ROMA 7:4 - KITAB NU TUMPU ALLA LELE MA'IMAI'

⁴ Sumo aitumo na bau-baunyo tiba komiu, to Utu-utusku. Kona i atulan nu agama Yahudi komiu i natemo, kalana komiu pinosa'angu'mo tiba butong i Kristus ka' Iamo na tumpunyo, anu sinilaka po'ule'mo pinotumuu'. Ia sinilaka po'ule' pinotumuu' da kita ko kaliangannyo hi Tumpu i kantumuu'anto.

ROMA 7:4 ပူးပေါင်းရင်းမြစ်များ

YESAYA 54:5

Anu nompotimbalimo beleyum sumomo ahi' langkai' nu beleyum, Tumpu Israel anu susi' aijo'mo na anu Momposalamat beleyum. Tumpu Anu Daka' na Kuasanyo, atina'mo na sanggo-Nyo, Iamo na Tumpu anu mongkuasai songko-songko na dunia.

YESAYA 62:5

Susumo samian na olitau nongosoaimo langkoyang anu ma'isa toho' no'osoa sumo aitumo na Anu Nompotimbali beleyum nongosoaimo beleyum. Susumo samian na boting mo'ane lame'mo na montoa bengkele'nyo, sumo aitumo na Tumpu sinanangmo hi beleyum.

MATIUS 26:26

Tempo'nyo aha nongkaan, i Yesus nongala roti lantas binalado'a mompoita talima kaseh hi Tumpu. Lapas aijo' nompuge-puge roti nu limanyo, lantas binee'nyo hi anu saja' mombatuki Ia ka' notatae, “Ala ka' kaanmo; aiyamo na butong-Ku.”

MARKUS 4:20

Ka' bine' anu nanabu' i tano' anu ma'omuk aijo', sumomo to mia-mian anu mohongo lele aijo' ka' tinalimanyo, aha mimbua' manjoo', daagi' ko anu tolum pulu', daagi' ko anu anom pulu', ka' daagi' ko anu pinsa'atu lipat na hasinnyo.”

YOHANES 15:8

De komiu mimbua' manjoo', Tuumang-Ku opopodaka'; ka' desumo aitu komiu totu-totu'u timbali anu saja' mombatuki Aku.

YOHANES 3:29

Boting boune tumpunyo boting mo'ane. Bela' nu boting mo'ane aijo' ola tuminjo monsangalui ka' mohongo, ka' ia sanang de mohongo potatae nu boting mo'ane. Sumo aitumo na aku. Uuka aku sanang hondo.

YOHANES 6:51

Akumo na roti nintatau' mae lengkat i suluga' – roti anu mombee'i kantumuu'an. Mian anu mongkaan roti aiya tumuu' sidu-sidutu'. Roti anu Kubee' da bau kantumuu'an nu mian i dunia aijo'mo butong-Ku.”

ROMA 6:11

Komiu tionyo suele mangaku butongum silaka kalana dosa', panyo tumuu' iuno nu pompahasumbu'an anu madodo tiba Tumpu aijo' ohumpak hi Kristus Yesus.

ROMA 6:14

Dosa' madi'mo timbali mongkuasai komiu, kalana komiu madi'mo tumuu' i 'aluk nu atulan nu agama Yahudi, panyo i balakatmo nu Tumpu.

ROMA 6:2

Tantu madi'! Dosa' madi'mo mongkuasai kita, jadi, te toho' kita saja'mo tumuu' mombau dosa'?

ROMA 6:22

Panyo uuka aiya komiu pinobebasmo i dosa', ka' tinimbalimo posaihon nu Tumpu. Ka'untunganum aijo'mo kita Utus tumuu' matungka' bagi nu Tumpu ka' han aijo' mohasinakon tumuu' kopian ka' toka sidu-sidutu'.

ROMA 7:3

De boune aijo' tumuu' tiba mo'ane sangga'at padahan langkai'nyo daagi' tutuu', tantu boune aijo' osanggohi masala'. Panyo de mo'anenyo matemo tantu koonyo nu atulan, boune aijo' binebasmo. Ka' de ia po'ule'mo mo'osoa tiba mo'ane sangga'at, tantu ia misa' masala'.

ROMA 7:6

Panyo uuka aiya kita madi'mo sego-segot i atulan nu agama Yahudi. Kita natemo i atulan anu u'utu mae mongkusai kita. Kita madi'mo monsombah susumo jalan u'utu mae mombatuki atulan anu tuli-tulis. Uuka aiya kita monsombahmo mombatuki jalan bu'ou anu pinotiju' nu Roh nu Tumpu hi kita.

ROMA 8:2

Kalana atulan nu Roh nu Tumpu na mombau kita tumuu' mosa'angu' tiba i Kristus Yesus nompobebasmo aku lengkat i atulan anu monsaduakon dosa' ka' kapatean.

1 KORINTUS 10:16

Tempo'nyo kita monginum anggur, kita montalima kaseh hi Tumpu, te misa' aijo' mompotiju' saba' kita nosa'angu'mo tiba i Kristus i uno nu han Ia sinilaka? Ka' tempo'nyo kita mombagi-bagiakon roti da okaan hingga-hinggat, te misa' aijo' mompotiju' saba' kita nosa'angu'mo tiba butong i Kristus?

2 KORINTUS 11:2

Aku molibos hi beleyum, sumo Tumpu suele molibos hi beleyum. Komiu sumo samian na anak langkoyang anu ma'isa toho' no'osoa, anu daagi' susi' anu jinanji'kumo da oponika'mo tiba samian na mo'ane, aijo'mo i Kristus.

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”

GALATIA 5:18

Panyo de Roh nu Tumpu na mompotiju' komiu, saba' komiu madi'mo nukuasai nu atulan nu agama.

EFESUS 2:15

Atulan nu agama Yahudi tiba to pale-palentah, ka' anu nu atun nu atulan i hapusmo i Kristus da ohua' na bansa aijo' timbalimo sa'angu' na bansa mian bu'ou, anu nosa'angu'mo tiba Ia. Jalan aijo' na binau i Kristus bau pompodame.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

FILIPI 4:17

Aijo' misa' alati'nyo aku ola mongindi da mohumpak anu obee'. Anu kuku indi aijo'mo da kutoa na hasinnyo anu montuangi ka'untungan miu.

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

KOLOSE 1:22

Panyo uuka aiya Anak-Nyo sinilakamo kalana Tumpu nombaumo da pompahasumbu'an miu tiba Ia timbali mompo'ule' ma'ima'. Tiba jalan aijo' komiu timbali oboa mangadap hi Tumpu i uno nu han anu susi', ma'ima' ka' madi' ko ide'nyo.

KOLOSE 1:6

Lele lengkat mae hi Tumpu aijo' tinogilelemo i songko-songko na dunia, ka' kantumuu'an nu mian lajangmo binalakatan nu lele aijo', pokakana sumo kantumuu'an miu binalakatanmo salatan pe'e tempo'nyo komiu nohongomo balakat nu Tumpu, ka' totu-totu'u ingoa'anmo.

KOLOSE 2:14

ka' nohapusmo sulat nu samaya' hi kita, anu nompopobuhukmo kita nu atu-atulan anu maboat. Tiba jalan nomposalibmo sulat aijo' i kau' salib, Tumpu nohapusmo iwi-iwi' na kasala'an anu pinokonamo hi kita.

KOLOSE 2:20

Komiu sinilakamo hingga-hinggat tiba i Kristus, ka' pinobebasmo i to roh-roh anu mongkuasai dunia aiya. Jadi kadaka' komiu tumuu' sumo mian anu daagi' nukuasai nu dunia aiya? Kadaka' komiu tulu-tulutanmo i atulan anu susumo ha aiya,

IBRANI 10:10

I Yesus Kristus nombaumo apaa na anu nukahanda'i nu Tumpu Allah ka' butong-Nyo sinombahkonnyomo, salaku koloban. Kalana Ia nonsombahkonmo sumo aijo', ka' Ia nombaumo sumo aijo' ola ninsan sampe toka sidu-sidutu'; kita iwi-iwi' pinobelesi'mo i dosa'.

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.

ANU PINOTO'I HI YOHANES 19:7

Imbo' da kita balame-lame' ka' bilahi; imbo'mo da kita mompuji' katalasanggoan-Nyo! Kalana tinokamo i sinaa ponika'an anu montoongi sanggo Anak nu Domba aijo', ka' boting-Nyo sinadiamo da oponika'mo.

ANU PINOTO'I HI YOHANES 21:9

Sala'samian anu aijo' hi aha popitu' na malaikat anu nontoongimo tampat haha aijo' nu anggur anu nobuke'mo nu popitu' na balaa' anu imihinyo aijo', tinokamo hi belengku ka' notatae, “Imbo'! Ku potiju'je hi beleyum na Boting, aijo'mo bengkele' nu Anak nu Domba.”