ROMA 8:11 - KITAB NU TUMPU ALLA LELE MA'IMAI'

¹¹ De i Kristus sinilaka, pino tumuu' nu Roh nu Tumpu, tumuu' i uno nu butongum, saba' Ia anu nompotumuu' i Kristus tempo'nyo Ia sinilaka aijo' sueleje mompotumuu' butongum anu timbali silaka aijo'. Ia mombau aijo' nu Roh-Nyo anu tumuu' i uno nu butongum.

ROMA 8:11 ပူးပေါင်းရင်းမြစ်များ

YESAYA 26:19

Mian anu palesayamo hi Belento sisinilakamo saidi' mae po ule'mo tumuu', bangke-bangke' nu aha po ule'mo tumuu'. Mian anu ilamunmo i uno nu tano' saidi' mae po ule'mo tumuu' ka' lame'mo na lewa' molo ais. Sumomo dondu'ok mompoloopmo tano', Belento mompotumuu'mo mian anu palesayamo hi Belento anu pini-pininmo na sinilaka.

YEHEZKIEL 37:14

Aku mompuhakonmo santuu' i uno nu butong nu aha da aha tumuu'mo, lantas aha Ku pobee'mo jojoong iposi lipu' nu aha. Sahingga nu sumbu'je nu aha taalu' Akumo ahi' na Tumpu. Aku Tumpu notataemo ka' memang ahi' mompojadimo.”

YOHANES 14:17

Ia aijo' Roh nu Tumpu anu momponyata' kahondoan mongkona Tumpu. Dunia madi' montalima Ia kalana madi' montoa ka' madi' monsumbu' Ia. Panyo komiu monsumbu' Ia, kalana Ia jojoong hingga-hinggat ka' komiu, ka' mosa'angu' tiba komiu.

YOHANES 5:21

Tuuma aijo' po'ule' mompotumuu' mian mate, ka' mombee'i aha kantumuu'an anu talakana' ka' toka sidu-sidutu'; sumo aitu mule' Anak mombee'i kantumuu'an sidu-sidutu' hi mian anu nuka'oho' Nubee'i kantumuu'an.

SISIKON NU TO RASUL-RASUL 2:24

Panyo Tumpu po'ule' nompotumuu' Ia lengkat i totonga' nu to mia-mian mate. Ia kinona nu kapatean, panyo Tumpu na nolapasakon Ia, kalana madi' timbali Ia saja'mo nu kuasai nu kapatean.

ROMA 16:10

Salan do'angku hi Apeles. Tinoamo na bukuti'nyo ia tulu-tulutan hondo hi Kristus. Salan do'angku suele hi sampoto utusan i Aristobulus,

ROMA 16:3

Potokakon na salan do'angku hi Priskila ka' hi Akwila, to sanga-sangalungku anu nokalaja hingga-hinggat bau kapentingan i Kristus Yesus.

ROMA 16:7

Potokakon suele na salan do'angku hi Andronikus ka' hi Yunias. Aha sa'a-sa'angu'mo na bansa tiba aku, ka' toho'mo ninsoop i talungku' hingga-hinggat tiba aku. Ma'isa pe'e aku pinalesaya hi Kristus, aha polo-polo'mo pinalesaya. Talasanggohondo na aha hi to rasul-rasul.

ROMA 16:9

Potokakon na tabea'ku hi Urbanus, sangalunto anu nokalajamo hingga-hinggat tiba kita kalana kapentingan i Kristus. Sumo aitu mule' tabea'ku hi Stakhis anu ku kukalibosi.

ROMA 6:12

Bolimo daagi' mompobee' dosa' mongkuasai kantumuu'an anu madi' toka sidu-sidutu' aiya, da kita Utus bolimo mombatuki pongka'oho'um anu ma'idek.

ROMA 8:1

Uuka aiya madi'mo ko pohukuman hi aha anu tumuu' mosa'angu' tiba i Kristus Yesus.

ROMA 8:12

Mokonyo aijo' to Utu-utus, kita tionyo mohongo-hongo apaa na anu o bau; panyo misa' tionyo mombau anu mombatuki sipat nu mian; kita madi' palalu tumuu' mombatuki pongka'oho'nyo.

ROMA 8:2

Kalana atulan nu Roh nu Tumpu na mombau kita tumuu' mosa'angu' tiba i Kristus Yesus nompobebasmo aku lengkat i atulan anu monsaduakon dosa' ka' kapatean.

ROMA 8:9

Panyo komiu madi' tumuu' mombatuki sipat nu mian. Komiu tumuu' mombatuki pongka'oho' nu Roh nu Tumpu – de memang, Roh nu Tumpu totu-totu'u montoongi kuasa i uno nu butongum. Mian anu madi' ko Roh i Kristus, mian aijo' misa' i Kristus na tumpunyo.

1 KORINTUS 15:16

Kalana de mian silaka madi'mo po'ule' opotumuu', makia' i Kristus sinilaka suele madi'mo po'ule' pinotumuu'.

1 KORINTUS 6:14

Tumpu Yesus sinilaka po'ule' pinotumuu' nu Tumpu, sumo aitu mule' na Tumpu mompotumuu' kita nu kuasa-Nyo.

2 KORINTUS 4:11

Kalana de daagi' kami tutuu', kami saja' mongahopi kapatean kalana i Yesus, da kalana aijo' kantumuu'an i Yesus suele timbali oponyata' i butong mami anu ola tumuu' sasaingoni' aiya.

2 KORINTUS 4:14

Opalesaya mami, saba' Tumpu na nompo'ule'mo nompotumuu' i Tumpu Yesus, suele mompotumuu'mo kami tiba i Yesus ka' nomboamo komiu ka' kami i ahop-Nyo.

2 KORINTUS 5:4

Kalana hau-haunyo kita jojoong i laigan anu i dunia aiya, kita motusa' kalana o'oa'into maboat hondo. Misa' kalana kita mongka'oho'mo da butongto anu i dunia aiya olapasakontomo, panyo kalana kita mongka'oho'mo mompokona butong anu lengkat mae i suluga' aijo', da butongto anu timbali silaka aiya nukuasai nu anu tumuu'.

GALATIA 6:8

De mian monsu'an mombatuki sipat nu manusia, ia mohumpakje kapatean i sipatnyo aijo'. Panyo de ia monsu'an mombatuki pompotiju' nu Roh nu Tumpu, ia mohumpakje kantumuu'an kopian ka' sampe toka sidu-sidutu' lengkat mae hi Roh nu Tumpu Allah.

EFESUS 2:5

sahingga tempo'nyo kita daagi' nate na rohaninto kalana kita saja' mombau kasala'an, Ia po'ule'mo nompotumuu' kita hingga-hinggat tiba i Kristus. Jadi, ola kalana ka'ima'an nu kinyonyoa nu Tumpu sahingga komiu pinosalamat-Nyomo.

FILIPI 3:21

Butongto anu madi' mahoson ka' anu timbali mohonsu aiya nubali'ije i Kristus timbali sumo butong-Nyo anu talasanggo. Ia timbali moko ala mombau aijo' kalana Ia daagi' ko kuasa mompatundu' iwi-iwi na apaa.

IBRANI 13:20

Tumpu mompotumuu'mo Tumpunto i Yesus anu sini-sinilakamo. Kalana Ia sinilakamo, sahingga Ia tempo' uuka tinimbalimo Polaya'to anu Talasanggo aiya hi kita to domba-domba-Nyo. Ia sinilaka aijo' mompaka pompohosonmo palajanjian anu sampe toka sidu-sidutu' anu binaumo nu Tumpu hi kita.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

ANU PINOTO'I HI YOHANES 1:18

Akumo na Ia anu tinumuu'mo! Aku sinilakamo, panyo toamo, Aku tumuu'mo sampe toka sidu-sidutu'. Aku mongkuasai kapatean, ka' i dunia nu mian anu i natemo.

ANU PINOTO'I HI YOHANES 11:11

Ilapas totolu' mintonga' na sinaa, tinokamo na napas bau pompotumuu' lengkat mae hi Tumpu ka' ninsoop mule' i uno nu ua-ua'aha na nabi aijo'. Aha mule' nobungkutmo ka' tinuminjomo, sahingga iwi-iwi' na mian anu nontoa aha nabuhukmo hondo.