ROMA 8:8 - KITAB NU TUMPU ALLA LELE MA'IMAI'

⁸ To mia-mian anu tumuu' mombatuki sipat nu mian, madi' moko posanang Tumpu.

ROMA 8:8 ပူးပေါင်းရင်းမြစ်များ

MATIUS 3:17

Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

YOHANES 3:3

I Yesus nontaami, “Palesayamo, madi' ko samian pe'e timbali minsoop anu palesayamo hi Tumpu, de madi' ia po'ule' ohampeakon.”

YOHANES 8:29

Ka' Ia anu nonsai mae Aku daagi' poja-pojajalan tiba Aku. Ia madi' toho' mompojohok Aku sausa', kalana Aku saja' mombau apaa na anu momposanang kinyonyoa-Nyo.”

ROMA 1:21

Mian monsumbu' Tumpu, panyo mian madi' mongadati Ia salaku Tumpu ka' madi' mule' montalima kaseh hi Ia. Ola mule' ahi' mian mompotutugakon anu mamisa-misa'; kinyonyoa nu aha pinintungmo.

ROMA 7:5

Kalana, u'utu mae kita tumuu' mombatuki sipat-sipat nu mian. Tempo'nyo aitu anu okamilui monsaduakon da baladosa', anu lubat mae kalana ko atulan nu agama na montoongi kuasa i uno nu butongto. Mokonyo aijo' kita mombau anu mongahenakon kapatean.

ROMA 8:9

Panyo komiu madi' tumuu' mombatuki sipat nu mian. Komiu tumuu' mombatuki pongka'oho' nu Roh nu Tumpu – de memang, Roh nu Tumpu totu-totu'u montoongi kuasa i uno nu butongum. Mian anu madi' ko Roh i Kristus, mian aijo' misa' i Kristus na tumpunyo.

1 KORINTUS 7:32

Pongka'oho'ku da kita Utus bebas i kasusa'an. Mian anu madi' ko bengkele'nyo momposa'angu'mo pikilannyo i hahan mongkona Tumpu, kalana ia mongka'oho' momposanang Tumpu.

FILIPI 4:18

Tinalimangkumo iwi-iwi' – aitu pe'e nolabimo misa' ola asan sinukupmo! Iwi-iwi' na anu binee'mo pinakatu mae hi belengku, ingalangkumo hi Apafroditus. Uuka aiya iwi-iwi' na anu kupalalui daagi'mo hi belengku. Iwi-iwi' na anu binee'mo miu aijo', sumo nohong nu hongohis nu kuluban anu sinombahkonmo hi Tumpu ka' anu ingalamo nu Tumpu ka' nomposanangmo kinyonyoa-Nyo.

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

KOLOSE 3:20

To ana-anak! Anu halus obau miu salaku mian Kristen, saja' montuluti tuuma ka' tina, kalana atina' na momposanang kinyonyoa nu Tumpu.

1 TESALONIKA 4:1

Ahennyo to Utu-utus kami nombee'imo sonto' hi komiu, mosia na komiu tionyo tumuu' da momposanang kinyonyoa nu Tumpu. Memang komiu tinumuu'mo sumo aijo'. Panyo uuka aiya kalana kuasa nu Tumpu Yesus opoita mami totu-totu'u hi komiu da mompaka bala usaha mule' i han anu sumo aijo'!

IBRANI 13:16

Boli okolilimi na mombau anu ma'ima' ka' mompaha tulu-tulungi, kalana aijo'mo na koloban anu momposanang kinyonyoa nu Tumpu.

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.

1 YOHANES 3:22

Ka' apaa na anu opoitanto hi Ia, o humpakto, kalana kita tinulu-tulutanmo i palentah-Nyo iwi-iwi' ka' nombaumo apaa na anu momposanang kinyonyoa-Nyo.