ROMA 8:1 - KITAB NU TUMPU ALLA LELE MA'IMAI'

¹ Uuka aiya madi'mo ko pohukuman hi aha anu tumuu' mosa'angu' tiba i Kristus Yesus.

ROMA 8:1 ပူးပေါင်းရင်းမြစ်များ

YESAYA 54:17

Panyo toto sa'angu' na toongon anu tinutukmo mongewa beleyum, madi' kino hasinnyo. Ka' toto sa'angu' na tuduhan i uno nu pomputusianmo palakala nu pobukutimo taalu aijo' sala'. Ku bee'ije palasen salaku tanda imenangmo hi to posa-posaihon-Ku,” sumo aijo' na koonyo nu Tumpu.

YEHEZKIEL 18:9

Ia montuluti hondo palentah-ngKu ka' mule' tulu-tulutan hondo i atulan-Ku. Mian anu sumo aijo' na osanggohi hodi' na kinyonyoanyo ka' tataap tumuu'. Aku, Tumpu Anu matangkas na Kuasanyo notataemo.

YOHANES 14:20

De tokamo na sinaa aitu, osumbu'je miu taalu' Aku mosa'angu' tiba Tuuma, komiu mosa'angu' ka' Aku, ka' Aku mosa'angu' tiba komiu.

YOHANES 15:4

Tataap mosa'angu' tiba aku, ka' Aku mule' tataap mosa'angu' tiba komiu. Posi panga' madi' moko pimbua', beilako' de ia tataap i kau'nyo. Sumo aitumo na komiu moko ala mimbua', de saja' mosa'angu' tiba Aku.

YOHANES 5:24

Totu-totu'u hondo na anu Kutaloakon aiya; mian anu mongintomakon potataeng-Ku, ka' palesaya hi Ia anu nonsai mae Aku, ko kantumuu'an anu talakana' ka' toka sidu-sidutu'. Ia madi' o hukum, ia nolapasmo lengkat i kapatean ka' nohumpakmo kantumuu'an.

ROMA 16:3

Potokakon na salan do'angku hi Priskila ka' hi Akwila, to sanga-sangalungku anu nokalaja hingga-hinggat bau kapentingan i Kristus Yesus.

ROMA 16:7

Potokakon suele na salan do'angku hi Andronikus ka' hi Yunias. Aha sa'a-sa'angu'mo na bansa tiba aku, ka' toho'mo ninsoop i talungku' hingga-hinggat tiba aku. Ma'isa pe'e aku pinalesaya hi Kristus, aha polo-polo'mo pinalesaya. Talasanggohondo na aha hi to rasul-rasul.

ROMA 5:1

Uuka aiya kita po'ule'mo na'ima' tiba Tumpu, kalana kita palesaya. Mokonyo aitu kita tumuu' i uno nu kadamean tiba Tumpu kalana Tumpunto i Yesus Kristus.

ROMA 5:16

Balakat nu Tumpu mule' lebe daka' molingkudui dosa' nu samian aijo'. Kalana salatan samian nolanggaimo anu o tewa', nanabu'mo na kaputusan, “Sinala'mo”. Panyo salatan manjoo'mo na mian nombau dosa', tinokamo na balakat lengkat hi Tumpu mompoto'i, “Madi'mo ko sala'nyo”.

ROMA 7:17

Mokonyo aitu, misa'mo aku na sahondo-hondonyo nombau aijo', panyo dosa' anu mongkusai aku.

ROMA 7:20

De kubau na anu madi' ka'oho' kubau, aijo' alati'nyo misa' aku na nombau anu haha aijo', panyo dosa' anu mongkuasai butongku.

ROMA 8:11

De i Kristus sinilaka, pino tumuu' nu Roh nu Tumpu, tumuu' i uno nu butongum, saba' Ia anu nompotumuu' i Kristus tempo'nyo Ia sinilaka aijo' sueleje mompotumuu' butongum anu timbali silaka aijo'. Ia mombau aijo' nu Roh-Nyo anu tumuu' i uno nu butongum.

ROMA 8:14

To mia-mian anu nukuasai nu Roh nu Tumpu, aijo' ana-anak nu Tumpu.

ROMA 8:2

Kalana atulan nu Roh nu Tumpu na mombau kita tumuu' mosa'angu' tiba i Kristus Yesus nompobebasmo aku lengkat i atulan anu monsaduakon dosa' ka' kapatean.

ROMA 8:34

Pa' daagi' ko mian anu mongka'oho' mompo sala' kita? I Kristus Yesus na montinjohi kita! Ia na anu sinilakamo, kabai memanga Iamo na po'ule'mo pinotumuu' salatan Ia sinilaka ka' kiita'mo mae hi Tumpu i tampat anu mongkuasai.

ROMA 8:39

mau mule' anu kiita' mae i langit, kabai hahan anu aiya i dunia, kabai anu sangga'at, iwi-iwi' madi' moko tewa' Tumpu Allah mongkalibosi kita, sumo anu pinotoa-Nyomo hi Kristus Yesus, Tumpunto.

ROMA 8:4

Binau nu Tumpu sumo aijo' da pongka'oho'-Nyo anu pinoto'inyo i atulan nu agama Yahudi aijo' timbali ojalanakon i uno nu butong anu tumuu' mombatuki pongka'oho' nu Roh nu Tumpu Allah, ka' misa' mombatuki sipat nu mian.

ROMA 8:9

Panyo komiu madi' tumuu' mombatuki sipat nu mian. Komiu tumuu' mombatuki pongka'oho' nu Roh nu Tumpu – de memang, Roh nu Tumpu totu-totu'u montoongi kuasa i uno nu butongum. Mian anu madi' ko Roh i Kristus, mian aijo' misa' i Kristus na tumpunyo.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

1 KORINTUS 15:22

Sumo mian iwi-iwi' tionyo silaka kalana pinokakanakonmo sumo i Adam, sumo aitu mule' iwi-iwi' po'ule' opotumuu' kalana opokakanakonmo sumo i Kristus.

2 KORINTUS 12:2

Kusumbu' samian na Kristen u'utu mae sampulu'mo ka' opat na taun anu i hikuhakonmo, i hangkatmo nokiita' i tampat anu matangkas hondo i suluga'. (Aku madi' monsumbu' pa' butongnyo totu-totu'u tinahangkat kabai ola susumo anu kinohiabakon – ola Tumpu Allah na monsumbu'.)

2 KORINTUS 5:17

Mian anu nosa'angu'mo tiba i Kristus tinimbalimo mian bu'ou totu-totu'u. Anu pini-pininmo imadi'anmo – iwi-iwi' tinimbalimo bu'ou.

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”

GALATIA 3:26

Kalana komiu pinalesayamo hi Kristus Yesus, sahingga komiu nosa'angu'mo tiba ia; ka' kalana aijo', komiu timbalimo to ana-anak nu Tumpu.

GALATIA 3:28

I uno nu han aiya madi'mo oposi posangalasan na mian nu Yahudi tiba misa' mian nu Yahudi, te botuan ka' mian bebas, te mo'ane ka' boune To Utu-utus iwi-iwi' nosa'angu'mo kalana i Kristus Yesus.

GALATIA 5:16

Makisutku sumo uuka: Sahanyo Roh nu Tumpu na mompotiju' komiu, ka' boli tumuu' mombatuki pongka'oho' nu sipat nu manusia.

GALATIA 5:25

Roh nu Tumpu nombee'imo kita kantumuu'an anu bu'ou; mokonyo aijo' Ia suele mongkuasaimo ahi' kantumuu'anto.

EFESUS 1:1

Mian anu palesayamo hi Tumpu kiijo' i Efesus, anu mohongo-hongo i Kristus Yesus!

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.