ROMA 8:36 - KITAB NU TUMPU ALLA LELE MA'IMAI'

³⁶ I Uno nu Kitab nu Tumpu tinulis sumo uuka, “Sansina-sinaa kami tumuu' i uno nu balaa', kapatean kalana Beleyum. Kami obau sumo domba anu okahanda'imo okolot.”

ROMA 8:36 ပူးပေါင်းရင်းမြစ်များ

MAZMUR 141:7

Bukunto iwi-iwi' opaha taumo i sohipi' nu kubulan sumomo batu anu nahutemo i tano'.

MAZMUR 44:11

Pinojohokmo nu Belento na kami mopalaimo mompala'i sampobali' mami ka' ingagoanmo nu aha na halata' mami.

MAZMUR 44:22

Tantu nusumbu' ahi' nu Tumpu kalana Nu kiop ahi' na lahasia nu kinyonyoa mami.

YESAYA 53:7

Talalo ahi' pinoko idek na nombau ia, panyo tinanggung nyomo ahi' nu sabaan. Ia madi' nombuka' nganga'nyo susumo anak nu domba anu oboamo i pongkolotan kabai tina nu domba anu okiismo na bulunyo.

YEREMIA 11:19

Aku sumomo ahi' domba anu madi' ko sangka'an apa-apaa binoamo itampat pompateian. Aku madi' monsumbu-sumbu' tanga'an ma'idek aijo' montanga'imo mompatei mae aku na aha. Aha notatae, “Imbo' da otaa'mo na kau' aiya hau-haunyo ia daagi' nimbua'; opateintomo na ia da sanggonyo nu kolilimimo nu mian.”

YEREMIA 12:3

Panyo Belento o Tumpu monsumbu' aku. Tinoamo nu belento mae apaa na anu binaungkumo, ka' Belento monsumbu' ahi' mosia na anu ku oa'i i uno nu kinyonyoangku padon atina' hi Belento. Boa na mian anu toto ide-idek na palabuatannyo haha atina' isambiha'nyo, boa na aha susumo domba itampat pongkolotan. Jagai na aha sampe tokamo na tempo'nyo aha okolotmo.

YEREMIA 51:40

Aha Ku boamo da okolotmo susumo anak nu domba, mee', ka' domba lakinyo. Aku, Tumpu notataemo.”

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

SISIKON NU TO RASUL-RASUL 8:32

Aiyamo na to aya-ayat anu binasa'nyo aijo', “Ia sumomo domba anu pinungu da o kolot, susumo anak nu domba anu madi' molokak de bulunyo o gunting, sumo aijo'mo na Ia madi' notatae santaa' pe'e.

1 KORINTUS 15:30

Ka' bau apaa na gunanyo sahingga kami mongka'oho' mongahopi kasusa'an sansina-sinaa?

1 KORINTUS 15:31

To Utu-utus! Sansina-sinaa aku monta'up sansala kalana aku sanang na montoa kantumuu'an miu, kalana komiu pinalesayamo hi Kristus Yesus Tumpunto.

1 KORINTUS 4:9

Kalana de mombatuki pikilanku, kami to rasul-rasul pinotimbalimo nu Tumpu sumo anu lewa' otoa i ahop nu mian tiba to mala-malaikat. Kami sumo to mia-mian anu madi' opajuli, anu pinokakanamo hukuman mate i ahop nu mian da'isan ka' sola' ohagai nu dunia.

2 KORINTUS 1:9

o'oa'i pokakanamo sumo anu binee'anmo hukuman da matemo. Panyo anu haha aijo' tinimbalimo da kami boli montaha'imani kahosonan nu posi butong mami, panyo hi Tumpu anu mompotumuu' mian anu sinilakamo.

2 KORINTUS 11:23

To posa-posaihon i Kristus ugaat na aha? De ohongo aku sumo anu i ningkotmo na pikilan, panyo aku memang posaihon anu lebe ma'ima' molingkudui aha iwi-iwi'! Aku mokalaja lebe makeke, aku lebe saja' oposoop i uno nu talungku', aku lebe saja' hondo sinakisa, ka' toto minsan mompai patemo.

2 KORINTUS 6:9

Kami osanggohi madi' talasanggo, panyo iwi-iwi' mian monsumbu' kami. Kami osangka sinilakamo, panyo nyata' kami daagi' tumuu'. Mau mule' kami osakisa, kami madi' sinilaka.

FILIPI 3:10

Ola sa'a-sa'angu'nyomo na ku kahanda'i aijo'mo da aku monsumbu' i Kristus, ka' mongoa'i kuasa anu nompotumuu'mo Ia sinilaka. Ku inde'i da mongoa'i sansala hingga-hinggat tiba Ia, ka' timbali pokakana sumo Ia i uno nu han Ia sinilaka.