ROMA 7:10 - KITAB NU TUMPU ALLA LELE MA'IMAI'

¹⁰ ka' aku mule' i natemo. Sahingga atulan nu agama aijo' anu momoonanyo kinahanda'an da mombee'i kantumuu'an, yo aitu ola ahi' mompotoka kapatean hi belengku.

ROMA 7:10 ပူးပေါင်းရင်းမြစ်များ

YEHEZKIEL 20:11

Ikiijo' mae Ku bee'mo na palentah-ngKu hi aha ka' Ku ajanakonmo na atulan-Ku anu tionyo ahi' nu tuluti nu aha kalana mian anu montuluti aijo' na tataap ahi' tumuu'.

YEHEZKIEL 20:13

Panyo ipadang tampat anu kaho bone'nyo aijo' suele ahi' aha madi' mohongo-hongo mae Aku. Aha nolanggaimo iwi-iwi na palentah-Ku ka' madi'mo daagi' nontalima atulan-Ku, anu nompatikolomo tukoonyo mian anu montuluti aijo' tataap tumuu'. Aha talalomo nohumimi'i sinaa nu Sabat. Kalana aijo' ipadang tampat anu kaho bone'nyo Aku sabenannyo mompotudunmo ahi' tambuha'-Ku hi aha ka' monsilakaimo aha.

YEHEZKIEL 20:21

Panyo aha salapisan mae to oli-olitau tiba to lalangkoyang haha aijo' suele ahi' madi' montapali mae Aku. Aha nolanggaimo ahi atulan-Ku ka' mule' madi'mo nontuluti iwi-iwi na palentah-ngKu anu nompatikolomo tukoonyo mian anu montuluti aijo' tataap tumuu'. Aha nohumimi'imo sinaa nu Sabat. Kalana aijo' Aku sabenannyo mompotudunmo ahi' tambuha'-Ku hi aha ipadang tampat anu kaho bone'nyo aijo' ka' mompateimo aha iwi-iwi'.

IMAMAT 18:5

Tuluti na atulanKu haha aiya ka' palentang-Ku haha aiya anu Ku bee'mo hi belemiu. De obau nu belemiu na aijo', kantumuu'an nu belemiu salamat. Akumo na Tumpu.”

ROMA 10:5

I Musa nontulis tukoonyo mian anu mompo'ule' ma'ima' tiba Tumpu kalana mintoong i atulan nu agama, mian aijo' tumuu' kalana mohongo-hongo atulan nu agama aijo'.

ROMA 4:15

Atulan nu agama Yahudi molubatakon hukuman nu Tumpu. Panyo de madi' ko atulan, tantu madi' ko anu olanggai.

ROMA 7:9

Aku u'utu mae tinumuu' misa' pilenje kino atulanmo nu agama. Panyo salatan atulan nu agama tinokamo, dosa' nontampu'unimo kinantoaan,

2 KORINTUS 3:7

Tempo'nyo janji' anu momboa kapatean aijo' binau ka' binotik i batu, jingka nu Tumpu lonyingkaban na nonjingkai ohup i Musa. Jingka-Nyo aijo' lonsinoan hondo, sahingga bansa Israel madi' noko ala nontoa ohup i Musa, mau mule' jingka i ohupnyo aijo' montampu'unimo mopoho' tempo'nyo aitu. Yo, de mojanji' anu ola momboa kapatean aijo' pinododo ka' taha-tahahumo na lonyingkaban,

GALATIA 3:12

Panyo atulan nu agama madi' mimpu'u i kapalesaya'an anu totu-totu'u. I uno nu Kitab nu Tumpu tinulismo tukoonyo mian anu mompojalan atulan nu agama, timbali tumuu' kalana atulan aijo'.