ROMA 8:2 - KITAB NU TUMPU ALLA LELE MA'IMAI'

² Kalana atulan nu Roh nu Tumpu na mombau kita tumuu' mosa'angu' tiba i Kristus Yesus nompobebasmo aku lengkat i atulan anu monsaduakon dosa' ka' kapatean.

ROMA 8:2 ပူးပေါင်းရင်းမြစ်များ

MAZMUR 51:12

Pojadiakon mae na kinyonyoangku anu madi' ko galo-galo'nyo o Tumpu, po ule' bau mae da bu'ou na kinyonyoangku ka' ko kasabanan ahi'.

YOHANES 4:10

I Yesus nontaami, “De beleyum monsumbu' apaa na anu nubee' nu Tumpu ka' ihe na mompoita monginum hi beleyum tantu beleyum na momoita monginum hi Ia, ka' Ia tionyo mombee'i beleyum uee kantumuu'an.”

YOHANES 4:14

“panyo mian anu monginum uee anu Ku bee', madi'mo daagi' megot sidu-sidutu'. Kalana uee anu Ku bee' aijo' timbalimo mata nu uee i uno nu butongnyo anu mo'ili mosabat ka' mombee'i ia kantumuu'an talakana' sampe toka sidu-sidutu'.”

YOHANES 6:63

Anu nompotimbali mian tumuu' aijo'mo Roh nu Tumpu. Kahosonan nu mian madi' ko kaliangannyo. Potatae anu Ku taloakon hi komiu aiya, aijo'mo na potatae nu Roh nu Tumpu ka' potatae anu mombee'i kantumuu'an.

YOHANES 8:32

Sahingga komiu monsumbu' Tumpu anu totu'u, ka' kalana aijo' komiu o pobebasje.”

YOHANES 8:36

Kalana aijo', de Anak mompobebas komiu, komiu totu-totu'u bebas.

ROMA 16:3

Potokakon na salan do'angku hi Priskila ka' hi Akwila, to sanga-sangalungku anu nokalaja hingga-hinggat bau kapentingan i Kristus Yesus.

ROMA 3:27

Mokonyo aitu madi' ko pintoongan hi kita mongkabubuunakon. Kadaka' sumo aitu? Ugaat kalana kita mombau anu tuli-tulis i uno nu atulan nu agama Yahudi? Misa'. Panyo kalana kita palesaya.

ROMA 5:21

Jadi, kita tionyo mate kalana kita nombaumo dosa'. Panyo Tumpu mongkalibosi kita mombee'i jalan hi kita da mompaha ima' tiba Ia. Ka kalana pompahasumbu'anto tiba Tumpu po'ule'mo na'ima', Ia mule' mombee'i kantumuu'an kopian ka' sampe toka sidu-sidutu' hi kita kalana i Yesus Kristus, Tumpunto.

ROMA 6:14

Dosa' madi'mo timbali mongkuasai komiu, kalana komiu madi'mo tumuu' i 'aluk nu atulan nu agama Yahudi, panyo i balakatmo nu Tumpu.

ROMA 6:18

Komiu pinobebasmo i dosa', ka' uuka aiya tinimbalimo posaihon mombau kahanda' nu Tumpu.

ROMA 6:22

Panyo uuka aiya komiu pinobebasmo i dosa', ka' tinimbalimo posaihon nu Tumpu. Ka'untunganum aijo'mo kita Utus tumuu' matungka' bagi nu Tumpu ka' han aijo' mohasinakon tumuu' kopian ka' toka sidu-sidutu'.

ROMA 7:21

Sahingga aku nongala sa'angu' na kaputusan taalu' atulan aiya na montoongi kuasa; de aku mongka'oho' mombau anu ma'ima' ola mule' anu ma'idek na tonginau' hi belengku.

ROMA 7:23

panyo aku tinonginau' tukoongku i uno nu butongku daagi' suele ko atulan sangga'at anu montoongi kuasa – aijo'mo atulan anu madi' mo'imboa tiba atulan anu nutalima nu pikilanku. Mokonyo aijo' aku tinonsegot i atulan nu dosa' anu nontoongi kuasa i uno nu butongku.

ROMA 7:4

Sumo aitumo na bau-baunyo tiba komiu, to Utu-utusku. Kona i atulan nu agama Yahudi komiu i natemo, kalana komiu pinosa'angu'mo tiba butong i Kristus ka' Iamo na tumpunyo, anu sinilaka po'ule'mo pinotumuu'. Ia sinilaka po'ule' pinotumuu' da kita ko kaliangannyo hi Tumpu i kantumuu'anto.

ROMA 8:1

Uuka aiya madi'mo ko pohukuman hi aha anu tumuu' mosa'angu' tiba i Kristus Yesus.

1 KORINTUS 15:45

I uno nu Kitab nu Tumpu tinulismo sumo uuka, “Mian anu momona aijo'mo i Adam anu binau ka' pinotumuu',” panyo i Adam anu imihi-mihinyo aijo'mo Roh anu mombee'i kantumuu'an.

2 KORINTUS 3:17

Jadi Tumpu anu sina-sinanggo aiya, aijo'mo Roh. Ka' iya na ko Roh nu Tumpu daagi', i kiijo' mule' daagi' ko kabebasan.

2 KORINTUS 3:6

Iamo na nompotimbali kami da moko ala timbali posaihon i palajanjian anu bu'ou; palajanjian anu lengkat hi Roh nu Tumpu Allah, misa' anu tuli-tulis i atulan. Kalana anu tuli-tulis aijo' momboa kapatean, panyo Roh nu Tumpu aijo' mombee'i kantumuu'an.

GALATIA 2:19

Panyo aku sinilakamo i atulan nu agama – atulan aijo' na nonsilakai – da aku tumuu' bau kapentingan nu Tumpu. Aku sinalibmo hingga-hinggat i Kristus.

GALATIA 5:1

Kita uuka aiya binebasmo kalana i Kristus nompobebasmo kita! Kalana aijo' otoongi dodo-dodo na kabebasan miu, ka' bolimo mongka'oho' obotuani mule'.

GALATIA 6:2

Tionyo ahi' komiu mompaha tulu-tulungi kasusa'an nu mian, da tiba jalan anu sumo aijo' komiu montulutimo palentah i Kristus.

YAKOBUS 1:25

Atulan nu Tumpu na'ima'mo hondo ka' ko kuasa mompobebas mian. Ka' mian anu monggulu'i ka' mongintomakon ima-ima' tiba mule' montuluti atulan aijo', ka' misa' ola mohongo lantas okolilimimo, mian anu aijo' apaa na anu nubau nu aha nu balakati nu Tumpu.

ANU PINOTO'I HI YOHANES 11:11

Ilapas totolu' mintonga' na sinaa, tinokamo na napas bau pompotumuu' lengkat mae hi Tumpu ka' ninsoop mule' i uno nu ua-ua'aha na nabi aijo'. Aha mule' nobungkutmo ka' tinuminjomo, sahingga iwi-iwi' na mian anu nontoa aha nabuhukmo hondo.

ANU PINOTO'I HI YOHANES 22:1

Malaikat aijo' suele nompotoa hi belengku kaunyo anu ueenyo mombee'i kantumuu'an. Uee nu kaunyo aijo' jongkilaban sumo intan ka' mo'ili lengkat mae i kasungan nu Tumpu ka' Anak nu Domba aijo',