ROMA 8:15 - KITAB NU TUMPU ALLA LELE MA'IMAI'

¹⁵ Kalana Roh nu nubee' nu Tumpu hi komiu, madi' monsaduakon komiu timbali botuan, sahingga komiu tumuu' i uno nu kabuhukan. Ola o, Roh nu Tumpu aijo' mompotimbali komiu to ana-anak nu Tumpu. Ka' kalana kuasa nu Roh nu Tumpu aijo', kita molaga Tumpu aijo', “Tuuma, o Tuumangku!”

ROMA 8:15 ပူးပေါင်းရင်းမြစ်များ

NOSABATMO 20:19

Aha notataemo hi Musa, “Beleyumo na motatae mae hi kami, kami mohongoje; panyo boli Tumpu Allah na motatae mae hi kami dumo kami mate.”

YESAYA 56:5

saba' sanggo nu belemiu madi' okolilimi i uno nu Laigan-Ku, ka' mule' hi aha bansang-Ku. Aijo' na lebe ma'ima' nalingkudui na mohumpak anak to momo'ane ka' to bou-boune. Belemiu ku bee'imo sanggo sidu-sidutu', anu madi'mo okolilimi.”

YEREMIA 3:19

Tumpu notatae, “O Israel, Aku kahanda'mo montalima beleyum salaku anak-Ku, ka' mombee'imo beleyum lipu' anu oka'ima'i nu kinyonyoa, lipu' anu ma'ima' hondo idunia aiya songko-songko. Ku kahanda'i da beleyum monsanggo Aku tuuma nu beleyum, ka' madi'mo daagi' mompala'i Aku.

NOMBILANGMO 17:12

Lantas aha mian nu Israel notataemo hi Musa “Desumo aijo', silakamo na kami! Kami matemo!

MATIUS 25:25

Aku mabuhuk, jadi mamba pinosuluku na doi nu kita Tuan i uno nu tano'. Aiyamo na doi nu kita Tuan.’

MARKUS 14:36

“Tuuma, o Tuuma,” na koo-Nyo, “madi' ko apaa anu kulang hi kita Tuuma. Pojo'onakon na kasansalaan aiya hi beleng-Ku. Panyo boli mombatuki pongka'oho'-Ku, o ala ahi' i pongka'oho' nu kita Tuuma.”

LUKAS 11:2

Lantas i Yesus notatae hi aha, “De komiu balado'a, taloakon sumo uuka, ‘Tuuma, Kitamo na Tumpu anu sa'a-sa'angu'nyo. O amalakon na Kita o sombah ka' o angga'i.

LUKAS 22:42

Lantas tinolodadupu ka' binalado'a. “Tuuma,” na koo-Nyo, “de timbali opojo'onakon hi beleng-Ku na sansala anu tionyo Ku oa'i aiya. Panyo boli o ala i pongka'oho'-Ku, o ala ahi' samata-mata i pongka'oho' nu Kita Tuuma.” [

LUKAS 8:28

Salatan nontoa i Yesus, ia noloboo'mo, lantas tinolodadupumo i ahop i Yesus, ka' notatae daka-daka', “Yesus Anak nu Tumpu Anu Matangkas na Kuasanyo! Nu posiamo na aku aiya? Ku poita boli monsakisa aku!”

LUKAS 8:37

Lantas songko-songko na anu jojoong i da'erah Gerasa aijo' nompoita sabole-bole da i Yesus mompala'i tampat aijo', kalana aha iwi-iwi' nabuhukmo hondo. Jadi, i Yesus sinumake'mo i duangan kahanda'mo minsusule'.

YOHANES 16:8

De Ia tokamo Nu ponyata'je i dunia na pangalati'an nu dosa' anu sahondo-hondonyo, ka'pohukum nu Tumpu.

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

SISIKON NU TO RASUL-RASUL 16:29

Kapala nu talungku' aiya nompoita sulu' lantas nopadeka' i unonyo, ka' i lakatnyomo na ia dinumaladupu i ahop hi Paulus ka' hi Silas.

SISIKON NU TO RASUL-RASUL 2:37

Salatan to mia-mian aijo' nohongo han aijo', kinyonyoa nu aha madi'mo talalo sinanang. Lantas aha nompokilawamo hi Petrus ka' hi to rasul-rasul sangga'atannyo, “To Utu-utus, kami tionyo mombau apaa?”

ROMA 8:16

Roh nu Tumpu tiba roh to momponyata' saba' kita aitu ana-anak nu Tumpu.

ROMA 8:23

Ka' misa' ola songko-songko na dunia na motusa'; kita suele motusa' i uno nu kinyonyoanto. Kita nohumpakmo Roh nu Tumpu Allah, panyo kita daagi' po'ule' montanda'i Tumpu mompobebas butongto iwi-iwi' ka' mompotimbali kita to ana-anak-Nyo.

ROMA 8:26

Sumo aitumo na Roh nu Tumpu toka montulungi kita de kita madi' mahoson. Kalana madi' osumbu'to mosia na tionyo kita balado'a; posi Roh aijo' na mangadap hi Tumpu mompoita kon apa-apaa na anu opalaluinto, kalana kapalaluan anu talalomo manjoo', sahingga madi'mo opoko taloakon.

ROMA 9:4

Aha mian anu pinile'anmo ka' Tumpu nompotimbalimo aha to ana-anak-Nyo, ka' nompotoamo kuasa-Nyo hi aha. Ia binajanji'mo tiba aha ka' nombee'imo atulan nu agama hi aha. Tumpu nompoto'i hi aha, mosia na aha tionyo balado'a ka' aha mule' nontalimamo anu jinanji'-Nyo.

1 KORINTUS 2:12

Ka' kita madi' binee'an roh nu dunia aiya, panyo Roh anu lengkat mae hi Tumpu, da kita monsumbu' iwi-iwi' apaa na anu binee' nu Tumpu hi kita.

2 KORINTUS 11:4

Kalana lupanyo komiu ola sanang na montalima mian anu toka hi komiu ka' mompogulu' mongkona Yesus sangga'at – misa' i Yesus anu pipinoto'i mami hi komiu. Ka' komiu mongka'oho' mule' montalima roh ka' “lele ma'ima'” anu mompahasala' hondo tiba Roh nu Tumpu ka' Lele Ma'ima' anu toho'mo tinalima miu hi kami.

GALATIA 2:4

maumo daagi' ko to mia-mian anu mompakisa han aijo'. Aha to mia-mian anu minsoop hoko-hokot hi bubuu' kita montiho-tiho sumo utus. Aha minsoop hoko-hokot da mompinasa kabebasan anu daagi' hi kita, kalana kita nosa'angu'mo tiba i Kristus Yesus. Aha mongka'oho' monsule'akon kita i kabebasan anu susumo u'utu mae salaku botuan,

GALATIA 5:1

Kita uuka aiya binebasmo kalana i Kristus nompobebasmo kita! Kalana aijo' otoongi dodo-dodo na kabebasan miu, ka' bolimo mongka'oho' obotuani mule'.

EFESUS 1:5

Sahingga Ia nontantukanmo momonanyo pe'e tukoonyo da kalana palesaya hi Yesus Kristus nu hangkatje na kita da timbali to ana-anak-Nyo. Ka' memang aijo'mo na anu nu nuka'oho' Nu bau.

2 TIMOTIUS 1:7

Kalana Roh anu binee' nu Tumpu hi kita, misa' Roh anu mombau kita mabuhuk. Panyo ahi' da Roh nu Tumpu aijo' mombau kita timbali mahoson, ka' saja' mongkalibosi ka' moko ala ahi' mongkuasai butongto.

IBRANI 2:15

Tiba jalan anu sumo aijo' Ia nompobebasmo to mia-mian anu i uno nu kantumuu'annyo saja' obotuani kalana mabuhuk dumo mate.

YAKOBUS 2:19

Te madi' opalesaya miu Tumpu ola sa'angu'? Jadi to roh-roh ma'idek suele palesaya ka' nulakat nu kabuhukan na aha!

1 YOHANES 4:18

Mian anu nongoa'imo totu-totu'u kalibosan nu Tumpu, madi'mo monsumbu' mongoa'i mabuhuk, kalana kalibosan anu ma'ima' hondo aijo' nongalinakonmo iwi-iwi na kabuhukan anu o'oa'i. Jadi osumbu'mo de mian ma'isa nongoa'i kalibosan nu Tumpu anu ma'ima' hondo, mian aijo' mabuhuk na mongahopi Sinaa anu Pomputusianmo.