ROMA 7:5 - KITAB NU TUMPU ALLA LELE MA'IMAI'

⁵ Kalana, u'utu mae kita tumuu' mombatuki sipat-sipat nu mian. Tempo'nyo aitu anu okamilui monsaduakon da baladosa', anu lubat mae kalana ko atulan nu agama na montoongi kuasa i uno nu butongto. Mokonyo aijo' kita mombau anu mongahenakon kapatean.

ROMA 7:5 ပူးပေါင်းရင်းမြစ်များ

MATIUS 15:19

Kalana lengkat i uno nu kinyonyoa lubat na pikilan-pikilan anu ma'idek, anu monsabapi mian mompatei, masala' mombau anu moko mahenyu, montomang, mombee'i sakisi baleko', ka' mompitana'akon.

YOHANES 3:6

Butong nu mian susumo aiya anu kantoan, ohampeakon nu tu'a nyonyo, panyo palesaya hi Tumpu ohampeakon nu Roh nu Tumpu Allah.

ROMA 1:26

Kalana mian nombaumo anu sumo aijo', sahingga Tumpu Allah nompojohokmo aha mombatuki napisu nu aha anu moko ambang. To boboune nu aha madi'mo mongka'ima'i to momo'ane nu aha susumo ahi' biasanyo hi mian, panyo mongka'ima'imo bubuu' sangko boune.

ROMA 3:20

Kalana madi' ko samian pe'e na moko ala mompaha ima' tiba Tumpu, kalana mian aijo' mombau hahan anu daagi' i uno nu atulan nu agama. Ola ahi' atulan aijo' na mompotiju' hi mian taalu' mian aijo' baladosa'.

ROMA 4:15

Atulan nu agama Yahudi molubatakon hukuman nu Tumpu. Panyo de madi' ko atulan, tantu madi' ko anu olanggai.

ROMA 5:20

Anu nombee' atulan nu agama Yahudi aijo' posi Tumpu. Panyo lebe mian makeke montapali atulan aijo', lebe mule' aha molanggai ka' baladosa' hi Tumpu. Mau mule' mian lebe mombau dosa', Tumpu lebe mule' mongkalibosi aha.

ROMA 6:13

Boli mule' kita Utus mombee' bagi-bagian nu butongum i kuasa nu dosa' ka' opakemo i to kaha-kahanda' anu ma'idek. Panyo simpalakonmu na butongum hi Tumpu salaku mian anu ilalinmo lengkat i kasilakaan mokiijo' i kantumuu'an. Simpalakonmo na butongum iwi-iwi' hi Tumpu da opake mombau kahanda' nu Tumpu.

ROMA 6:19

Kalana mongalati'i, komiu ma'isa moko ala, aku nompake sonto-sonto' tobotuanan da lebe dengke na komiu mangalati'. U'utu mae komiu mombee' butong miu iwi-iwi' salaku botuan nu hahan anu mahenyu ka' anu ma'idek bau kapentingan nu han anu ma'idek. Sumo aitumo mule' tempo' uuka, tionyo komiu monsimpalaakon butong miu iwi-iwi' salaku posaihon mombau pongka'oho' nu Tumpu, apaa na anu nukahanda'i nu Tumpu da miu susi'.

ROMA 6:21

Tempo'nyo aitu ka'untungan apaa na anu tinalima miu i hahan uuka aiya oka'ambangakon miu na o bau? Bauon haha aijo' ola momboa i kapatean!

ROMA 6:23

Kalana kapatean aijo' tambo nu dosa'; panyo tumuu' kopian ka' toka sidu-sidutu' tiba i Kristus Yesus Tumpunto, aijo'mo tajuu anu i halala'akonmo nu Tumpu.

ROMA 7:23

panyo aku tinonginau' tukoongku i uno nu butongku daagi' suele ko atulan sangga'at anu montoongi kuasa – aijo'mo atulan anu madi' mo'imboa tiba atulan anu nutalima nu pikilanku. Mokonyo aijo' aku tinonsegot i atulan nu dosa' anu nontoongi kuasa i uno nu butongku.

1 KORINTUS 15:56

Bisa' nu kasilakan aijo'mo dosa', ka' dosa' mompojalan kuasanyo montului atulan nu agama.

2 KORINTUS 10:3

Kami memang daagi' tutuu' i uno nu dunia, panyo kami madi' mombau apa-apaa de ola kalana kapentingan nu dunia.

GALATIA 3:10

To mia-mian anu talalomo nontaha'imani atulan nu agama, iwi-iwi' tumuu' i uno nu kutuk. Kalana i uno nu Kitab nu Tumpu tinulismo, “Mian anu madi' tulu-tulutan mompojalan iwi-iwi' anu tinulismo i uno nu Kitab Atulan nu Agama, nu kutuki nu Tumpu!”

GALATIA 5:24

To mia-mian anu i Kristus Yesusmo na tumpunyo, mian haha aijo' nompateimo sipatnyo salaku manusia tiba iwi-iwi' na napisunyo ka' apaa na anu nu ka'ima'i.

EFESUS 2:11

To Utu-utus anu misa' mian nu Yahudi! Inau' na kantumuu'an miu tempo'nyo naipuan mae: Komiu sinanggohanmo “mian anu madi' o sunat”, nu mian Yahudi anu mangaku butongnyo sinunatmo (makisutnyo anu nohumpakmo tanda anu binau nu mian i butong nu aha).

EFESUS 2:3

Naipuan mae kita iwi-iwi' suele pokakanamo tiba aha; kita tumuu' nombatukimo tabiat nu mian ka' nombaumo apaa na anu moko sanang butong ka' pikilanto. Tempo'nyo aitu kita singkona to mia-mian anu tinambuha'anmo nu Tumpu. Pokakanamo sumo to mia-mian sangga'at.

KOLOSE 3:5

Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.

YAKOBUS 1:15

Ka' mule', de tanga'annyo anu ma'idek aijo' obatuki, atina'je ka' toka na dosa'; ka' de dosa' tahahumo ka'ahenannyo aijo'mo na kapatean.

YAKOBUS 4:1

Lengkat mae iya na pinolengkatan nu iwi-iwi na pahantuda'an ka' painggagan itina' hi komiu? Te misa' aijo' nolengkat mae i pongka'oho' miu anu saja' mahampate i uno nu butong miu da bau pohumpakan kasanangan nu dunia!

1 YOHANES 3:4

Mian anu mombau dosa' molanggai atulan nu Tumpu; kalana dosa' alati'nyo nolanggaimo atulan nu Tumpu.