ROMA 9:3 - KITAB NU TUMPU ALLA LELE MA'IMAI'

³ kalana to Utu-utusku anu sa'a-sa'angu' na bansa tiba aku. Kalana monginau' aha, aku sanaang na nukutuki nu Tumpu ka' oga'atakon hi Kristus.

ROMA 9:3 ပူးပေါင်းရင်းမြစ်များ

KAJADIAN 29:14

i Laban notataemo, “Memang totu'umo, beleyum julu anu daagi' ohani mae tiba aku.” I Yakub jinojoong i laigan aijo' sina'angu' na bitu'on.

2 SAMUEL 18:33

Nohongo aijo' i tomundo' sinusa'mo hondo ka' nolibosmo lantas ia noliba'mo no kiita iloteng nu sabatan daka' nu kota' itampat anu lewa' kasuhangan ka' lewa'mo hangi ka' nontando'i, “O, anaku! Anaku Absalom! Absalom anaku! Sahanyo aku na sinilaka pinombolosi beleyum, anaku! Absalom anaku!”

ESTER 8:6

Te sanang mule' na aku aiya montoa bansangku tiba to utu-utusku opateimo iwi-iwi'?”

NOSABATMO 32:32

Sana-sanang pe'e mae na mongampuni dosa' nu aha; de madi', yo alinimo na sanggongku i kitab nu to mia-mian anu tumuu'?”

SISIKON NU TO RASUL-RASUL 13:26

To Utu-utus lee' i Abraham, ka' iwi-iwi' to Utu-utus anu sangga'atannyo, i aiya anu mohongo hi Tumpu! Tumpu nompakatumo hi kita lele kasalamatan aijo';

SISIKON NU TO RASUL-RASUL 22:5

Posi Imam Daka', ka' iwi-iwi' Mian Kopian Daka' nu Agama nonsakisimo aku madi' baleko'. Kalana ahamo aijo' na anu nombee'imo aku sulat katalangan anu pinotoka hi to mia-mian nu Yahudi i Damsyik. Tiba sulat aijo', aku timbali mohakop i kiijo' mae to mia-mian anu palesaya i ajalan aijo', ka' nomboa aha nokiijo' i Yerusalem, da i hukum.”

SISIKON NU TO RASUL-RASUL 28:21

Lantas aha notatae hi ia, “Kami ma'isa nontalima sa'angu' pe'e na sulat lengkat i Yudea mongkona kita Utus. Ka' madi' ko samian na utus pe'e lengkat i kiijo' mae anu tinoka nomboa mae lele mongkona kita Utus kabai motatae anu ma'idek mongkona kita Utus.

ROMA 1:3

Lele Ma'ima' aijo' mongkona Anak nu Tumpu, Tumpunto i Yesus Kristus. Salaku Ia mian, Ia aijo' lee' mae i Daud,

ROMA 11:1

Aku mompokilawa: Apaa Tumpu nongalinmo mian-Nyo anu pinalesayamo? Tantu madi'! Aku pe'e mian nu Israel lee' mae i Abraham anu tinonsoop i bansa Benyamin.

ROMA 11:14

Ku kahanda'i da aku moko ala monsakiti kinyonyoa nu posi bansangku, da tiba jalan aijo' aku moko ala momposalamat sambagian anu aijo' hi aha.

ROMA 16:11

ka' hi Herodion. Ia sa'a-sa'angu'mo na tulunan nu bansa tiba aku. Sumo aitu mule' salan do'angku hi to utu-utus anu sa'agama i uno nu sampotoutusan i Narkisus.

ROMA 16:21

I Timotius, sangalungku, mompotoka salan do'anyo hi komiu. Sumo aitu mule' na i Lukius, i Yason ka' i Sosipater anu sa'a-sa'angu'mo na tulunan nu bansa tiba aku.

ROMA 16:7

Potokakon suele na salan do'angku hi Andronikus ka' hi Yunias. Aha sa'a-sa'angu'mo na bansa tiba aku, ka' toho'mo ninsoop i talungku' hingga-hinggat tiba aku. Ma'isa pe'e aku pinalesaya hi Kristus, aha polo-polo'mo pinalesaya. Talasanggohondo na aha hi to rasul-rasul.

ROMA 9:2

Aku talalo susa' tibaa kinyonyoangku talalo mongoa'i sansala

1 KORINTUS 12:3

Tionyo ahi' osumbu' miu saba' mian anu nu kuasaimo nu Roh nu Tumpu madi' moko ala motatae, “Kinutukan na i Yesus!” Sumo aitu mule' madi' ko samian pe'e moko ala montaloakon, “I Yesus Tumpu!” de mian aijo' madi' nu kuasai nu Roh nu Tumpu Allah.

1 KORINTUS 16:22

Mian anu madi' mongkalibosi Tumpu, nukutuki nu Tumpu na ia! Maranatha – Tumpu mami, tinokamo!

2 KORINTUS 12:15

Kalana aijo' sanang na kinyonyoangku halala' mongkulubanakon iwi-iwi' bau kapalaluan miu, aitu pe'e sagalamo butongku. De aku sumo aijo' mongkalibosi komiu, pa' patut na komiu madi' talalo mongkalibosi aku?

GALATIA 1:8

Mian anu mompolele “lele ma'ima'” anu sangalasan, anu madi' pokakana Lele Ma'ima' anu pinolelemo mami, pojohok da ia nu hukum nu Tumpu – mau pe'e mian aijo' kami, kabai malaikat lengkat mae i suluga'!

GALATIA 1:9

Kami nontaeakonmo u'utu mae, uuka po'ule'mo kutaeakon daagi' minsan: Mian anu mompolele hi komiu “lele ma'ima'” anu sangalasan anu madi' pokakana Lele Ma'ima' anu tinalimamo miu lengkat hi kami, mian aijo' lebe ma'ima' nu hukum nu Tumpu!

GALATIA 3:10

To mia-mian anu talalomo nontaha'imani atulan nu agama, iwi-iwi' tumuu' i uno nu kutuk. Kalana i uno nu Kitab nu Tumpu tinulismo, “Mian anu madi' tulu-tulutan mompojalan iwi-iwi' anu tinulismo i uno nu Kitab Atulan nu Agama, nu kutuki nu Tumpu!”

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”

EFESUS 6:5

To Utu-utus anu tinimbalimo posaihon! O hongo-hongo na palentah nu tuan miu anu i dunia aiya. Obau na aijo' nu kinyonyoa mongadati ka' mongadati totu-totu'u susumo anu obau miu hi Kristus.

PO'ULE' INGULIT 21:23

anu sinilakamo aijo' madi' timbali opojohok ikiijo' sampahu, panyo tionyo ahi' o lamunmo i sinaa aijo'. Anu sinilakamo aijo' kala-kalayo' i kau' anu pinototon, timbali monsaduakon lipu' nukutuki nu Tumpu Allah. Jadi lamunmo ahi' na anu sinilakamo aijo' da boli mohumimi'i lipu' anu binee'mo nu Tumpu Allah nu belemiu hi belemiu.

1 SAMUEL 14:24

I sinaa aijo' aha to mia-mian nu Israel kahomo i lundeng kalana no'ohopmo, kalana i Saul binasumpa'mo sumo uuka, “Mohumpak kutuk na mian de mongkaan maumo pa' apaa, sinaa aiya de ma'isa pe'e ku balosakon na sampo bali'ku.” Kalana aijo' madi'mo kino samian pe'e na nongkaan i sinaa aijo'.

1 SAMUEL 14:44

I Saul notataemo hi ia, “Sahanyo aku na ohukum nu Tumpu Allah de beleyum Yonatan na madi' mohumpak hukuman osilakai!”