ROMA 9:20 - KITAB NU TUMPU ALLA LELE MA'IMAI'

²⁰ Panyo, kita Utus! Kita Utus ola mian. Ka' kita Utus madi' timbali baani montaami Tumpu! Te timbali na tampat nu bunga mompokilawa hi mian anu nombau, “Ka' kadaka' beleyum nombau aku sumo aiya?”

ROMA 9:20 ပူးပေါင်းရင်းမြစ်များ

2 SAMUEL 16:10

Panyo notatae na i tomundo' hi Abisai ka' hi Yoab utusnyo tu'a, “Boli mohongo-hongo. Pojohokmo da nu totobi'akon mae na aku. Saba de Tumpu na mompokau ia, ihe na timbali moko ala mompokilawa, kadaka' ia nombaumo anu sumo aijo'?”

AYUB 16:3

Hipian na potatae anu toto bale-baleko' aijo' madi'mo otaeakon nu belemiu? Apaa na anu monggua-gua kinyonyoa nu belemiu sahingga belemiu montaamimo?

AYUB 33:13

Kadaka' beleyum montuukmo Tumpu Allah tukooyum Ia madi' mompajuli apa-apaa na anu nu kasusa'akon nu manusia?

AYUB 36:23

Ihe na anu moko ala mompotiju' jalan hi Ia? kabai baani na mompisala'i ia? Nombaumo kasalaan?

AYUB 40:5

Talalomo nanjoo' na tinutuhakonku.”

AYUB 40:8

Pa' totu'u madi' nutalima nu beleyum na ka'adilan-Ku, ka' mompototu'u posi butong nu beleyum ka' mompisala'i mae aku?

AYUB 9:32

De bisuannyo Tumpu Allah aijo' manusia, ku taamimo na Ia; lantas kami mangadapmo hi mian kopian da o'ulusmo ka' madi'mo lewa' painggaga.

YESAYA 10:15

Panyo pinoto'imo nu Tumpu, “Tetoho' mule' bobolo' mosi buulakonmo ia hi mian anu monggunakon ia? Pa' galagaji lebe penting nulingkudui na mian anu monggunakon ia? Misa amangkun na mohangkat mian, panyo mian ahi' na mohangkat amangkun.”

YESAYA 29:16

Iwi-iwi' aijo' nubali-balikakonmo nu aha. Iya na anu lebe penting tukang anu mombau kuhon tano' kabai tano' ponto? Te toho' mule' anu binau timbali motate hi anu nombau ia, “Misa' beleyum na nombau aku”? Kabai toho' mule' na balang aijo' motatae hi ia, “Belento madi' moko ala mombau apa-apaa”?

YESAYA 64:8

Panyo Belentomo ahi' na Tuuma mami, kami tano' ponto na pinotimbali, ka' Belentomo ahi' na nontali' ka' Belento na nompotimbali.

YEREMIA 18:6

“O mian anu palesayamo hi beleng-Ku. Te Aku madi' moko ala mombau hi belemiu susumo anu binaumo nu mian anu biasa mombau kuhon tano' aijo' itano' ponto aijo'? Susumo tano' ponto ilima nu mian anu biasa mombau kuhon tano', sumo aijo'mo suele na belemiu i uno nu limang-Ku.

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

MATIUS 20:15

Apaa aku madi' timbali mombau posi pongka'oho'ku i posi anungku? Kabai beleyum madi' sanang kalana aku manonong?’ ”

LUKAS 12:14

I Yesus nontaami, “Utus, ihe na nohangkat Aku timbali anu momputusi kabai mombagi buden atina' hi komiu ohua'?”

ROMA 14:4

Ihe na kita Utus, sahingga kita Utus mompisala'imo posaihon nu mian sangga'at? Pa' posaihon aijo' motua' kabai mobula, aijo' ponsumbu'an nu tuannyo. Ka' memang posaihon aijo' po'ule'je tuminjo mahoson, kalana Tumpu moko ala mompotimbali ia tuminjo ka' mahoson.

ROMA 2:1

Mokonyo aijo', to Utu-utus, te ihe na kita Utus sahingga kita Utus mompisala'i mian sangga'at? Kita Utus madi' koko mohumpak apa-apaa de mompototu'u posi butong! Kalana de kita Utus mompisala'i mian sangga'at, yo aitu posi kita Utus suele mombau hia anu sumo hia nu aha, nyata' kita Utus mosi nabu'akonmo hukuman suele hi butong.

ROMA 2:3

Panyo komiu, to Utu-utus, mombau suele i posi butong hahan anu otukakon miu hi mian sangga'at! Ka' o tutugi miu, komiu madi' nukona nu hukuman nu Tumpu?

ROMA 9:21

Te misa' mian anu nombau tampat nu bunga aijo' ko hak mombau tano' kun aijo' iyaamo pongka'oho'nyo? Sangkompon na tano' kun, mian aijo' ko hak mombau ohua' na ngahannyo na tampat nu bunga: sa'angu' ma'ima' ka' sangga'at madi' talalo ma'ima'.

ROMA 9:22

Sumo aijo'mo apaa na anu binau nu Tumpu. Ia ko kahanda' molubatakon tambuha'-Nyo ka' mompotoa kuasa-Nyo. Panyo Ia sabaan hi aha anu tionyo o hukum kalana nonsaduakonmo Ia motambuha'.

1 KORINTUS 1:20

Yo, apaa na gunanyo to mia-mian anu pande haha aijo'? Apaa na gunanyo nu aha anu ko ilimu'? Apaa na gunanyo nu aha anu pande bapikin i dunia aiya? Tumpu nompotoamo saba' kapandean nu dunia aiya palasuma samata-mata.

1 KORINTUS 7:16

Kalana kita Utus salaku bengkele' – anu palesayamo hi Tumpu – mosia na kita Utus moko ala monsumbu' totu-totu'u taalu' kita Utus madi' moko ala momposalamat langkai'um? Sumo aitu mule' na kita Utus salaku langkai' Kristen, mosia na kita Utus moko ala monsumbu' totu-totu'u, taalu' aitu kita Utus madi' moko ala momposalamat bengkele'um?

1 TIMOTIUS 6:5

ka' po'uwalian anu madi'mo ko kamingkotannyo. Jalan pikilan nu mian haha aijo' pinu'otmo ka' madi'mo daagi' totu'u. Aha monsangka de bala agama moko timbali kaya.

2 TIMOTIUS 2:20

I uno nu laigan daka' daagi' ko ngangahan nu pakakas. Daagi' ko anu salaka na binau kabai mosoni', panyo daagi' mule' ko anu kau' na binau kabai tano'. Daagi' ko anu pinake da bau kapalaluan anu talalo penting, ka' daagi' mule' ko anu opake bau kapalaluan anu biasamo.

TITUS 2:9

To posa-posaihon tionyo ahi' tulu-tulutan hi tuannyo, ka' momposanang kinyonyoanyo i iwi-iwi' na han. Aha madi' timbali monggagakon,

YAKOBUS 2:20

Komiu ponga' hondo! Pa' palalu opobukuti' hi komiu na iman anu madi' ko gunanyo, aijo'mo iman anu madi' kopalabuan.