ROMA 9:30 - KITAB NU TUMPU ALLA LELE MA'IMAI'

³⁰ Jadi, kahondoannyo aijo' sumo uuka: To bansa-bansa sangga'at anu misa' Yahudi madi' ko tanga'an da pompahasumbu'an nu aha tiba Tumpu mompo'ule' ma'ima'. Panyo kalana aha palesaya, sahingga Tumpu nombau pompahasumbu'an nu aha tiba Tumpu mompo'ule' ma'ima'.

ROMA 9:30 ပူးပေါင်းရင်းမြစ်များ

AMSAL 15:9

Tumpu mongka'ideki kalakuan nu mian anu duluhaka; panyo Ia mongkalibosi mian anu mompagala mombau apaa na anu Nu kahanda'i.

AMSAL 21:21

Ihe na balausaha da ka'adilan ka' mompaha kali-kalibosi obau, saidi mae mohumpak kantumuu'amu bilahi, kaholomatan, ka' mantan na umun.

YESAYA 51:1

Tumpu notatae; “Potombihing mae na Aku, o, belemiu anu mongka'ima'i de oposalamat, ka' tokamo mae hi beleng-Ku momoita da otulungi. Inau' na bungkutnyo nu batu anu pinanimpa'atanmo nu belemiu, ka' pinongkekeanmo batu anu pipinongkekeanmo belemiu.

ROMA 10:10

Kalana mian palesaya i kinyonyoanyo, sahingga Tumpu nontalima ia salaku mian anu nompaha ima'mo tiba Tumpu. Ka' mule' tiba nganga'nyo mian mangaku, sahingga ia o posalamat.

ROMA 10:20

I Yesaya lebee binaani mule': Ia notatae, “Sumo uuka na koo-Nyo nu Tumpu, ‘To mia-mian anu madi' molio Aku, nonsingkabotimo Aku; ka' Aku nompotoamo butong-Ku hi aha anu madi' moleleki mongkona Aku.’ ”

ROMA 10:6

Panyo mongkona jalannyo mian mompaha ima' tiba Tumpu, Kitab nu Tumpu nontaloakon sumo uuka, “Bolimo beleyum motatae i kinyonyoaum, ‘Ihe na saidi' mae moliba' i suluga?’ (alati'nyo momboa mae i Kristus mintau'),

ROMA 3:5

Panyo de ka'adinan nu Tumpu konyata-nyata'nyomo, kalana kita mombau anu madi' totu'u, apaa na anu ka'oho' otaloakonto? Tebolong Tumpu madi' adin de ia mohukum kita? (Memang anu opokilawa aiya, pantas de susumo mian.)

ROMA 4:11

Ia sinunat i mihinyo, ka' sunatnyo aijo' ola sa'angu' na tanda, kalana Tumpu nontalimamo ia salaku mian anu momposanang kinyonyoa nu Tumpu, kalana palesaya hi Tumpu Allah. Ia tinalima nu Tumpu tempo'nyo ia ma'isa pe'e mombatuki atulan nu sunat. Ka' i Abraham tinimbalimo tuuma i uno nu kapalesaya'an mongkona iwi-iwi' na mian anu palesaya hi Tumpu Allah, ka' anu tinalimamo nu Tumpu salaku mian anu momposanang kinyonyoa-Nyo, mau mule' aha madi' mombatuki atulan nu sunat.

ROMA 4:13

Tumpu binajanji' hi Abraham tiba anu ilee'akonnyo, tukoonyo dunia aiya i Abraham na tumpunyo. Tumpu binajanji' sumo aijo' misa' kalana i Abraham tulu-tulutan i atulan nu agama Yahudi, panyo kalana ia palesaya hi Tumpu, sahingga Ia tinalima nu Tumpu salaku mian anu momposanang kinyonyoa-Nyo.

ROMA 4:22

Mokonyo i Abraham tinalima nu Tumpu salaku mian anu momposanang kinyonyoa nu Tumpu.

ROMA 4:9

Te anu otaloakon salamat kopian aiya ola opadolakon toka hi to mia-mian anu nombatukimo atulan nu sunat? Kabai singkona hi to mia-mian anu madi' mombatuki atulan nu sunat? Tinaloakonmo kami momoonanyo, i Abraham tinalima nu Tumpu salaku mian anu momposanang kinyonyoa-Nyo, kalana i Abraham palesaya hi Tumpu Allah.

ROMA 5:1

Uuka aiya kita po'ule'mo na'ima' tiba Tumpu, kalana kita palesaya. Mokonyo aitu kita tumuu' i uno nu kadamean tiba Tumpu kalana Tumpunto i Yesus Kristus.

ROMA 9:14

Apaa na anu kahanda' otaloakonto tempo' uuka aiya? Tumpu Allah aijo' madi' adin? Memang totu'u Tumpu aijo' adin!

ROMA 9:31

Sumo aitu mule' to mia-mian Yahudi saja' ko tanga'an mohongo-hongo atulan nu pompahasumbu'an nu aha tiba Tumpu mompo'ule' ma'ima'. Panyo ola ahi' da aha madi' mohumpak hasinnyo.

GALATIA 2:16

Mau mule' sumo aitu osumbu' mami saba' mian mompo'ule'mo ma'ima' tiba Tumpu ola kalana palesaya hi Yesus Kristus, ka' misa' kalana mompojalan atulan nu agama. Kami suele palesaya hi Yesus Kristus, da kami mompo'ule'mo ma'ima' tiba Tumpu Allah kalana palesaya totu-totu'u, misa' kalana kami mompojalan atulan nu agama. Kalana de ola mompojalan atulan nu agama, madi' ko samian pe'e na timbali mompo'ule'mo ma'ima' tiba Tumpu Allah.

GALATIA 3:24

Tiba jalan anu sumo aijo', atulan nu agama timbalimo sumo ponjagai kita sampe i Kristus toka da mombau kita mompo'ule'mo ma'ima' tiba Tumpu kalana kita palesayamo hi Kristus.

GALATIA 3:8

Kitab nu Tumpu nontoamo momonanyo saba' Tumpu mompobee' to mia-mian misa' Yahudi mompo'ule'mo ma'ima' tiba Tumpu Allah, de aha palesaya hi Ia. Lele Ma'ima' aijo' pinoto'imo momonanyo hi Abraham i uno nu anu jinanji'mo sumo uuka, “Kalana beleyum, Tumpu mombalakatije iwi-iwi' na manusia i dunia aiya.”

GALATIA 5:5

Panyo de hi kami, kami taha'iman saba' de Roh nu Tumpu Allah na montulungi ka' mimpu'u kalana kami palesayamo hi Kristus, Tumpu montalimamo kami mompo'ule'mo ma'ima' tiba Ia.

EFESUS 2:12

Tempo'nyo aitu komiu ma'isa nosa'angu' tiba i Kristus, komiu mian anu i salipu'an anu madi' minsoop i mian anu pinile'anmo nu Tumpu. Komiu madi' sinegotan nu palajanjian anu binaumo nu Tumpu Allah tiba mian anu palesayamo hi Ia. Komiu tumuu' i uno nu dunia aiya madi' ko anu otaha'imani, ka' madi' pilenje ko Tumpu.

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.

1 TIMOTIUS 6:11

Panyo beleyum atina' anumo nu Tumpu, jadi beleyum tionyo matikojo'on i han iwi-iwi' aijo'. O'usahakon da timbali mian anu totu'u i mata nu Tumpu, anu tulut hi Tumpu, palesaya hi Kristus, mongkalibosi sangko mian, sabaan i uno nu mongoa'i sansala, ka' mingkalakuan ma'ima' na kinyonyoa.

IBRANI 11:7

Kalana bala'iman, sahingga i Nuh pinoto'imo nu Tumpu mongkona hahan anu jadi aiya mae i ahop, anu madi' pinoko ala tinoanyo. I Nuh tulu-tulutan hondo hi Tumpu, sahingga ia nombaumo sa'angu' na kapan anu ahennyo nomposalamatmo butongnyo tiba aha sampoto'utus. Tiba jalan anu sumo aijo', dunia i hukumo, panyo i Nuh kalana ia bala'iman, sahingga koonyo nu Tumpu ia mian anu ma'ima'.

1 PETRUS 4:3

Tempo' anu i hikuhakonmo, sampemo na kinopinnyo na belemiu nombaumo anu nuka'ima'i nubau nu to mia-mian anu madi' monsumbu' Tumpu. Komiu tumuu' madi' ma'ima'. Komiu montuluti napisu, lewa' malangu, mompopodaka' bau-bauon, lewa' batawa' ka' monsombah pilogot tiba jalan mombau anu o kahenyui.