TITUS 2:2 - KITAB NU TUMPU ALLA LELE MA'IMAI'

² Opokinde'i na mian to momo'ane anu langkai'mo, da aha boli sampa tagoda nu apa-apaa, pande ka' tumuu' sumo mian anu pantas otabe'i. Aha tionyo ahi' suele montoongi pangajalan anu totu'u anu nolengkat mae hi Tumpu, mongkalibosi tala-talakana', ka' sabaan na mongoa'i sansala.

TITUS 2:2 ပူးပေါင်းရင်းမြစ်များ

AYUB 12:12

Tinogilelemo, kapandean bapikin ola ohumpak hi mian anu matangkasmo na umunnyo, padahan kapandean bapikin ka' kahosonan ola ahi' hi Tumpu Allah. Koonyo nu mian monsumbu' apa-apaa ohumpak hi mian anu matangkasmo na umunnyo, padahan monsumbu' apa-apaa ka' kakuasa'an olamo ahi' ohumpak hi Tumpu Allah!

MAZMUR 92:14

Aha sumomo kau' anu sinu'an kiijo' i Laigan nu Tumpu, ka' nodensu'mo na kodaka'nyo kiijo' i Laigan nu Tumpu Allah-nto.

AMSAL 16:31

Mian anu madi' tageo' na kinyonyoanyo saidi mae obee'i mantan na umun; uan nu ubaknyo sumomo makota' anu talalo hondo ma'ima'.

YESAYA 65:20

To ana-anaknyo madi'mo daagi' ko anu silaka daai' ise', ka'mian anu tu'anyomo mantanmo na umunnyo nu aha. Mian anu umunyo sa'atumo na taun daagi' o'anggap olitau, ka' mian anu sinilakamo ma'isa pe'e jinadi na aijo' o'anggapmo ahi' kinonamo nu hukuman-Ku.

IMAMAT 19:32

O angga'i ka' o adati na to mia-mian anu motu'amo. Tionyo ahi' belemiu mongadati ka' okabuhuk na Aku, kalana Akumo na Tumpu.

MARKUS 5:15

Aha tinoka hi Yesus, lantas nontoa mian anu u'uka pininsoopan nu roh ma'idek aijo', hau-haunyo suha-suhang i kiijo'. Ia nompusokmo baju' ka' pikilannyo mule' na'ima'mo. Lantas aha iwi-iwi' tinimbali nabuhuk.

LUKAS 8:35

Lantas to mia-mian nosabatmo ka' nontoa apaa na anu tinimbalimo. Aha tinoka hi Yesus, ka' i kiijo' aha nontokai mian anu pinala'ianmo nu to roh-roh ma'idek aijo' hau-haunyo suha-suhang koko tengke i Yesus. Ia nimbaju'mo ka' pikilannyo sininsumbu'mo. Aha haha aijo' nabuhukmo.

SISIKON NU TO RASUL-RASUL 24:25

Panyo salatan i Paulus nolausakonmo potataenyo mongkona hal madi' timbali baleko' ka' tionyo ahi montahan napisu ka' mongkona hukuman i Sinaa Kakiamatan, i Feliks nabuhukmo, lantas notatae, “Beleyum timbalimo minsusule' sinaa uuka. Aku molagaje mule' beleyum de ko kasampatanmo.”

ROMA 12:3

Tumpu nombee'imo balakat hi belengku. Mokonyo aijo' aku mompokinde'i to Utu-utus iwi-iwi': Boli mongoa'i butong lebe matangkas molingkuduimo anu sahondo-hondonyo. Ola ahi' butong miu na otutugi ka' boli kobubuun; toto samian montoa butongnyo iya na anu opoko ala obau anu binee'mo nu Tumpu hi ia, kalana ia pinalesayamo hi Yesus.

1 KORINTUS 15:34

Sinumbu'mo uuka aiya, ka' bolimo mombau dosa'. Sabenannyo pa'a-pa'ambangmo ahi' na komiu, kalana itina' hi komiu daagi' ko anu ma'isa nonsumbu' Tumpu.

1 KORINTUS 9:25

Ihehe na mian anu hau-haunyo opogulu', tionyo sabaan i han iwi-iwi'. Nubau na aijo' kalana ia mongkahanda'i da opo'olo'i bunga, olo' nu kamenangan, aijo'mo bunga anu sampa magayou. Panyo kita aiya monsabaanakon lupa-lupa, kalana kita mongkahanda'i da opo'olo'i bunga, olo' anu madi' magayou.

2 KORINTUS 5:13

De kami memang otoa notutuangmo, aijo' kalana mombau kapentingan nu Tumpu. Ka' de kami otoa sinsumbu', aijo' kalana mombau kapentingan miu.

GALATIA 5:23

aha madi' takabun, ka' saja' moko ala mongkuasai anu nu ka'ima'i nu butong. Madi' ko atulan nu agama anu montewa' hahan anu sumo aijo'.

FILIPI 4:8

Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.

1 TESALONIKA 5:6

Kalana aijo' kita madi' timbali sahoyo-hoyotnyomo sumo mian sangga'at. Kita tionyo basadia ka' pikilanto tionyo matantu.

1 TESALONIKA 5:8

Panyo kita aiya to mia-mian anu pinosoopmo i sinaa anu majingka; kalana aijo' pikilanto tionyo matantu. Kita tionyo tataap palesaya hi Tumpu ka' mongkalibosi to mia-mian sangga'at tiba taha'iman ahi' totu-totu'u saba' Tumpu momposalamatmo kita. Aijo'mo na toongon anu monjagai kita i uno nu usaha mongewa ka'idekan.

1 TIMOTIUS 1:10

mongkona to mia-mian anu lewa' masala', talalo napisu nyo, lewa' mompopalaihakon to ana-anak talalo baleko'; to saki-sakisi baleko', ka' maumo ihe na mombau hahan anu mompaha sala' tiba pangajalan anu totu'u.

1 TIMOTIUS 1:14

Ka' aku pinaka bee'an mule' balakat nu Tumpunto. Ia nombee'imo aku da moko ala palesaya hi Ia ka' mongkalibosi sangko manusia. Da moko ala sumo aijo' binee'mo hi kita iwi-iwi' anu nosa'angu'mo tiba i Kristus Yesus.

1 TIMOTIUS 1:5

Kahanda' nu pokinde'ku aijo', atina'mo da mian timbali ko kinyonyoa anu ma'ima' ka' kinyonyoa anu ma'ima' ka' susi', tiba mule' totu-totu'u palesaya hi Tumpu, ka' tiba jalan anu sumo aijo' yo aha timbali mongkalibosi sangalunyo.

1 TIMOTIUS 3:11

Bengkele' nu aha suele tionyo ahi' mian anu tobos, misa' mian anu mongka'ima'i lewa' mombebakon sisik anu madi' totu'u. Aha tionyo monsumbu' boli mahasisikon ka' jujun i uno nu han iwi-iwi'.

1 TIMOTIUS 3:2

Samian na anu montoongi jama'at tionyo ahi' mian anu madi' ko kasala'annyo, ola sa'angu' na bengkele'nyo, monsumbu' sabaan, pande ka' anu montoongi atulan; ia mongka'ima'i montalima mian i laigannyo, ka' timbali mongajan mian,

1 TIMOTIUS 3:4

Ia tionyo ahi' monsumbu' mongatun auwannyo ma'i-ma'ima', ka' mongajan to ana-anaknyo da mohongo-hongo ka' mingadat hi ia.

1 TIMOTIUS 3:8

Pabantun nu jama'at tionyo ahi' suele mian anu ma'ima' ka' madi' tageo' na kinyonyoanyo; madi' mompopodaka' doi, ka' madi' talalo mongka'ima'i monginum anggur manjoo'.

1 TIMOTIUS 5:1

Boli beleyum talalo montambuha'i mian anu lebe motu'amo anu molingkuduimo belemiu na ko tu'anyo, panyo osale'i na ia da mohongo potatae nu beleyum susumo au'aitu ia tuuma nu beleyum. Opalentah na to oli-olitau susumo utus,

TITUS 1:13

Apaa na anu tinaloakon nu nabi aijo' memang totu'u. Aijo' na sababnyo beleyum tionyo ahi' sabole-bole montewa' aha; da aha tataap mintoong i jalan anu totu'u

TITUS 1:8

Ia tionyo ahi' sanang na montalima mian anu sonsoo' i laigannyo, mongka'ima'i hahan anu ma'ima', timbali mongatun butong, jujun, susi' ka' ta'atun.

TITUS 2:7

I uno nu iwi-iwi na han, tionyo ahi' beleyum timbali sonto' nu kalakuan anu ma'ima'. De beleyum mongajan, beleyum tionyo ahi' jujun ka' totu-totu'u na kinyonyoa.

FILEMON 1:9

Panyo kalana aku mongkalibosi kita Utus, aku ola ahi' momoita. Aku aiya samian na tu'anyo ka' uuka aiya hau-haunyo i unomo nu talungku', kalana i Kristus Yesus.

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.

1 PETRUS 5:8

Balajaga-jaga ahi' na komiu ka' mosadia! Kalana Ibilis atina'mo na sampo bali' miu. Ia sumo singa lumajang mokiijo', mo'uuka, ka' molohuu' molio kaanonnyo.

2 PETRUS 1:6

ka' tuangnyo nu kapandean, komiu tionyo ahi' moko ala mongkuasai butong. Ka' tuangnyo nu moko ala mongkuasai butong tionyo ahi' belemiu mompokopiani butong ka sabaan na mongahopi iwi-iwi na apaa. Tuangnyo nu sabaan de mongahopimo iwi-iwi na apaa, belemiu tionyo ahi' mombatuki pongka'oho' nu Tumpu.