ROMA 9:27 - KITAB NU TUMPU ALLA LELE MA'IMAI'

²⁷ I Nabi Yesaya notatae sahondo-hondonyo mongkona bansa Israel, “Mau mule' konjoo' nu bansa Israel sumo bone' i ambai, panyo ola sangkiding na anu salamat;

ROMA 9:27 ပူးပေါင်းရင်းမြစ်များ

KAJADIAN 22:17

Ku balakatimo na beleyum molabi-labi ka' mompotimbalimo lee' nu beleyum susumo mandala' i langit na konjoo'nyo ka' susumo bone' i biwi nu ambai na konjoo'nyo. Makumpu nu beleyum mohungku'ije iwi-iwi' na sampobali' nu aha.

EZRA 9:14

Jadi, te daagi' talakana' mule' na kami madi' montuluti palentah nu belento haha aijo' ka' mo'osoa mogogalo'an tiba to mia-mian anu ma'idek na kinyonyoanyo haha aijo? De kami mombau mule' han ijo' tantu otambuha'imo nu Belento sahingga opateimo na kami ingko-ingkot ka' madi'mo ko anu opotumuu' maumo ola samian.

EZRA 9:8

Panyo uuka aiya, o Tumpu Allah mami, belento ma'isa pinin na nongkalibosimo kami. Belento nompobebasmo pa' aha sangkuka na mian aiya hi kami da madi'mo obotuani da tumuu'mo bilahi i tampat anu susi' aiya. Belento nombee'imo kantumuu'an bu'ou hi kami.

YESAYA 1:1

Kitab aiya isinyo to potu-potunon toka i Yehuda ka' Yerusalem anu pinonyata'mo nu Tumpu hi Yesaya anak i Amos tempo'nyo i Uzia, Yotam, Ahas ka' Hizkia nompalentah Yehuda.

YESAYA 1:9

De bisuannyo Tumpu Anu Daka' hondo na Kuasanyo madi' nongala aha to pia-piangkuka na mian, kita sinilakamo iwi-iwi' mimbalu-balu' mo Sodom ka' Gomora.

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 24:13

Sumo aijo'mo na anu jadi' isongko-songko na dunia saidi' mae hi iwi-iwi' na bansa. Sumomo ahi' itempo' nu pompadakan salatan bua' nu zaitun o, alamo sampe mingkot ka' mule' bua' nu anggur anu kamingkotannyomo otipumo aijo' i pumpungannyo.

YEREMIA 44:14

Aha mian nu Yehuda anu daagi' tinontuha' anu nambamo i Mesir, ka' jojoongmo kiijo' mae madi'mo daagi' ko samian na daagi' tumuu' kabai madi' silaka. Madi'mo daagi' ko samian na daagi' minsusule' mae i Yehuda maumo ahi' han aijo' talalo hondo nu ka'ima'i nu aha. Totu-totu'u madi'mo daagi' ko anu minsusule' mae, boli mompiakon pa' to pia-piangkuka na mian anu moko ala mopalai.”

YEREMIA 5:10

Ku saimo na sampobalinyo da nu ideimo nu aha na ale' nu anggur nu aha, panyo madi' ahi' da mohopu'imo aha. Ku palentahmo na sampobali'nyo aijo' da montutu'i panga' nua anggur nu aha kalana panga'nyo haha aijo' misa' anung-Ku.

YEHEZKIEL 6:8

Daagi' sangkiding na bagian na Ku potumuu' na aha madi opatei panyo aha oga'a-ga'atakonmo mamba hi bansa-bansa sangga'at;

HOSEA 1:10

Bansa nu Israel timbalimo na konjoo'nyo sumo bone' i ambai, sahingga madi' opo ka ala otakan kabai o lekeng. Uuka aiya Tumpu motataemo hi aha, “Belemiu misa'mo mian-Ku anu palesayamo,” panyo tokaje na tempo'nyo. Ia notataeje hi aha, “Akumo na Tumpu anu tumuu' ka' belemiumo na to ana-anak-Ku!”

YOËL 2:32

Panyo de ihe na momoita tulung hi Tumpu saidi mae nu posalamatmo. Tumpu motataemo, “I Yerusalem to mia-mian anu pinile'an-Kumo oposalamatmo.”