ROMA 9:32 - KITAB NU TUMPU ALLA LELE MA'IMAI'

³² Kadaka' aha madi' mohumpak hasinnyo? Kalana aha mombau aijo' madi' palesaya hi Tumpu, panyo ola posi tanga'an nu aha. Sahingga aha notua'mo tinosumpun i “Batu Tosumpunan”.

ROMA 9:32 ပူးပေါင်းရင်းမြစ်များ

YESAYA 8:14

Kalana Aku susi' hondo, Aku baumo sabab batu tosumpunan nu aha mian da'isan Yehuda ka' Israel ka' timbalimo so'o anu mohakopmo mian anu jojoong i Yerusalem.

YESAYA 8:15

Manjoo' na mian tosumpunmo ka' ka' belaonmo. Aha mompeja'imo ka' nu konamo nu so'o.”

MATIUS 13:57

Sahingga aha madi' nontalima i Yesus. Lantas i Yesus notatae hi aha, “Samian na nabi o adati iyayamae, panyo posi i kampungnyo ka' i laigannyo, madi' o adati.”

LUKAS 2:34

I Simeon nombalakati aha, ka' notatae hi Maria tina nu Anak aijo', “Anak aiya pinile'anmo nu Tumpu da mombahayai ka' momposalamat manjoo' na mian nu Israel. Ia timbalije tanda lengkat mae hi Tumpu, anu nugagakon nu mian da'isan,

LUKAS 7:23

Kopi-kopian na mian anu madi' ko kabalatan mongka'ideki Aku.”

ROMA 10:3

Aha madi' monsumbu' jalannyo nu Tumpu mombau pompahasumbu'an nu mian, tiba Ia mompo'ule' ma'ima'. Ka' kalana aha ola mosi bau pongka'oho' nu aha, sahingga aha madi' tundu' i jalan anu nupotiju' nu Tumpu.

ROMA 11:11

Ku pokilawa mule': Tempo'nyo mian nu Yahudi nanabu'mo, te aijo' tinimbalimo da aha mohopu'? Madi' sahondo-hondonyo! Panyo kalana aha baladosa', sahingga ola ahi' bansa sangga'at na pinosalamat, sahingga nonsabapimo mian nu Yahudi nasakitmo na kinyonyoa hi bansa sangga'at aijo'.

ROMA 4:16

Jadi janji' nu Tumpu aijo' mimpu'u i palesayanyo nu mian hi Tumpu. Aijo' na timbali sa'angu' bau pintoongan hi iwi-iwi' lee' i Abraham, taalu' janji' aijo' obee' hi aha salaku sa'angu' na taju anu halala' lengkat mae hi Tumpu; misa' ola hi aha anu tulu-tulutan i atulan nu agama Yahudi, panyo suele hi aha anu palesaya hi Tumpu pokakana sumo i Abraham palesaya hi Ia. Kalana i Abraham aijo' tuumanto, kita ingko-ingkot i uno nu kapalesaya'an.

1 KORINTUS 1:23

Panyo kita aiya ola mompolele i Kristus anu sinilakamo sinalib. Lele aijo' momposumpu kinyonyoa nu mian Yahudi, ka' osangka palasuma nu to mia-mian misa' Yahudi. Ka' mian anu misa' Yahudi monsangka aijo' sa'angu' na kaponga'an.

1 PETRUS 2:6

Kalana i uno nu Kitab nu Tumpu tinulismo sumo uuka, “Aku nompile'imo sa'angu' na batu anu ko angga'nyo, anu Pino'una'kumo i Sion salaku batu anu penting; ka' mian anu pinalesayamo hi Ia madi' mompele-pele'.”

1 PETRUS 2:8

ka' “Aijo'mo na batu anu nonsaduakonmo mian tinosumpun, batu anu nonsaduakonmo aha notua'.” Aha tinosumpun kalana aha madi' palesaya i potatae nu Tumpu Allah. Sumo aijo'mo na Tumpu nontantukanmo aha.