ROMA 8:10 - KITAB NU TUMPU ALLA LELE MA'IMAI'

¹⁰ Panyo de i Kristus tumuu' i uno nu butongum, saba' mau mule' butongum mate kalana dosa', panyo Roh nu Tumpu mombee'i kantumuu'an hi beleyum, kalana pompahasumbu'anum tiba Tumpu na'ima'mo.

ROMA 8:10 ပူးပေါင်းရင်းမြစ်များ

IMAMAT 13:40

De samian na mo'ane lendesmo na ubak i tundun kabai i buan nu siakan, lendesnyo aijo' madi' monsaduakon ia mahumimi'mo.

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

YOHANES 15:5

Akumo na kau' anggur, ka' komiu na to panga-panga'nyo. Mian anu saja' mosa'angu' tiba Aku, ka' Aku tiba ia, tionyo mimbua' mahampe; kalana de madi' tiba Aku, komiu madi' moko bau apa-apaa.

YOHANES 17:23

Aku tiba aha, ka' kita Tuuma tiba Aku, da aha totu-totu'u sa'a-sa'angu'. Sahingga dunia monsumbu' taalu' kita Tuuma na nonsai mae Aku, ka' taalu' kita Tuuma mongkalibosi aha, sumo kita Tuuma mongkalibosi Aku.

YOHANES 4:14

“panyo mian anu monginum uee anu Ku bee', madi'mo daagi' megot sidu-sidutu'. Kalana uee anu Ku bee' aijo' timbalimo mata nu uee i uno nu butongnyo anu mo'ili mosabat ka' mombee'i ia kantumuu'an talakana' sampe toka sidu-sidutu'.”

YOHANES 6:54

Mian anu mongkaan butong-Ku ka' monginum baso'-Ku ko kantumuu'an talakana' ka' toka sidu-sidutu', ka' po'ule' Ku potumuu' i Sinaa Kakiamatan.

YOHANES 6:56

Mian anu mongkaan butong-Ku ka' monginum baso'-Ku tataap mosa'angu' tiba Aku, ka' Aku tiba ia.

ROMA 5:12

Dosa' ninsoop i uno nu dunia sinabapan nu samian, ka' lengkat i dosa' aijo' sahingga ko anumo sinilaka. Ahennyo, kapatean nolele isongko-songko na mian, kalana iwi-iwi' na mian binaladosa'mo.

ROMA 5:21

Jadi, kita tionyo mate kalana kita nombaumo dosa'. Panyo Tumpu mongkalibosi kita mombee'i jalan hi kita da mompaha ima' tiba Ia. Ka kalana pompahasumbu'anto tiba Tumpu po'ule'mo na'ima', Ia mule' mombee'i kantumuu'an kopian ka' sampe toka sidu-sidutu' hi kita kalana i Yesus Kristus, Tumpunto.

ROMA 8:11

De i Kristus sinilaka, pino tumuu' nu Roh nu Tumpu, tumuu' i uno nu butongum, saba' Ia anu nompotumuu' i Kristus tempo'nyo Ia sinilaka aijo' sueleje mompotumuu' butongum anu timbali silaka aijo'. Ia mombau aijo' nu Roh-Nyo anu tumuu' i uno nu butongum.

1 KORINTUS 15:45

I uno nu Kitab nu Tumpu tinulismo sumo uuka, “Mian anu momona aijo'mo i Adam anu binau ka' pinotumuu',” panyo i Adam anu imihi-mihinyo aijo'mo Roh anu mombee'i kantumuu'an.

2 KORINTUS 13:5

Soba posi uji' na butong miu pa' totu-totu'u komiu tumuu' kalana palesaya hi Kristus! Tantu osumbu'je miu taalu' i Kristus Yesus daagi' itina' hi komiu! – sangalasan na hannyo de memang komiu madi' totu-totu'u palesaya.

2 KORINTUS 4:11

Kalana de daagi' kami tutuu', kami saja' mongahopi kapatean kalana i Yesus, da kalana aijo' kantumuu'an i Yesus suele timbali oponyata' i butong mami anu ola tumuu' sasaingoni' aiya.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

EFESUS 3:17

Ku'amalakon kalana komiu pinalesayamo hi Kristus, i Kristus jojoongmo i uno nu kinyonyoa miu, ka' kantumuu'an miu mompintoongimo ka' nu kuasaimo nu kalibosan.

FILIPI 1:23

Ohua' na jalan na mohela' aku. Ku ka'ima'imo hondo na mompala'i dunia aiya da mamba jojoong tiba i Kristus, kalana aijo' na anu talalo ma'ima';

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

1 TESALONIKA 4:16

Malaikatje anu talasanggo hondo atina'je na motatae daka-daka', ka' tolompet nu Tumpu opo onyi'mo salaku bau sa'angu' na tanda. Lantas i Tumpu Yesus mintatau'mo lengkat mae i suluga', ka' to mia-mian Kristen anu sinilakamo na po'ule' opotumuu' momona.

IBRANI 12:23

Komiu mongatuhimo tampat kasingkabotan anu lame' hondo – kasingkabotan nu to ana-anak tumpe nu Tumpu, anu tinulismo na sanggonyo i uno nu kitab kiita' i suluga'. Komiu tokamo mangadap hi Tumpu, Mian Kopian nu mian iwi-iwi'. Komiu mongahopimo to roh-roh nu to mia-mian ma'ima', anu pinotimbalimo da na'ima'mo.

IBRANI 9:27

Tumpu nontantukanmo mian silaka ola minsan ka' lapas aijo' oputusimo nu Tumpu.

ANU PINOTO'I HI YOHANES 14:13

Lantas aku nohongo potatae lengkat mae i suluga' nontaloakon, “O tulis na aiya: Otampu'uni uuka aiya, mohumpakmo ka'ima'an na to mia-mian anu sinilakamo tempo'nyo saja' nombau anu pinalentahkonmo nu Tumpu!” “Totu'u!” tinaaman nu Roh nu Tumpu. “Aha madi'mo pagala mokalaja, kalana hasin nu kalaja nu aha aijo'mo na nomboa aha nohumpak ka'ima'an.”