ROMA 8:30 - KITAB NU TUMPU ALLA LELE MA'IMAI'

³⁰ Sumo aijo'mo na Tumpu nolaga aha anu tinantukanmo imoona; ka' aha anu ilaga-Nyo aijo', timbali nupobee' mompaha ima' tiba Ia. Ka' aha nupobee' mompaha ima' mule' tiba Tumpu Allah, mongala bahagian i kantumuu'an nu Tumpu.

ROMA 8:30 ပူးပေါင်းရင်းမြစ်များ

YESAYA 41:9

Beleyum ingalang-Kumo lengkat mae i pupus nu tano' ilagang-Kumo lengkat mae itampat anu toto jo'o-jo'on. Aku notatae, ‘Belentomo na posaihon-Ku; Aku sabole-boleh ahi' montalima anu pinile'an-Kumo.’

YOHANES 17:22

Aku nombee'imo aha kadaka'an anu binee' nu kita Tuuma hi beleng-Ku, da aha timbali mosa'angu' pokakana sumo kita suele sa'a-sa'angu'.

YOHANES 17:24

Kita Tuuma, Ku kahanda'i da aha anu binee'mo nu kita Tuuma hi beleng-Ku mogalum ka' Aku i tampat kajojoongan-Ku, da aha montoa kadaka'an-Ku; aijo'mo kadaka'an anu binee' nu kita Tuuma hi beleng-Ku, kalana kita Tuuma mongkalibosi Aku ma'isa pe'e dunia aiya pinotimbali.

YOHANES 5:24

Totu-totu'u hondo na anu Kutaloakon aiya; mian anu mongintomakon potataeng-Ku, ka' palesaya hi Ia anu nonsai mae Aku, ko kantumuu'an anu talakana' ka' toka sidu-sidutu'. Ia madi' o hukum, ia nolapasmo lengkat i kapatean ka' nohumpakmo kantumuu'an.

ROMA 1:6

Anu minsoop hi iwi-iwi' na bansa, aijo'mo suele komiu anu jojoong i Roma; komiu suele ilagamo da timbali mian palesaya hi Yesus Kristus.

ROMA 11:29

Kalana de Tumpu nompile'imo mian ka' mombalakatimo mian aijo', Tumpu madi'mo toho' po'ule' momadi'akon apaa na anu binau-Nyomo.

ROMA 8:1

Uuka aiya madi'mo ko pohukuman hi aha anu tumuu' mosa'angu' tiba i Kristus Yesus.

ROMA 8:21

daagi' ko sa'angu' na tempo' dunia aiya opobebas i kakuasa'an anu mongidei, ka' hingga-hinggat opomaladekamo tiba to ana-anak nu Tumpu.

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

1 KORINTUS 1:9

Tumpu timbali opalesaya totu-totu'u. Iamo na Tumpu Allah anu nolagamo komiu da timbali mosa'angu' tiba Anak-Nyo, aijo'mo i Yesus Kristus Tumpunto.

1 KORINTUS 2:7

Kapandean anu kupoto'i aitu aijo'mo kapandean lengkat mae hi Tumpu. Kapandean aijo' madi' nusumbu' nu dunia, panyo tinoukanmo nu Tumpu bau kabilahianto salatanmo pe'e dunia aiya ma'isa binau.

1 KORINTUS 6:11

To pia-piangkuka itina' hi komiu u'utu mae ko kalakuan sumo aijo'. Panyo uuka dosa' miu pinobelesinmo. Komiu tinimbalimo samata-mata anu nu Tumpu. Komiu nompo'ule'mo nompaha ima' tiba Tumpu, kalana komiu pinalesayamo hi Tumpu Yesus Kristus, ka' kalana kuasa nu Roh anu nolengkat mae hi Tumpu Allah-nto.

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

GALATIA 1:15

Panyo kalana ka'ima'an nu kinyonyoa nu Tumpu, Ia nompile'imo aku ma'isa pe'e i hampe ka' nolagamo aku da mompojalan anu Nu palentahkon.

GALATIA 1:6

Bangang na aku i han nu to Utu-utus! Komiu ilagamo nu Tumpu Allah, kalana balakat i Kristus, panyo uuka komiu talalo malia' mohiku Tumpu ka' mombatuki “lele ma'ima'” anu sangalasan, anu madi' pokakana Lele Ma'ima' anu lengkat mae hi Tumpu.

GALATIA 5:8

Tantu anu mombaumo aijo' misa' Tumpu anu nolagamo komiu!

EFESUS 1:11

Tumpu nombau iwi-iwi' apaa posi pongka'oho'-Nyo ka' posi kaputusan-Nyo. Salatanmo pe'e imoonanyo Ia nompile'imo kita kalana Ia mongkahanda'i da kita timbali mian anu palesayamo kalana mosa'angu'mo tiba i Kristus.

EFESUS 1:5

Sahingga Ia nontantukanmo momonanyo pe'e tukoonyo da kalana palesaya hi Yesus Kristus nu hangkatje na kita da timbali to ana-anak-Nyo. Ka' memang aijo'mo na anu nu nuka'oho' Nu bau.

EFESUS 2:6

Kalana kita nosa'angu'mo tiba i Kristus Yesus, Tumpu nompo'ule'mo nompotumuu' kita hingga-hinggat tiba Ia, da kita mompalentah suele hingga-hinggat tiba Ia i uno nu suluga'.

EFESUS 3:11

Tumpu nombau aijo' pokakana tiba tanga'an-Nyo anu madi' ko kamingkotannyo, sampe toka sidu-sidutu', anu binau-Nyomo nontului jalan hi Kristus Yesus Tumpunto.

EFESUS 4:4

Ola sa'angu' na butong ka' sa'angu' na Roh. Sumo aitumo mule' na komiu i laga da ola sa'angu' na anu otaha'imani ka' mule' pokakana.

KOLOSE 3:4

Jadi, pinolengkatan nu kantumuu'an miu anu totu-totu'u atina'mo hi Kristus, ka' de Ia po'ule'mo otoa, komiu suele tokamo mae hingga-hinggat tiba Ia ka' opopodaka'mo suele tiba Ia!

1 TESALONIKA 2:12

Kami mompokinde'i komiu, ka' kami mongkakeha'i komiu, ka' kami mompakisa da komiu tumuu' sumo aijo' sahingga momposanang kinyonyoa nu Tumpu. Kalana Tumpu nolagamo komiu da timbali mian i Dunia Bu'ou nu Tumpu ka' mongoa'i Kasanangan-Nyo.

2 TIMOTIUS 2:11

Totu'u hondo na potatae aiya, “De kita silakamo tiba Ia, kita po'ule'je tumuu' tiba Ia.

IBRANI 9:15

Aijo' na sababnyo i Kristus tinimbalimo Jalan i sa'angu' na palajanjian anu bu'ou, da mian anu i lagamo nu Tumpu montalimamo to bala-balakat anu madi' mingkot anu jinanji'mo nu Tumpu. Iwi-iwi' aijo' tinimbalimo kalana daagi'mo ko anu sinilaka, aijo'mo i Kristus; ka' Ia sinilaka aijo' nompobebasmo mian i kasala'an-kasala'an anu binaumo nu aha tempo'nyo palajanjian anu momona daagi' pinake.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

1 PETRUS 3:9

Boli mombalosi ka'idekan tiba ka'idekan, kabai monguda-udahi tiba monguda-udahi; panyo ola ahi' obalosi nu momoitakon balakat hi Tumpu. Kalana Tumpu nolagamo belemiu, ko kahanda'nyo da belemiu mohumpak balakat hi Ia.

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.

2 PETRUS 1:10

Kalana aijo', to utu-utus bala usaha da belemiu anu i lagamo nu Tumpu ka' pinile'an-Nyomo na butong miu lebe mompaka bala usaha mule'. De belemiu mombau aijo', belemiu madi' mompala'i kapalesaya'an miu.

ANU PINOTO'I HI YOHANES 17:14

Aha mahampateje mongewa Anak nu Domba aijo'. Panyo Anak nu Domba aijo' tiba anu saja' mombatuki Ia, anu tulu-tulutan hondo ka' anu ilaga-Nyomo ka' pinile'an-Nyomo aijo' na mompatundu' tomundo haha aijo', kalana Iamo na Tumpu nu iwi-iwi na Tuan, ka' Tomundo nu iwi-iwi na to tomu-tomundo.”

ANU PINOTO'I HI YOHANES 19:9

Lantas malaikat aijo' notataemo hi belengku, “O tulis na aiya: ‘Mohumpak ka'ima'an na anu i lagamo mamba i bau-bauon pinonika'an Anak nu Domba aijo'.’ ” Lapas mule' malaikat aijo' nompaka potatae mule', “Aiyamo na lele anu totu'u lengkat mae hi Tumpu.”