ROMA 7:24 - KITAB NU TUMPU ALLA LELE MA'IMAI'

^24-26 Jadi, sumo aiyamo na balu-balunyo nu aku. Aku mohongo-hongo atulan nu Tumpu mombatuki pikilanku, panyo kalana sipat nu mian daagi' i butongku, aku tinundu'mo i dosa'. Paya' na butongku aiya binalaamo! Ihena mongka'oho' momposalamat aku, i butong aiya anu momboa aku i kapatean? Talima kaseh hi Tumpu Allah! Ia na mongka'oho' momposalamat aku hi Yesus Kristus.

ROMA 7:24 ပူးပေါင်းရင်းမြစ်များ

1 TOMU-TOMUNDO' 8:38

otaha'imani da Belento mompotombihingakon mae do'a nu aha. De ko mian nu Israel anu pinalesayamo hi Belento daagi' ko anu talalomo susa' na kinyonyoa balado'a hi Belento ka' ia monsimpalaakon limanyo mompatui laigan ponsomban aiya,

MAZMUR 102:20

Tumpu aita' mae i tampatnyo anu matangkas montoa mae mo uuka, aita' mae i suluga', nu toa mae nu Tumpu na dunia

MAZMUR 119:131

Kinyonyoangku nangada'mo, kalana saja' mongindi palentah nu Belento.

MAZMUR 119:143

Aku tinokanmo nu kasansala'an ka' kasusa'an, panyo atulan nu Belento na mompolame' kinyonyoangku.

MAZMUR 119:176

Aku tinalasmo ijalan sumomo domba anu nolapusmo, jadi tokamo mae ka' liomo na posaihon nu Belento aiya, kalana aku madi' mongkolilimi iwi-iwi' na palentah nu Belento.

MAZMUR 119:20

Madi'mo sinanang na kinyonyoangku kalana nolibosmo aku kahanda' monsumbu' atulan nu Belento sansina-sinaa.

MAZMUR 38:2

Tumpu boli mae mohukum aku kalana Belento notambuha'mo, boli monsakisa mae aku kalana Belento pinusamo.

MAZMUR 6:6

Kalana de silakamo madi'mo o'inau' na Belento; madi' ko anu mompuji' Belento i dunia nu mian anu sinilakamo.

MAZMUR 71:11

Koonyo nu aha, “Ia pinala'ianmo nu Tumpu; imbo' da otuloi'to ka' ohakop to na ia, kalana madi'mo ko anu momposalamat ia.”

MAZMUR 72:12

Kalana ia nompobebasmo anu lewa' osakisa anu madi'mo, moko ala mombau apa-apaa, ka' mian anu kinasiasimo anu nomoitamo tulung hi ia.

MAZMUR 88:5

Aku sumomo mian anu mintatau'mo mokaiyong i bolo' nu kubun, mian anu ningkotmo na kahosonan.

YEHEZKIEL 9:4

“Lako' songkohi na kota' aiya ka' obee'i tanda isiakan nu aha toto samian na anu nongoa'imo kasusa'an kalana palabuatan anu okahegati bibinaumo nu aha ikota' aijo'.”

MIKHA 7:19

Belento mongkanonongi mule' kami ka' mongampuni kami. Iwi-iwi' na dosa' mami Nu peja-peja'mo ka' mule' Nu bahetakonmo mokaiyong ilana nu ambai! Kona hi aha mian nu Belento anu palesayamo, lee' mae i Abraham ka' mule' i Yakub! Nu potoamo na ka' ima'an tiba mule' kanonongan nu belento anu madi' ko batasnyo aijo' susumo anu jinanji'mo nu belento hi mompolee' mami daagi' pe'e naipuan mae. 15

MATIUS 5:4

Bila-bilahi na mian anu mongoa'i susa' na kinyonyoanyo; Tumpu mongindeko'je aha!

MATIUS 5:6

Bila-bilahi na mian anu molibos na mombau pongka'oho' nu Tumpu; Tumpu mompopuasje aha!

LUKAS 4:18

“Roh nu Tumpu daagi' hi beleng-Ku, kalana Ia nohangkatmo Aku da mompolele Lele Ma'ima' hi mian kasiasi. Ia nompokau Aku da mompoto'iakon opobebasmo na mian anu i hakop ka' kapa'alinan nu mian mapisok; da bau pompobebas mian anu o sansala

ROMA 6:6

Osumbu'to na kalakuanto anu piniinmo salaku mian sinilakanmo hingga-hinggat tiba i Kristus i kau' salib da kuasa nu kalakuanto anu baladosa' aijo' madi'mo ko kaliangan-Nyo; tiba jalan aijo' kita madi'mo daagi' nubotuani nu dosa'.

ROMA 8:13

Kalana de komiu tumuu' mombatuki sipat nu mian, saba' komiu ola mate; panyo de kuasa nu Roh nu Tumpu, komiu saja' mompatei apa-apaa na anu obau, anu moko baladosa', atina'je yo komiu tumuu'.

ROMA 8:2

Kalana atulan nu Roh nu Tumpu na mombau kita tumuu' mosa'angu' tiba i Kristus Yesus nompobebasmo aku lengkat i atulan anu monsaduakon dosa' ka' kapatean.

ROMA 8:23

Ka' misa' ola songko-songko na dunia na motusa'; kita suele motusa' i uno nu kinyonyoanto. Kita nohumpakmo Roh nu Tumpu Allah, panyo kita daagi' po'ule' montanda'i Tumpu mompobebas butongto iwi-iwi' ka' mompotimbali kita to ana-anak-Nyo.

ROMA 8:26

Sumo aitumo na Roh nu Tumpu toka montulungi kita de kita madi' mahoson. Kalana madi' osumbu'to mosia na tionyo kita balado'a; posi Roh aijo' na mangadap hi Tumpu mompoita kon apa-apaa na anu opalaluinto, kalana kapalaluan anu talalomo manjoo', sahingga madi'mo opoko taloakon.

KOLOSE 2:11

Kalana nosa'angu'mo tiba i Kristus komiu sinunatmo, misa' sumo sunat anu binau nu mian, panyo sunat anu binau i Kristus, anu nompobebasmo komiu i kuasa nu tabiat anu baladosa'.

2 TIMOTIUS 4:18

Memang Tumpu na montulungi mae aku i iwi-iwi na usaha anu ma'idek da madi' mae mongkona aku. Ia momboaje aku i uno nu ka'ada'an salamat hi Kalaja'an-Nyo i Suluga'. Tionyo Ia saja' opopodaka' sampe toka sidu-sidutu'! Amin.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 2:15

Tiba jalan anu sumo aijo' Ia nompobebasmo to mia-mian anu i uno nu kantumuu'annyo saja' obotuani kalana mabuhuk dumo mate.

ANU PINOTO'I HI YOHANES 21:4

Ia na monsapuimo iwi-iwi' na lolu' i mata nu aha. Madi'mo daagi' ko anu silaka; kasusa'an, mohaangi, kabai kasakitan suele madi'mo daagi'. Hahan anu pininmo madi'mo daagi'.”