ROMA 9:4 - KITAB NU TUMPU ALLA LELE MA'IMAI'

⁴ Aha mian anu pinile'anmo ka' Tumpu nompotimbalimo aha to ana-anak-Nyo, ka' nompotoamo kuasa-Nyo hi aha. Ia binajanji'mo tiba aha ka' nombee'imo atulan nu agama hi aha. Tumpu nompoto'i hi aha, mosia na aha tionyo balado'a ka' aha mule' nontalimamo anu jinanji'-Nyo.

ROMA 9:4 ပူးပေါင်းရင်းမြစ်များ

KAJADIAN 15:18

Tempo'nyo aijo' na Tumpu binalajanji'mo hi Abram. Notataemo na Tumpu, “Aku balajanji'mo mombee'mo hi lee' nu beleyum songko-songko na tano' aiya, lengkat pe'e mae i potempasan nu lipu' Mesir toka-toka mokiijo' mae i Kaunyo nu Efrat,

KAJADIAN 17:10

Beleyum ka' iwi-iwi' na lee' nu beleyum, to momo'ane tionyo ahi' o sunat.

KAJADIAN 17:2

Aku mombaumo palajanjian tiba beleyum ka' mombee'imo lee' manjoo'.”

KAJADIAN 17:7

Ku totu'uakonje na palajanjian-Ku hi beleyum, ka' toka-toka hi lee' nu beleyum molundu-lundu, ka' palajanjian aijo' sampe toka sidu-sidutu'. Aku timbalimo Tumpu Allah nu beleyum ka' Tumpu Allah nu lee' nu beleyum.

KAJADIAN 32:28

Mian aijo' notataemo, “Sanggo nu beleyum misa'mo i Yakub. Beleyum nahaluku'mo tiba Tumpu Allah ka' tiba manusia, ka' beleyum na inguntungmo; kalana aitu sanggo nu beleyum i Israelmo”.

1 TOMU-TOMUNDO' 8:11

Kundom aijo' jinongkilabanmo kalana Tumpu anu daka' na kuasanyo tinokamo sahingga imam haha aijo' madi'mo noko ala po'ule' ninsoop mombau pakalaja'an nu aha.

NEHEMIA 13:29

Aku binalado'amo, “O Tumpu Allah-ngku, tutugiakon mae mosia na mian haha aijo' nohenyuimo pangkat imam ka' apa-apaa na anu jinanji'mo nu Belento tiba to ima-imam ka' to mia-mian nu Lewi!”

MAZMUR 147:19

Ia nompotokamo potuunon-Nyo hi mian anu pinalesayamo hi Ia, palentah ka' atulan-Nyo hi mian anu pinile'an-Nyomo.

MAZMUR 63:2

O Tumpu, belentomo na Tumpungku, ku lio ka' ku indi mamba hi Belento. Sumomo tano' anu kinunmo i negotmo nu uwe sumomo aijo' na aku i negotmo hi Belento.

MAZMUR 73:1

Mazmur i Asaf. Manonong hondo na Tumpu Allah hi mian anu palesayamo hi Ia, ka' mule' hi mian anu kinyonyoanyo hodi'.

MAZMUR 78:61

Pinojohok-Nyomo na Peti' Palajanjian da binoa. Peti' aijo' salaku tanda Ia talasanggo, panyo ingalamo nu mian anu nongewa aha.

MAZMUR 89:3

Kalana ku sumbu' na kalibosan nu Belento sampe toka sidu-sidutu', kanonongan nu Belento mahoson hondo susumo langit.

MAZMUR 89:34

Panyo aku sabole-boleh mongkalibosi i Daud, ka' madi'mo mongabali' na kanonongan-Ku.

MAZMUR 90:16

Potoamo mae hi kami to posa-posaihon nu Belento na anu binaumo nu Belento ka' kakuasa'an nu Belento anu talasanggo hondo hi to lelee' mami.

NOSABATMO 12:25

De belemiu mompinsoopimo lipu' anu jina-jinanji'mo nu Tumpu hi belemiu, belemiu tionyo ahi' mombau adatnyo susumo aiya.

NOSABATMO 34:27

Tumpu notatae hi Musa, “Tulis na potataeng-Ku aiya, kalana tiba potatae aijo' Aku mombaumo palajanjian tiba beleyum ka' tiba bansa Israel.”

NOSABATMO 4:22

Lantas poto'imo hi tomundo aijo' taalu' Aku, Tumpu, mompotuunmo mae sumo uuka: 'Israel atina' anak-Ku anu tumpenyo,

NOSABATMO 40:34

Lapas aijo' nintatau'mo mae na kundom nonsaputmo Kemah nu Tumpu ka' Kemah aijo' najingkamo hondo, tandanyo Tumpu tinokamo.

YESAYA 41:8

Panyo beleyum Israel posaihon-Ku, mian anu pinile'an-Kumo beleyum lee' mae i Abram, sampobela'-Ku.

YESAYA 46:3

Potombihing mae na Aku, o, mian lee' mae i Yakub, belemiu iwi-iwi' anu tinontuha' na mian anu palesayamo hi beleng-Ku. Aku nompotuu'mo belemiu, salatanmo pe'e belemiu ihampemo.

YESAYA 5:2

Nu pansun na tano'nyo ka' nu paha alini na batunyo. Sinu'annyomo na anggur anu pinile'annyomo ka' binaunyomo na laigan tangka-tangkas bau ponjagaian. Kinekenyomo sa'angu' na bolo' da pombauan tampat pompao'an nyo anggur, lantas nu tanda'imo na bua'nyo maha, panyo bua'nyo anu ola anggur anu malosing.

YESAYA 60:19

Beleyum madi'mo daagi' nu timpa'i nu singgit de sinaamo ka' mule' madi'mo palalu nu jingkai nu bitu'on de pihimo. Kalana Aku Tumpu na timbalimo jingka sampe toka sidu-sidutu' hi beleyum, Aku monjingkaimo beleyum nu kaholomatan-Ku.

YEREMIA 31:20

O Israel beleyum anak anu Ku kanonongi hondo anak anu oka'ima'i hondo, saja' o inau' i uno nu kinyonyoang-Ku. De Aku montambuha'imo bele saja'mo Ku inau' na beleyum ka' molibosmo. Beleyum na Ku atun ahi' ima-ima' nu kalibosan.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 31:9

Aha lumajang humang Ku hase' ka' mule' Ku laya' na aha. Ku boa na aha montulu tampat-tampat anu manjoo' na ueenyo, montulu jalan daka' itampat nu aha lumajang aha madi' tosumpun. Kona hi aha Israel Aku sumomo ahi' tuuma nu aha; i Efraim aijo'mo na anak-Ku momo'ane anu tumpenyo.”

YEHEZKIEL 1:28

ka' manjoo' hondo na ngahan nu buhitnyo mimbalu-balu'mo tandalo'. Aijo'mo na jingka anu lonsinoan hondo salaku tanda daagi'mo ko Tumpu tinoka. Nontoa aijo' aku tinombahangkangmo dumo-dumon itano'. Lantas ihongongkummo na potatae

HOSEA 11:1

Tumpu notatae, “Aku mongkalibosi Israel daagi' pe'e aha ise-ise', Ilagangku na anak-Ku aijo' nosabat mae lengkat i Mesir.

NOMBILANGMO 7:89

De i Musa minsoopmo i Kemah nu Tumpu da basisikmo tiba Tumpu, ia mohongomo potatae nu Tumpu anu montaloakon hi ia lengkat mae aita' i kolop nu Peti' Palajanjian i olotnyo nu patong nu malaekat.

MATIUS 21:33

“Hongo na kantuang anu sa'angu' aiya mule'”, koonyo i Yesus. “Samian na tumpu nu tano' nonsu'ani sa'angu' na ale' nu anggur. Ia nompagan titikub, ka' nongkeke bolo' bau pompo' una'an tampat pompeeti anggur, ka' mule' nompotinjo pontamongian. Lapas aijo', ia nontamboakon ale' nu anggur aijo' hi aha anu mokalaja, lantas namba i lipu' sangga'at.

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

YOHANES 1:47

I Yesus nontoa i Natanael tinoka, lantas notatae mongkona ia, “Toa, aijo' mian nu Israel totu-totu'u. Madi' ko baleko'nyo hi ia.”

SISIKON NU TO RASUL-RASUL 2:39

Kalana anu jinanji'mo nu Tumpu aijo' bau bagi miu tiba lee' miu, tiba bau bagi nu to mia-mian anu daagi' kiijo' mae i tampat-tampat anu majo'on – aijo'mo iwi-iwi' na mian anu i laga nu Tumpu Tumpunto da toka hi Ia.”

ROMA 3:2

Tantu manjoo' na gunanyo! Momoonanyo, kalana hi mian nu Yahudi Tumpu montaha'imani da obau apaa na koonyo nu potatae nu Tumpu.

ROMA 8:15

Kalana Roh nu nubee' nu Tumpu hi komiu, madi' monsaduakon komiu timbali botuan, sahingga komiu tumuu' i uno nu kabuhukan. Ola o, Roh nu Tumpu aijo' mompotimbali komiu to ana-anak nu Tumpu. Ka' kalana kuasa nu Roh nu Tumpu aijo', kita molaga Tumpu aijo', “Tuuma, o Tuumangku!”

ROMA 9:6

Aku madi' ko kahanda' montaloakon janji' nu Tumpu madi'mo ko kaliangannyo; panyo misa' iwi-iwi' na mian nu Israel mian anu pinile'anmo nu Tumpu.

2 KORINTUS 11:22

Mian nu Ibrani ugaat na aha! Aku singkona mian nu Ibrani. Mian anu Israel ugaat na aha? Aku singkona mian nu Israel. Lee' i Abraham ugaat na aha? Aku singkona sumo aijo'.

GALATIA 3:16

Anu jinanji' nu Tumpu, binau nu Tumpu kona hi Abraham ka' kona hi mian lee' i Abraham. I uno nu Kitab nu Tumpu Allah madi' tinulis “ka' tona hi to mia-mian lee' i Abraham”, anu alati'nyo manjoo' na mian. Anu tinulis i kiijo' ola “ka' toka hi mian lee' nu beleyum”, alati'nyo ola sami-samiannyomo atina'mo i Kristus.

EFESUS 2:12

Tempo'nyo aitu komiu ma'isa nosa'angu' tiba i Kristus, komiu mian anu i salipu'an anu madi' minsoop i mian anu pinile'anmo nu Tumpu. Komiu madi' sinegotan nu palajanjian anu binaumo nu Tumpu Allah tiba mian anu palesayamo hi Ia. Komiu tumuu' i uno nu dunia aiya madi' ko anu otaha'imani, ka' madi' pilenje ko Tumpu.

PO'ULE' INGULIT 14:1

“Belemiu mian anu pinalesayamo hi Tumpu Allah nu belemiu. Jadi de belemiu ko anumo sinilaka, ka' mombaumo adatnyo kona hi mian anu sinilakamo, boli mombelai butong miu kabai mongkis siakan nu belemiu susumo anu nubau nu aha bansa sangga'at.

PO'ULE' INGULIT 29:1

Aiyamo na anu pinoto'i i uno nu palajanjian, ka' anu pinalentahkonmo nu Tumpu, ka' binaumo i Musa hi bansa Israel tempo'nyo kiijo' mae i tano' nu Moab. Palajanjian aijo' salaku bau pontuangi palajanjian anu binaumo nu Tumpu tiba aha i Bungkutnyo nu Sinai.

PO'ULE' INGULIT 29:14

Palajanjian aijo' ka' iwi-iwi' na palentah anu tionyo obau aijo'; binau nu Tumpu misa' ola kona hi belemiu,

PO'ULE' INGULIT 31:16

Tumpu notataemo hi Musa, “Madi'mo pin beleyum silakamo. De beleyum silakamo, bansa Israel madi'mo daagi' mohongo-hongo Aku ka' mompojalomo apaa na anu jinanji'Kumo hi aha. Aha mompala'imo Aku da monsombahmo to pilo-pilogot anu nusombah nu lipu' anu madi'mo pin nupinsoopimo nu aha.

PO'ULE' INGULIT 4:13

Kiijo' mae Ia nompoto'imo hi belemiu apaa na anu tionyo ahi' obau nu belemiu, salaku bau pomponyata' apaa na anu jinanji'akon-Nyomo hi belemiu. Sampulu' na palentah anu tinulis-Nyomo i ohua' na batu pontulisan aijo' tionyo ahi' obau nu belemiu.

PO'ULE' INGULIT 7:6

Bau na iwi-iwi' aijo' kalana belemiu anumo nu Tumpu Allah nu belemiu. Iwi-iwi' na bansa anu i dunia aiya belemiumo na anu pinile'anmo nu Tumpu Allah nu belemiu da timbalimo mian anu palesayamo ka' talasanggo.

IBRANI 9:1

Palajanjian anu momona, daagi' ko to atu-atulannyo na monsombah Tumpu ka' daagi' suele ko tampat ponsomban anu binau nu mian.

IBRANI 9:10

Kalana hahan anu obau aijo' ola otalima de anu o kaan, o inum, ka' ngangahan nu han anu bau pomposusi'. Iwi-iwi' ola atulan nu dunia anu opake ola sampe de tokamo na tempo'nyo Tumpu Allah mombali'imo atulan anu bu'ou.

IBRANI 9:3

I sasu unonyo, anu i hiku nu lalanse' anu ko ohua'nyo, daagi' ko salipi'nyo anu osanggohi Salipi' anu Susi' hondo.

IBRANI 9:5

I bawo nu Peti' aijo' daagi' ko Patong nu Malaikat ohua', anu ko polipiknyo mongibalatakon Tumpu daagi' ko anu i kiijo'. Ohu-ohua' na polipik nu Malaikat aijo' binokanyo i bawo nu kolop nu Peti', aijo'mo tampat pongampunian dosa'. Panyo iwi-iwi' aijo' madi'mo opoko ala otutuhakon tempo' uuka toto sa'angu'.

IBRANI 9:6

Sumo aijo' na nongatun iwi-iwi'. Toka sansina-sinaa to ima-imam minsoop i unonyo sasu ahopnyo nu kemah aijo' mombau kalaja nu aha.