TITUS 3:2 - KITAB NU TUMPU ALLA LELE MA'IMAI'

² Taloakon hi aha da boli mompitana' kabai painggaga mau mule' pa' hi he, panyo mingkalakuan manonong na kinyonyoa. Tionyo ahi' aha saja' tobos hi iwi-iwi' na mian.

TITUS 3:2 ပူးပေါင်းရင်းမြစ်များ

2 SAMUEL 22:36

Tumpu Belento nonjagaimo mae ka' nomposalamat aku ka' nontinjohimo mae aku nu kuasa nu Belento aku inguntungmo na nahampate kalana kakuasa'an nu Belento.

MAZMUR 140:11

Bakas da obaa nu apu mongujani aha, ka' o'alinmo i bolo' nu kapatean, sahingga madi'mo daagi' moko ala mosabat mae.

AMSAL 19:19

Pojohokmo na mian anu sampa pusa posi iaje na mongoa'i ka'ahenannyo. De beleyum montulungi ia, beleyum ola labe montuangi tambuha'nyo.

AMSAL 25:24

Jojoong i susunyo nu loteng, lebe sanang nu lingkudui na jojoong salaigan tiba bengkele' anu mongka'ima'i saja' painggaga.

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

MATIUS 11:29

Batuki na palentang-Ku, ka' balajan pe'e hi beleng-Ku. Sabab Aku aiya madi' bohipusaon, ka' madi' ko kinti-kinti, sahingga komiu tompilawe.

SISIKON NU TO RASUL-RASUL 23:5

Tinaaman i Paulus, “O, aku madi' monsumbu', to Utu-utus, taalu' ia Imam Daka'. Memang i uno nu Kitab nu Tumpu daagi' tinulis, ‘Boli beleyum mompopo'ise' polaya' nu bansaum.’ ”

1 KORINTUS 6:10

anu buling, anu mangoa, saja' malangu, anu saja' mongalu mian sangga'at, tiba anu mompolugi' mian sangga'at – iwi-iwi' na mian anu sumo aijo' madi' timbali mian anu palesayamo hi Tumpu Allah.

1 KORINTUS 9:19

Aku aiya misa' posaihon pa' ihe; aku bebas. Mau mule' sumo aitu, aku mompotimbalimo butongku aiya posaihon toka hi iwi-iwi' na mian. Kubau na aijo' da aku moko ala mohumpak manjoo' na mian palesaya hi Kristus.

2 KORINTUS 10:1

Uuka aiya aku i Paulus, monsisikmo apa-apaa hi beleyum. Aku aiya de koonyo nu mian manonong de mompaha ahop tiba komiu, panyo baani de to majo'onanmo. Jadi, kalana kanonongan ka' ka'ima'an nu kinyonyoa i Kristus,

2 KORINTUS 12:20

Aku bata-bata de aku mamba molenga saidi' mae, ku tokai na komiu madi' sumo anu tinahaimanankumo. Boli-boli saidi' mae daagi' ko anu mahantuda', anu sumpu, anu buhingison, anu mompentingkan kapalaluan nu posi butong, anu ola lewa' mompobau-bau, anu ola monsale'i da mombau gau' ma'idek, anu ola kobubuun, ka' anu ola momposubali pikilan.

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

GALATIA 6:1

To Utu-utus! De daagi' ko samian o humpak mombau dosa', sahanyo komiu anu tumuu' mombatuki Roh nu Tumpu mompotiju' mian aijo' minsusule' i jalan anu totu'u. Panyo komiu mompotiju' aijo' boli kopesa-pesa ka' jaga da boli sampe posi komiu tagoda mule'.

GALATIA 6:10

Jadi' de daagi' ko tempo' hi kita, tionyo ahi' kita mombau anu ma'ima' hi iwi-iwi' na mian, anu talalo hondo, toka hi to Utu-utusto sangko mian anu pinalesayamo totu-totu'u.

EFESUS 4:2

Tionyo ahi' komiu saja' mati aluk na kinyonyoa, motatae madi' ko pesa-pesa ka' sabaan. Potoa na kalibosanum montulungi samian ka' samian.

EFESUS 4:31

Alinakon na anu o'oa'i moko pasakit na kinyonyoa mongingu ka' pusa. Bolimo daagi' mahaloboo'an ka' solaa' monguduli. Bolimo daagi' ko kinyonyoa mongka'ideki kabai ko kinyonyoa sangga'at anu sumo aijo'.

FILIPI 4:5

Opai-pai lio da iwi-iwi' na mian montoa kalakuan ka' kinyonyoa miu manonong. Kalana madi'mo daagi' pin na Tumpu tokamo.

1 TESALONIKA 2:7

Panyo sipat mami manonong de kami itina' hi komiu, sumo samian na tina mongkalesang to ana-anaknyo.

1 TIMOTIUS 3:11

Bengkele' nu aha suele tionyo ahi' mian anu tobos, misa' mian anu mongka'ima'i lewa' mombebakon sisik anu madi' totu'u. Aha tionyo monsumbu' boli mahasisikon ka' jujun i uno nu han iwi-iwi'.

1 TIMOTIUS 3:3

boli mian anu saja' malangu, kabai anu mongka'ima'i mahantuda'. Sumo aitu mule' ia tionyo ahi' boli buhingison ka' mongka'ima'i baladame. Ia madi' timbali mompopodaka' doi.

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

YAKOBUS 4:11

To Utu-utus, boli mompaha alu-alu kabai mompaha pisa-pisala'i. Mian anu mongalu kabai mompisala'i utusnyo anu bubu' Kristen, ia mongalu kabai mompisala'i atulan nu Tumpu. Ka' de komiu mompisala'i atulan nu Tumpu, aijo' alati'nyo komiu madi' mombatuki atulan haha aijo', panyo mongatunmo atulannyo.

1 PETRUS 2:1

Kalana aijo', alinmo na anu ma'idek iwi-iwi' itina' i butongum; bolimo daagi' baleko', ka' boli mimbudi-budi. Boli mongka'ideki mian sangga'at, ka' boli mompopo'ise' mian sangga'at.

1 PETRUS 3:10

I uno nu Kitab nu Tumpu tinulismo sumo uuka, “Mian anu mongka'oho' mongoa'i kantumuu'an ka' mongka'oho' mongoa'i iwi-iwi' na sinaa anu ma'ima', nganga'nyo o jagai ahi' da boli lewa' monsisik hahan anu ma'idek, ka' madi' montaeakon hahan anu baleko'.

1 PETRUS 3:8

Isinyo aijo'mo: Oposa'angu' ahi' to Utu-utus na tanga'an ka' kinyonyoa. Pompaha kali-kalibosi ahi' sumo to mia-mian anu moto utus. Ka' mompaha kano-kanonongi ahi', ka' mintabiat madi' montige-tige.

1 PETRUS 4:4

Tempo' uuka mian anu madi' monsumbu' Tumpu, mongkabangangi kalana komiu madi'mo mombatuki tumuu' sumo aha, mombau dosa' madi' ko batasnyo. Mokonyo aijo' aha monjojoa belemiu.

2 PETRUS 2:10

utamanyo to mia-mian anu montuluti apaa na anu nu kamilui nu aha, aijo'mo napisu anu mahenyu ka' anu monjojoa kakuasa'an nu Tumpu. Baani ka' takabun hondo na to gulu-gulu' anu madi' totu'u haha aijo' sahingga aha madi' bata-bata na monjojoa Tumpu anu opopodaka' kiita' i suluga'!

YUDAS 1:10

Panyo pinompopo'ise' nu mian haha aijo' nongkonamo iwi-iwi' apaa na anu madi' nu sumbu' nu aha. Aha pokakanamo sumo to bina-binatang anu madi' ko pikilannyo, anu ola monsumbu' hahan kalana kabiasa'annyo. Panyo hahan aijo'mo na nonsaduakon aha matemo.

YUDAS 1:8

Sumo aitu mule' na mian haha aijo' ola lewa' mompopikilakon anu santo misa-misa' sampe aha mombau dosa' i posi butong nu aha. Aha monte kuasa nu Tumpu ka' mompopo'ise' malaikat anu talasanggo kiita' i suluga'.