ROMA 7:22 - KITAB NU TUMPU ALLA LELE MA'IMAI'

²² Kinyonyoangku mongka'ima'ai atulan nu Tumpu,

ROMA 7:22 ပူးပေါင်းရင်းမြစ်များ

AYUB 23:12

iwi-iwi' na palentah nu Tumpu Allah saja'mo ku tuluti, pongka'oho'Nyo, ku batukimo, ka'misa'mo anu ku ka'ima'i na ku bau.

MAZMUR 1:2

panyo anu mongka'ima'i mombau Palentah nu Tumpu ka' lewa' mompotutugakon maumo sinaa kabai maumo pihi.

MAZMUR 119:111

Palentah nu Belento baumo pusaka'ku sampe toka sidu-sidutu', anu nompolame'mo kinyonyoangku.

MAZMUR 119:113

Aku mongka'ima'i iwi-iwi' atulan nu Belento, ku ka'ideki na mian anu madi' totu-totu'u tulu-tulutan hi Belento.

MAZMUR 119:127

Palentah iwi-iwi' nu Belento lebe ku ka'ima'i molingkudui mosoni', molingkudui mosoni' anu madi' ko galo'nyo.

MAZMUR 119:16

Atulan nu Belento nomposanangmo aku; pangajalan nu Belento madi'mo ku kolilimi.

MAZMUR 119:167

Aku montulutimo atulan iwi-iwi' nu Belento, ka' ku ka'ima'i totu-totu'u nu kinyonyoangku.

MAZMUR 119:174

Kinyonyoangku mongindimo kasalamatan lengkat mae hi Belento, atulan nu Belento nompolame'mo kinyonyoangku.

MAZMUR 119:24

Atulan nu Belento iwi-iwi' baumo pompokinde'i aku anu momposanang kinyonyoangku.

MAZMUR 119:35

O' amalakon da aku mintoong hondo-hondo hi palentah nu Belento, kalana aijo' na anu ku ka'ima'i.

MAZMUR 119:72

De hi belengku atulan nu Belento lebe ko angga'nyo molingkudui mosoni' ka' salaka i dunia aiya.

MAZMUR 119:92

De bisuannyo atulan nu Belento misa' pinolengkatan mae nu kalame'anku, memang aku sinilakamo i uno nu kasansala'anku.

MAZMUR 40:8

Lantas aku notataemo, “Aiyamo na aku, i uno nu lulunan nu kitab, tinulismo na aku.

NYANYIAN ANU TALASANGGO 5:3

Baju'ku ingukatakonkumo; pa' daagi' ahi' po ule' ku pusok? Tengkengku binaso'ankumo pa' daagi ahi' po ule' ku pohumimi'?

YESAYA 51:7

Potombihing mae na Aku, o, bansang-Ku, sinumbu'mo nu belemiu apaa na anu memang ahi' totu'u; pangajalan-Ku tinonguna'mo i uno nu kinyonyoa nu beleyum. Boli mabuhuk de belemiu nu kokojoi nu manusia boli bata-bata de belemiu nu alu nu aha.

IMAMAT 13:39

imam tionyo ahi' mompalesa mian aijo'. De nana'nyo aijo' otoa moho-moho'mo pute' ia ola i lelean nu kumahut, ka' opoto'i ia belesi'.

YOHANES 4:34

Lantas i Yesus notatae, “Anu Ku kaan aijo'mo mombatuki pongka'oho'-Nyo anu nonsai mae Aku, ka' mompotimbali kalaja anu binee'-Nyo hi beleng-Ku.

ROMA 2:29

Panyo sabenannyo ahi', samian anu totu-totu'u Yahudi aijo'mo mian anu mingkinyonyoa Yahudi, ka' anu totu-totu'u sinunat, aijo'mo sunat i uno nu kinyonyoa anu binau nu Roh nu Tumpu, misa' anu tinulis i uno nu kitab. Mian anu sumo aijo' mohumpak pompuji' lengkat hi Tumpu, misa' lengkat hi mian.

ROMA 8:7

Mian anu pikilannyo kinuasanmo nu sipat nu mian, mian aijo' mompaha bali'mo tiba Tumpu; kalana mian aijo' madi' mohongo-hongo atulan nu Tumpu; ka' memang ia madi' moko ala mohongo-hongo atulan nu Tumpu.

2 KORINTUS 4:16

Mokonyo aijo' kami madi' ma'osa. Mau mule' kantumuu'an i dunia aiya, kami ko ide-ideknyomo, panyo kinyonyoa mami toka sansina-sinaa saja' opotimbali bu'ou.

EFESUS 3:16

Aku balado'a bisa-bisa' Tumpu anu opopodaka' sanang na mompohoson kinyonyoa miu nu Roh-Nyo.

KOLOSE 3:9

Boli mompaha aka-akali samian ka' samian, kalana kantumuu'an anu nanau'mo tiba sipatnyo iwi-iwi' ilapasakonmo miu.

IBRANI 8:10

Panyo uuka aiya, aiyamo na palajanjian anu Ku baumo tiba mian nu Israel, i sina-sinaa anu tokaje mae, koonyo nu Tumpu: Aku monguna'mo atulan-Ku i uno nu pikilan nu aha, ka' montulismo i kinyonyoa nu aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

1 PETRUS 3:4

Panyo belemiu handa tionyo ahi' molengkat mae i uno nu kinyonyoa, kalakuan anu tobos ka' madi' solaa' hengge'; aijo' ahi' na handa anu sampe toka sidu-sidutu' ka' anu talalo ko angga'nyo i pontoan nu Tumpu.