aiya komiu buke-buke' na kinyonyoa mohongo-hongomo pangajalan anu totu'u, anu binee'mo hi beleyum.

ROMA 6:22

Panyo uuka aiya komiu pinobebasmo i dosa', ka' tinimbalimo posaihon nu Tumpu. Ka'untunganum aijo'mo kita Utus tumuu' matungka' bagi nu Tumpu ka' han aijo' mohasinakon tumuu' kopian ka' toka sidu-sidutu'.

ROMA 6:6

Osumbu'to na kalakuanto anu piniinmo salaku mian sinilakanmo hingga-hinggat tiba i Kristus i kau' salib da kuasa nu kalakuanto anu baladosa' aijo' madi'mo ko kaliangan-Nyo; tiba jalan aijo' kita madi'mo daagi' nubotuani nu dosa'.

2 KORINTUS 12:20

Aku bata-bata de aku mamba molenga saidi' mae, ku tokai na komiu madi' sumo anu tinahaimanankumo. Boli-boli saidi' mae daagi' ko anu mahantuda', anu sumpu, anu buhingison, anu mompentingkan kapalaluan nu posi butong, anu ola lewa' mompobau-bau, anu ola monsale'i da mombau gau' ma'idek, anu ola kobubuun, ka' anu ola momposubali pikilan.

GALATIA 6:3

De daagi' ko samian monsangka butongnyo talasanggo padahan madi', mian aijo' mombaleko'imo posi butongnyo.

KOLOSE 1:21

Naipuan mae komiu majo'on hi Tumpu. Komiu monsampo bali' Ia, kalana kalakuan ka' pikilan miu ma'idek.

KOLOSE 3:7

Naipuan mae komiu suele nombatukimo hahan anu o kamilui susumo aijo', tempo'nyo komiu kinuasannyomo.

2 TIMOTIUS 3:13

sadangkan to mia-mian anu ma'idek ka' to mia-mian anu mongakali mompaka pa'idekmo. Aha mongakali mian sangga'at padahan posi aha suele o akali.

2 TIMOTIUS 3:6

Daagi' ko anu kiijo' hi aha anu ninsoopmo i to lai-laigan, lantas nonggodamo to bou-boune anu ma'isa talalo palesaya ka' manjoo' hondo na dosa', ka' kinuasanmo nu ngangahan na anu oka'ima'i.

TITUS 1:16

Aha notatae, tukoonyo aha monsumbu' nu Tumpu, padahan palabuatan nu aha madi' totu'u. Aha monsaduakon da mongkahumimi'i ka' madi' mongka'oho' tulu-tulutan; aha aijo'mo na to mia-mian anu madi' moko ala mombau apa-apaa na anu ma'ima'.

TITUS 2:12

Balakat nu Tumpu aijo' mompogulu' kita da madi'mo daagi' kita tumuu' mompaha sala' tiba pongka'oho' nu Tumpu ka' madi'mo montuluti anu nu ka'ima'i nu dunia. Kita pinogulu' da tumuu' i uno nu dunia aiya, da monsumbu' boli sampa tagoda nu apa-apaa, jujun ka' tulu-tulutan hi Tumpu.

YAKOBUS 1:26

De daagi' ko toto samian anu mongoa'i butongnyo mian anu tulu-tulutan i agama, panyo ia madi' mombala'ingati jila'nyo, saba' ia mongakali posi butongnyo; ia monsombah Tumpu madi' ko kaliangannyo.

1 PETRUS 1:14

Otuluti na Tumpu, ka' bolimo tumuu' mombatuki pongka'oho' nu beleyum anu susumo naipuan mae, tempo'nyo belemiu ma'isa pe'e nonsumbu' Tumpu.

ANU PINOTO'I HI YOHANES 12:9

Ulo anu talalo hondo daka' aijo' ingalin i sambiha'nyo! Iamo na ulo anu ilangkai'mo anu o sanggohi Ibilis kabai Roh Ma'idek, anu mongakalimo songko-songko na dunia. Ia ingalinmo nokaiyong i dunia tiba iwi-iwi' na malaikatnyo.

ANU PINOTO'I HI YOHANES 13:14

Ka' iwi-iwi' mian anu tumuu' i dunia ingakalannyomo nu hahan anu okabangangi anu nupoko ala nubau i ahop nu binatang anu i momona aijo'. Ka' aha iwi-iwi' pinokaunyomo nompotinjo sa'angu' na patong nu binatang anu binelanmo nu bajak, panyo tataap tumuu'.

ANU PINOTO'I HI YOHANES 18:2

Potataenyo daka' hondo ia noloboo'mo, “Nahungku'mo! Babel anu daka' nahungku'mo! Tempo' uuka ia tinimbalimo tampat nu to setan-setan ka' roh-roh ma'idek. I unonyo daagi' ko tomonsi' anu manjoo' na ngahanannyo anu mahenyu ka' anu nuka'ideki nu mian.