ROMA 6:5 - KITAB NU TUMPU ALLA LELE MA'IMAI'

⁵ De kita tinimbalimo sa'a-sa'angu' tiba i Kristus kalana kita sinilakamo hingga-hinggat tiba Ia, kita mosa'angu'mo tiba Ia mule', kalana kita po'ule'mo opotumuu' suele susumo Ia.

ROMA 6:5 ပူးပေါင်းရင်းမြစ်များ

MAZMUR 92:13

Mian anu hodi' na kinyonyoanyo nilondekmo susumo kurma, ka' nolumba'mo na tinumuu' susumo kau' lontio' nu Libanon.

YESAYA 5:2

Nu pansun na tano'nyo ka' nu paha alini na batunyo. Sinu'annyomo na anggur anu pinile'annyomo ka' binaunyomo na laigan tangka-tangkas bau ponjagaian. Kinekenyomo sa'angu' na bolo' da pombauan tampat pompao'an nyo anggur, lantas nu tanda'imo na bua'nyo maha, panyo bua'nyo anu ola anggur anu malosing.

YEREMIA 2:21

Beleyum sinu'an-Kumo susumo kau' anggur anu pinile'an-Kumo ingala ibibitnyo anu ma'ima'. Panyo uuka aiya beleyum nongabali'mo tinimbalimo sosu'anon nu kuhat ka' madi'mo kinokaliangannyo.

MATIUS 15:13

I Yesus nontaami, “Batu-batu pomulaon anu madi' sinu'an nu Tuumang-Ku i suluga' o bubutakon.

YOHANES 12:24

Totu'u hondo na potataeng-Ku aiya: De sambatu na gandum madi' o tugan i uno nu tano' ka' mate, ia tataap samba-sambatunyo. Panyo de batu nu gandum aijo' mate, atina'je ka' mohasinakon manjoo' na gandum.

2 KORINTUS 4:10

Saja' o'oa'i i butong mami na i Yesus sinilaka, da kantumuu'an-Nyo suele saja' otoa i butong mami.

KOLOSE 2:12

Kalana salatan komiu pinalamandikanmo, komiu i lamunmo hingga-hinggat tiba i Kristus; ka' tiba palamandian aijo' mule', komiu po'ule'mo pinotumuu' suele hingga-hinggat tiba i Kristus, kalana komiu pinalesayamo i kuasa nu Tumpu anu nompo'ule'mo nompotumuu' i Kristus sinilaka.

KOLOSE 3:1

Komiu po'ule'mo pinotumuu' hingga-hinggat tiba i Kristus. Mokonyo aijo' tionyo ahi' komiu bala usaha da mohumpak hahan anu i suluga', anu kiita' mae na i Kristus mompalentah hingga-hinggat tiba Tumpu.