ROMA 7:23 - KITAB NU TUMPU ALLA LELE MA'IMAI'

²³ panyo aku tinonginau' tukoongku i uno nu butongku daagi' suele ko atulan sangga'at anu montoongi kuasa – aijo'mo atulan anu madi' mo'imboa tiba atulan anu nutalima nu pikilanku. Mokonyo aijo' aku tinonsegot i atulan nu dosa' anu nontoongi kuasa i uno nu butongku.

ROMA 7:23 ပူးပေါင်းရင်းမြစ်များ

MAZMUR 142:7

Palahatikan mae na anu ku kakase kalana aku sinansalamo hondo. Posalamatakon mae na aku da madi' nupoposia nu to mia-mian anu monsampobali' mae aku, kalana aha na talalo mahoson mohungku'i aku.

ANU MOMPOLELE POTATAE NU TUMPU 7:20

I dunia aiya madi' ko mian anu talakana'; madi' koa anu saja' mombau anu ma'ima' ka' madi' toho' binaladosa'.

ROMA 6:13

Boli mule' kita Utus mombee' bagi-bagian nu butongum i kuasa nu dosa' ka' opakemo i to kaha-kahanda' anu ma'idek. Panyo simpalakonmu na butongum hi Tumpu salaku mian anu ilalinmo lengkat i kasilakaan mokiijo' i kantumuu'an. Simpalakonmo na butongum iwi-iwi' hi Tumpu da opake mombau kahanda' nu Tumpu.

ROMA 6:19

Kalana mongalati'i, komiu ma'isa moko ala, aku nompake sonto-sonto' tobotuanan da lebe dengke na komiu mangalati'. U'utu mae komiu mombee' butong miu iwi-iwi' salaku botuan nu hahan anu mahenyu ka' anu ma'idek bau kapentingan nu han anu ma'idek. Sumo aitumo mule' tempo' uuka, tionyo komiu monsimpalaakon butong miu iwi-iwi' salaku posaihon mombau pongka'oho' nu Tumpu, apaa na anu nukahanda'i nu Tumpu da miu susi'.

ROMA 7:14

Osumbu'to atulan nu agama Yahudi nolengkat mae i Roh nu Tumpu, panyo aku aiya mian ponga'! Aku pinobalukmo da timbali botuan nu dosa'.

ROMA 7:21

Sahingga aku nongala sa'angu' na kaputusan taalu' atulan aiya na montoongi kuasa; de aku mongka'oho' mombau anu ma'ima' ola mule' anu ma'idek na tonginau' hi belengku.

ROMA 7:5

Kalana, u'utu mae kita tumuu' mombatuki sipat-sipat nu mian. Tempo'nyo aitu anu okamilui monsaduakon da baladosa', anu lubat mae kalana ko atulan nu agama na montoongi kuasa i uno nu butongto. Mokonyo aijo' kita mombau anu mongahenakon kapatean.

ROMA 8:2

Kalana atulan nu Roh nu Tumpu na mombau kita tumuu' mosa'angu' tiba i Kristus Yesus nompobebasmo aku lengkat i atulan anu monsaduakon dosa' ka' kapatean.

GALATIA 5:17

Kalana pongka'oho' nu manusia mompahasala' tiba pongka'oho' nu Roh nu Tumpu, ka' pongka'oho' nu Roh nu Tumpu mompahasala' tiba pongka'oho' nu manusia. Ohu-ohua' aijo' madi' mompaha kona, sahingga komiu madi' moko ala mombau apaa na anu okahanda'i miu.

IBRANI 12:4

Kalana i uno nu usaha nu beleyum mongewa dosa', komiu ma'isa toho' kino iman sumo aijo' sampe baso' tionyo jinujuhakonmo.

YAKOBUS 3:2

Kita iwi-iwi' toto minsan mombau kasala'an. Panyo mian anu madi' toho' mombau kasala'an de ia motatae, ia mian anu ma'ima', anu moko ala mongkuasai iwi-iwi na butongnyo.

YAKOBUS 4:1

Lengkat mae iya na pinolengkatan nu iwi-iwi na pahantuda'an ka' painggagan itina' hi komiu? Te misa' aijo' nolengkat mae i pongka'oho' miu anu saja' mahampate i uno nu butong miu da bau pohumpakan kasanangan nu dunia!

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.