TITUS 2:5 - KITAB NU TUMPU ALLA LELE MA'IMAI'

⁵ timbali pande, tumuu' susi' ka' timbali tina nu auwan anu ma'ima', anu tulu-tulutan hi langkai'nyo. Tiba jalan anu sumo aijo' madi'mo ko mian anu mompisala'i lele lengkat mae hi Tumpu.

TITUS 2:5 ပူးပေါင်းရင်းမြစ်များ

KAJADIAN 18:9

Lapas aijo' pinokilawamo nu aha, “Iya na i Sara bengkele' nu beleyum?” “Kiijo' mae, i uno nu kemah,” na koonyo i Abraham.

KAJADIAN 3:16

Lantas Tumpu notataemo hi boune aijo', “Ku paka posakit na beleyum de beleyum poboamo ka' de beleyum mohampeakonmo. Panyo mau mule' sumo aijo', beleyum daagi' saja' ko kinyonyoa moduhus tiba langkai' nu beleyum, ka' mule' beleyum tionyo tulu-tulutan hi ia.”

2 SAMUEL 12:14

Panyo kalana belento Tomundo' nongambangimo Tumpu kalana nombaumo anu susumo aijo', anak mo'ane nu belento Tomundo' anu salaje' ihampe aijo' na tionyo ahi' silaka.”

MAZMUR 74:10

Hipianje na belenti, O, Tumpu, na anu monsampobali' mae belentimo madi'mo mongkokojoi Belento? Pa' sampemo toka sidu-sidutu' na aha mongalu sanggo nu Belento?

SISIKON NU TO RASUL-RASUL 9:36

Kiijo' i Yope daagi' ko samian na boune sanggonyo i Tabita. Ia samian anu palesaya hi Yesus. (Sanggonyo i uno nu basa' nu Yunani, i Dorkas alati'nyo jonga.) Ia ola ahi' saja' mombau hahan anu ma'ima' ka' montulungi to mia-mian kasiasi.

SISIKON NU TO RASUL-RASUL 9:39

Lau-laus i Petrus tinuminjo ka' nombatuki aha. Potokanyo kiijo' mae, ia binoa i kaman anu i bawonyo. Iwi-iwi' balu anu i kiijo' nontikubi i Petrus galo-galo' humaang ka' nompotoa hi ia to baju-baju'nyo ka' juba-juba' anu kina'utakon i Dorkas hi aha tempo'nyo ia daagi' tumuu'.

ROMA 14:16

Mokonyo aijo' boli mompojohok apaa na anu ma'ima' hi komiu, osangkamo madi' ma'ima' nu mian sangga'at.

ROMA 2:24

I uno nu Kitab nu Tumpu tinulis sumo uuka, “Kalana komiu to mia-mian nu Yahudi, sahingga sanggo nu Tumpu binusikanmo i tonga-tonga' nu bansa-bansa sangga'at.”

1 KORINTUS 11:3

Panyo ku indi da komiu monsumbu' sa'angu' na han mule', aijo'mo saba' anu mongkapalai aha to momo'ane, aijo'mo i Kristus; anu mongkapalai bengkele' aijo'mo langkai'nyo, ka' anu mongkapalai i Kristus aijo'mo Tumpu.

1 KORINTUS 14:34

boune sahanyo ola momohokot de singkabotmo i pogombuan nu jama'at. Aha madi' opobee' basisik. Aha madi' timbali opobee' mongatun; aijo' mompahakona tiba atulan nu agama.

EFESUS 5:33

Panyo ayat nu kitab anu sinanggo aijo' daagi' suele ko tuusanannyo tiba komiu: Maunyo ahi' batu-batu langkai' mongkalibosi bengkele'nyo, sumo ia mongkalibosi posi butongnyo, ka' maunyo ahi' batu-batu bengkele' ko'usaha ahi' mongadati langkai'nyo.

KOLOSE 3:18

To Utu-utus anu tinimbalimo bengkele' nu mian! O tuluti na langkai' miu kalana sumo aijo' sabenanyo na kalakuan miu mian Kristen.

1 TIMOTIUS 5:10

talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

1 TIMOTIUS 6:1

To mia-mian Kristen anu tinimbalimo posaihon, tionyo ahi' nu akui nu aha na tuan nu aha patut ahi' o adati, da mian madi' mombusiki sanggo nu Tumpu kabai pangajalanto.

TITUS 2:4

da tiba jalan anu sumo aijo' aha timbali mompogulu' to bou-boune anu ma'isa bengkele' mongkalibosi osoanyo ka' to ana-anaknyo,