ROMA 7:7 - KITAB NU TUMPU ALLA LELE MA'IMAI'

⁷ Desumo aitu, apaa na anu otaloakonto? Te atulan nu agama Yahudi aiya ma'idek? Tantu madi'! Panyo atulanmo aijo' na mompokinde'i aku da nonsumbu' anu moko baladosa'. Madi' sinumbu'ku na mangoa pa' apaa, de atulan nu agama madi' nontaloakon, “Boli mangoa.”

ROMA 7:7 ပူးပေါင်းရင်းမြစ်များ

KAJADIAN 3:6

Tinoa nu boune aijo' na pu'un nu kau' aijo' taalu' ma'ima' ka' bua'nyo tinoanyo ma'ima' na okaan. Ka' ia binapikinmo mosia na ko ima'nyo de ia timbalimo pande. Kalana aijo tinipunyomo na bua' nu kau' aijo' ka' kinaannyo, ka' suele binee'annyomo na langkai'nyo ka' suele nongkaanmo.

2 SAMUEL 11:2

Daagi kino sansinaan mamalommo salatan i Daud nobulamo lengkat i hoyot ia ihoyot ia kinolalajangmo aita mae iloteng nu laigan nu tomundo' anu kakajojoongannyo aijo'. Ikiita' ia nontoamo samian na boune hau-haunyo mindii' ka' mule' boune aijo' handa hondo.

MAZMUR 119:96

Tinoangkumo mau mule' anu sinukupmo hondo panyo ko batasnyo ahi', ola palentah nu Belento na anu sukup hondo ka' madi' ko batasnyo.

NOSABATMO 20:17

Boli mongkamilui anu nu mian sangga'at: laigannyo, bengekele'nyo, to posa-posaihonnyo, potuu'onnyo, keledainyo, kabai mau mule' pa' apaa na anunyo.”

MIKHA 2:2

De aha mongka'ima'imo sa'angu' na ale' nu mian nu agoimo nu aha. De aha mongka'ima'imo sa'angu' na laigan nu mian nu alamo nu aha. Mau halata' mau pe'e poto'utusan madi'mo ko anu mompaha kona.

MATIUS 5:28

Panyo uuka Aku motatae hi beleyum: Ihe na montoa samian na boune ka' ko napisunyomo, mian aijo' nasala'mo tiba boune aijo' i uno nu kinyonyoanyo.

LUKAS 12:15

Lapas aijo', kona hi mian iwi-iwi' anu daagi' i kiijo', i Yesus notatae, “Obala'ingati ka' bajaga-jaga, boli sampe komiu mangoa. Kalana kantumuu'an nu mian madi' ola taha'iman i kakaya'annyo mau mule' halata'nyo molabi-labi.”

LUKAS 20:16

Tantu ia toka ka' mompatei anu nombau ale' haha aijo', lantas ale' aijo' nu bee'mo hi sangga'at na mombauakon.” Nohongo aitu, notataemo na to mia-mian hi Yesus, “Imadi' koko totu'u!”

SISIKON NU TO RASUL-RASUL 20:33

Ma'isa toho' aku nongkamilui doi kabai pakean lengkat hi toto samian.

ROMA 13:9

Kalana atulan nu agama Yahudi, aijo'mo: Boli masala', boli mompatei, boli mombuling, boli mongkamilui anu nu mian; iwi-iwi' aijo' naninggalumo tiba to atu-atulan sangga'at, kinodo'anmo sahingga pinosa'angu'mo na atulan, aijo'mo, “Kalibosi na sangko mian sumo beleyum mongkalibosi posi butongum.”

ROMA 3:20

Kalana madi' ko samian pe'e na moko ala mompaha ima' tiba Tumpu, kalana mian aijo' mombau hahan anu daagi' i uno nu atulan nu agama. Ola ahi' atulan aijo' na mompotiju' hi mian taalu' mian aijo' baladosa'.

ROMA 3:5

Panyo de ka'adinan nu Tumpu konyata-nyata'nyomo, kalana kita mombau anu madi' totu'u, apaa na anu ka'oho' otaloakonto? Tebolong Tumpu madi' adin de ia mohukum kita? (Memang anu opokilawa aiya, pantas de susumo mian.)

ROMA 4:1

Desumo aitu, apaa na timbali otaloakonto mongkona i Abraham, mompolee' nu bansanto? Mosia na anu ingoa'annyomo?

ROMA 4:15

Atulan nu agama Yahudi molubatakon hukuman nu Tumpu. Panyo de madi' ko atulan, tantu madi' ko anu olanggai.

ROMA 5:20

Anu nombee' atulan nu agama Yahudi aijo' posi Tumpu. Panyo lebe mian makeke montapali atulan aijo', lebe mule' aha molanggai ka' baladosa' hi Tumpu. Mau mule' mian lebe mombau dosa', Tumpu lebe mule' mongkalibosi aha.

ROMA 6:15

Uuka aiya, mosia na katotu'uannyo? Timbali na kita mombau dosa', kalana kita madi'mo i 'aluk nu kuasa nu atulan nu agama Yahudi, panyo i 'alukmo nu balakat nu Tumpu? Madi' hondo-hondo!

ROMA 7:11

Kalana montului atulan nu agama aijo', dosa' nongalamo jalan nongakali ka' nompatei aku.

ROMA 7:13

Yo te aiya alati'nyo, au'aitu anu ma'ima' aijo' molubatakon kapatean hi belengku? Tantu madi'! Dosa' ahi' na anu mompolubat kapatean aijo'. Dosa' mongala jalan anu ma'ima' da mompotoka kapatean hi belengku, da sipat-sipat nu dosa' kantoaan mana-manasa. Montului palentah-palentah nu Tumpu, sahingga tinoanyo na ko ide' nyo nu dosa'.

ROMA 7:5

Kalana, u'utu mae kita tumuu' mombatuki sipat-sipat nu mian. Tempo'nyo aitu anu okamilui monsaduakon da baladosa', anu lubat mae kalana ko atulan nu agama na montoongi kuasa i uno nu butongto. Mokonyo aijo' kita mombau anu mongahenakon kapatean.

ROMA 7:8

Montului atulan nu agama, dosa' nohumpakmo jalan mompolubat ngangahan nu anu okamilui ka' okangoa'i i uno nu kinyonyoangku; kalana de madi' ko atulan nu agama, te dosa' madi' osumbu'.

1 KORINTUS 15:56

Bisa' nu kasilakan aijo'mo dosa', ka' dosa' mompojalan kuasanyo montului atulan nu agama.

EFESUS 5:3

Komiu te mian anu palesayamo hi Tumpu. Mokonyo aijo' han masala' ka' anu ma'idek ka' madi' mingkona, kabai mule' mangoa anu madi' pantas hi komiu. Boli sampe mian sangga'at ko pikilan montaloakon tukoonyo komiu mombau hahan anu sumo aijo'.

PO'ULE' INGULIT 5:21

Boli mongkamilui anu nu mian sangga'at, laigannyo, tano'nyo, bengkele'nyo, to posa-posaihonnyo, potuu'onnyo, keledainyo kabai maumo pa' apaa na anu daagi' hi ia.’

KOLOSE 3:5

Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

1 TESALONIKA 4:5

Boli tumuu' mombatuki kahanda' nu napisu hi bengkele'um, sumo anu nu bau nu to mia-mian anu madi' monsumbu' Tumpu.

IBRANI 7:19

Atulan nu agama Yahudi madi' moko ala mombau apa-apaa da timbali ma'ima'. Aijo' na sababnyo kita uuka aiya binee'anmo anu timbali otaha'imani anu lebe ma'ima'; tiba jalan aijo' kita moko alamo ohani hi Tumpu.

YOSUA 7:21

To bala-balang anu ihumpakto nahampate, sala'sa'angu' tinoangku jubah anu ma'ima' hondo, anu kina'ut nu aha Babilonia, ka' suele salaka ku gantang ohua' na kilogram ka' sangkolong na mosoni' mintonga' na kilogram ko labinyo sangkiding. Kinamiluankumo hondo na balang haha aijo', sahingga ingalangkumo ka' pinosulukumo i uno nu tano' kiijo' i kemah-ku; salaka kaiyong i aluknyo hondo-hondo.”