ROMA 9:5 - KITAB NU TUMPU ALLA LELE MA'IMAI'

⁵ Aha ilee'akon nu mompolee'to. I Kristus salaku mian nolengkat mae i bansa nu aha. Ia na lebee i bawo molingkudui iwi-iwi' aijo'. O puji' na Tumpu toka sidu-sidutu'! Amin.

ROMA 9:5 ပူးပေါင်းရင်းမြစ်များ

KAJADIAN 12:3

Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

1 TOMU-TOMUNDO' 1:36

“Ii', sumo itina'mo,” kita mian anu talasanggo tinaman i Benaya, “o'amalakon da Tumpu Allah nu belento Tomundo' mompohoson palentah nu belento Tomundo' aijo'.

1 TAWARIKH 16:36

O Puji' na Tumpu, Tumpu Allah nu Israel, uuka aiya ka' sampe toka sidu-sidutu'! Lapas aijo' iwi-iwi' na mian nu Israel notataemo, “Amin”, lantas aha nompuji'mo Tumpu.

MAZMUR 103:19

Tumpu mompalentah kiita' mae i suluga', iamo na tomundo anu mongkuasai iwi-iwi'.

MAZMUR 106:48

O puji' na Tumpu, Tumpu nu aha Israel, uuka aiya sampe toka sidu-sidutu'. Da' iwi-iwi' na mian montaloakon, “Amin!” O puji' na Tumpu!

MAZMUR 41:13

Belento nontulungimo mae aku kalana aku madi' tageo' na kinyonyoa, ka' nompobee'mo aku tumuu' hingga-hinggat tiba Beleyum sampe toka sidu-sidutu'.

MAZMUR 45:6

Pana' nu beleyum mata-matajom molampasmo sule nu mian anu mongewa mae beleyum, to bansa-bansa singkapmo motua' i ahop nu tengke nu beleyum.

MAZMUR 72:19

Opuji' na sanggo-Nyo anu talasanggo sampe toka sidu-sidutu'; o'amalakon da songko-songko na dunia mobuke nu anu mompotalasanggo Ia! Jadimo mae sumo uuka, Amin!

MAZMUR 89:52

To mia-mian anu monsampobali' Belento nompopo'ambangmo i tomundo' anu pinile'anmo nu Belento, o, Tumpu, lewa' mongkokojoi ia maumo pa' moya na ia mamba.

YESAYA 11:1

Lee' mae i Tomundo' Daud pokakana susumo kau' anu tinaa'mo. Panyo susumo lapangnyo tu'o daagi' ahi' tumuu' mae na sumpenyo sumo aitumo na lee' mae i Daud daagi' ahi' ko samian na tomundo' na nu lee'akon mae.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YEREMIA 28:6

“Ma'ima'mo! O'amalakon da apaa na anu kinila-kilamo nu beleyum aijo' ko bukutinyo ahi' ka' Tumpu totu-totu'u ahi' po ule'mo monsule'akon mae lengkat i Babel balang haha aijo' anu memang ahi' balang nu Laigan nu Tumpu tibamo aha mian iwi-iwi' anu binoamo kiijo' mae.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

LUKAS 20:44

Jadi, de i Daud nonsanggo, Tomundo anu Momposalamat aijo' ‘Tumpu,’ mosia na Ia timbali Lee' mae i Daud?”

YOHANES 10:30

Aku tiba Tuuma sa'a-sa'angu'nyomo.”

SISIKON NU TO RASUL-RASUL 20:28

Tionyo obala ingati na butong miu ka' otoa suele na jama'at iwi-iwi' anu binee'mo nu Roh nu Tumpu hi komiu da otoa; kalana komiu ingangkatmo da montoa jama'at aijo'. Tionyo komiu montoa jama'at nu Tumpu aijo' sumo polaya' montoa dombanyo, kalana Tumpu nompotimbalimo jama'at-Nyo, aijo'mo na sababnyo sahingga i Yesus Anaknyo sinilakamo.

SISIKON NU TO RASUL-RASUL 3:13

Tumpu anu o sombah i Abraham, i Ishak, ka' i Yakub, Tumpu nu mompolee'to, Tumpu aijo' nompopodaka'mo Posaihon-Nyo aijo'mo i Yesus. I Yesus aijo'mo na anu binee' miu hi aha anu mongkuasai, ka' komiumo na sampo bali'nyo i ahop i Pilatus, tempo'nyo i Pilatus ka'oho'mo molapasakon Ia.

ROMA 1:25

Tumpu anu totu'u, nubalosi nu aha tiba tulu-tulumo anu madi' totu'u. Misa' anu Nompotimbali, panyo anu pinotimbali, aijo'mo na nusombah ka' nupalesaya nu aha. Padahan ahi' anu Nompotimbali na tionyo o puji' sidu-sidutu'! Amin.

ROMA 1:3

Lele Ma'ima' aijo' mongkona Anak nu Tumpu, Tumpunto i Yesus Kristus. Salaku Ia mian, Ia aijo' lee' mae i Daud,

ROMA 10:12

Aijo' kona hi mian iwi-iwi', kalana madi' o posi posangalasan mian nu Yahudi tiba to mia-mian bansa sangga'at. Tumpu anu sa'a-sa'angu'nyo, aijo'mo na Tumpu nu mian iwi-iwi'. Ia mombee'i balakatnyo molabih-labih hi iwi-iwi' na mian anu momoita tulung hi Ia.

ROMA 11:28

Kalana mian nu Yahudi madi' mongka'oho' montalima Lele Ma'ima' lengkat mae hi Tumpu, sahingga tinimbalimo sampobali' nu Tumpu; sahingga aijo' na tinimbali ka'untungan nu to Utu-utus anu misa' Yahudi. Panyo kalana anu pinile'anmo nu Tumpu sahingga to mia-mian Yahudi aijo' tataap Nukalibosi nu Tumpu, kalana monginau' mompolee' nu aha.

1 KORINTUS 14:16

Kalana de kita Utus ola montaloakon talima kase hi Tumpu Allah nu kinyonyoa, ka' daagi' ko mian sangga'at anu madi' mangalati' i basa' anu okabangangi, anu lengkat mae hi Roh nu Tumpu aijo', saba' mian aijo' madi' moko ala motatae, “Aku setuju” i do'a pontalima kaseum aijo'; kalana ia madi' monsumbu' apaa na anu tinaloakonmo nu kita Utus.

2 KORINTUS 11:31

Tumpu Tuuma i Tumpu Yesus monsumbu' saba' aku madi' baleko'. Puji' na sanggo-Nyo sampe toka sidu-sidutu'.

PO'ULE' INGULIT 10:15

Panyo kalibosan anu taha-tahahumo nu Tumpu Allah hi mompolee' miu, sahingga mau manjoo' na bansa panyo belemiu na pinile'an-Nyo, ka' sampe tempo' uuka aiya belemiu mian-Nyomo anu pinile'anmo.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

1 TIMOTIUS 6:15

Katokaan-Nyo nu posi tantukanje nu Tumpu i tempo' anu matantu. Iamo na samata-mata Mongkuasai; Ia anu talasanggo, Tomundo i iwi-iwi na tomundo, ka' Tumpu i iwi-iwi na tuan.

2 TIMOTIUS 2:8

O inau' na aiya: Lele Ma'ima' anu kupolele aijo', atina'mo na lele mongkona i Yesus Kristus, lee' i Daud; Iamo na i Kristus anu sinilaka po'ule'mo pinotumuu'.

IBRANI 7:24

Panyo i Yesus tumuu' sampe toka sidu-sidutu', jadi pangkat-Nyo salaku imam madi' molalin hi mian sangga'at.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

ANU PINOTO'I HI YOHANES 1:18

Akumo na Ia anu tinumuu'mo! Aku sinilakamo, panyo toamo, Aku tumuu'mo sampe toka sidu-sidutu'. Aku mongkuasai kapatean, ka' i dunia nu mian anu i natemo.

ANU PINOTO'I HI YOHANES 22:16

“Aku, i Yesus, nonsaimo malaikat-Ku namba hi belemiu da ia mompoto'iakon hahan aiya bau kapalaluan nu to jama-jama'at. Aku aiya lee' mae i Daud; Akumo na mandala' nu Kabete'an anu majingka hondo aijo'.”

ANU PINOTO'I HI YOHANES 22:20

Ia anu nompotokamo mae lele aiya iwi-iwi' notatae, “Totu'u, Aku malia'mo toka!” Amin! Tokamo mae o Tumpu Yesus!

ANU PINOTO'I HI YOHANES 5:14

Sahingga opa-opat na malaikat haha aijo' nontaami, “Amin!” Ka' to pola-polaya' haha aijo' suele dinumaladupumo ka' nonsombah.