ROMA 6:4 - KITAB NU TUMPU ALLA LELE MA'IMAI'

⁴ Tiba palamandian aijo' kita ilamunmo tiba i Kristus ka' sinilakamo hingga-hinggat tiba Ia, da sumo i Kristus sinilaka po'ule' pinotumuu' kuasa nu Tuuma anu daka', sumo aitumo mule' na kita timbali monjalani sa'angu' na kantumuu'an anu bu'ou.

ROMA 6:4 ပူးပေါင်းရင်းမြစ်များ

YOHANES 11:40

I Yesus notatae hi Marta, “Te misa' tinaloakon-Kumo hi beleyum: De beleyum palesaya, nu toaje palias na kodaka'nyo na kuasa nu Tumpu!”

YOHANES 2:11

Aijo'mo na anu okabangangi momonanyo binau i Yesus. Binaunyo na aijo' i Kana i tano' nu Galilea. Tiba tanda aijo' Ia nompotoamo katalasanggoan-Nyo. Sahingga anu saja' mombatuki Ia, pinalesayamo hi Ia.

SISIKON NU TO RASUL-RASUL 2:24

Panyo Tumpu po'ule' nompotumuu' Ia lengkat i totonga' nu to mia-mian mate. Ia kinona nu kapatean, panyo Tumpu na nolapasakon Ia, kalana madi' timbali Ia saja'mo nu kuasai nu kapatean.

SISIKON NU TO RASUL-RASUL 2:32

I Yesusmo aiya na po'ule' pinotumuu' nu Tumpu lengkat i kapatean. Kami iwi-iwi' nosi sakisimo han aijo'.

ROMA 6:19

Kalana mongalati'i, komiu ma'isa moko ala, aku nompake sonto-sonto' tobotuanan da lebe dengke na komiu mangalati'. U'utu mae komiu mombee' butong miu iwi-iwi' salaku botuan nu hahan anu mahenyu ka' anu ma'idek bau kapentingan nu han anu ma'idek. Sumo aitumo mule' tempo' uuka, tionyo komiu monsimpalaakon butong miu iwi-iwi' salaku posaihon mombau pongka'oho' nu Tumpu, apaa na anu nukahanda'i nu Tumpu da miu susi'.

ROMA 6:3

Osumbu' nu to Utu-utus na tempo'nyo kita pinalamandikan, kita pinosa'angu'mo tiba Kristus Yesus? Aijo' alati'nyo kita pinosa'angu'mo tiba kasilakan-Nyo.

ROMA 6:8

De kita matemo hingga-hinggat tiba i Kristus opalesayantomo taalu' kita suele ahi' tumuu'mo hingga-hinggat tiba Ia.

ROMA 6:9

Kalana osumbu'tomo i Kristus sinilaka po'ule'mo pinotumuu' ka' Ia madi'mo po'ule' silaka; kasilakaan madi'mo daagi' mongkuasai butong-Nyo.

ROMA 7:6

Panyo uuka aiya kita madi'mo sego-segot i atulan nu agama Yahudi. Kita natemo i atulan anu u'utu mae mongkusai kita. Kita madi'mo monsombah susumo jalan u'utu mae mombatuki atulan anu tuli-tulis. Uuka aiya kita monsombahmo mombatuki jalan bu'ou anu pinotiju' nu Roh nu Tumpu hi kita.

ROMA 8:11

De i Kristus sinilaka, pino tumuu' nu Roh nu Tumpu, tumuu' i uno nu butongum, saba' Ia anu nompotumuu' i Kristus tempo'nyo Ia sinilaka aijo' sueleje mompotumuu' butongum anu timbali silaka aijo'. Ia mombau aijo' nu Roh-Nyo anu tumuu' i uno nu butongum.

1 KORINTUS 6:14

Tumpu Yesus sinilaka po'ule' pinotumuu' nu Tumpu, sumo aitu mule' na Tumpu mompotumuu' kita nu kuasa-Nyo.

2 KORINTUS 13:4

Memang tempo'nyo Ia sinalib, Ia madi'mo noko ala nombau apa-apaa, panyo uuka aiya Ia tinumuu'mo kalana kuasa nu Tumpu Allah. Kami suele madi' moko ala mombau apa-apaa i uno nu kantumuu'an mami mosa'angu' tiba i Kristus. Panyo de mongahopi komiu, kami suele mahosonmo hingga-hinggat tiba i Kristus kalana kuasa nu Tumpu.

2 KORINTUS 5:17

Mian anu nosa'angu'mo tiba i Kristus tinimbalimo mian bu'ou totu-totu'u. Anu pini-pininmo imadi'anmo – iwi-iwi' tinimbalimo bu'ou.

EFESUS 4:17

Mokonyo aijo' tiba sanggo nu Tumpu, aiyamo na anu ka'oho' kutaloakon ka' kupokeman: bolimo daagi' tumuu' sumo to mia-mian anu madi' monsumbu' Tumpu, ka' mompopikilakon anu madi' mingkaliangan.

EFESUS 5:8

Komiu pe'e naipuan mae daagi' i uno nu pintung. Uuka komiu tinimbalimo mian anu palesayamo hi Tumpu, jadi komiu i unomo nu jingka. Mokonyo aijo' komiu tumuu'mo ahi' i uno nu jingka.

KOLOSE 3:10

Komiu uuka aiya binee'anmo kantumuu'an anu bu'ou. Komiu mian anu binu'oumo anu hau-haunyo saja' opotimbali bu'ou nu anu Nompotimbali, aijo'mo Tumpu, montiho tuladan nu butongnyo. Kahanda'nyo aijo'mo da komiu monsumbu' Tumpu anu sahondo-hondonyo.

KOLOSE 4:1

To Utu-utus anu tinimbali tuan! O palentah ahi' adi-adin ka' obau hodi-hodi' na kinyonyoa hi to posa-posaihon miu. Soba tutugi kalana komiu suele daagi' ko samian na tuan i suluga'.

1 PETRUS 3:21

Jadi, anu tinimbali aijo' susumo ibalatnyo palamandian anu tempo' uuka aiya momposalamat belemiu. Palamandian aijo' misa' sa'angu' na jalan mompolomas butong songko-songko anu kudulon, panyo salaku janji' miu hi Tumpu lengkat i kinyonyoa anu ma'ima'. Palamandian aijo' momposalamat belemiu kalana i Yesus Kristus sinilaka po'ule'mo pinotumuu',

1 YOHANES 2:6

De ihe na motatae tukoonyo ia tumuu' nosa'angu'mo tiba Tumpu, ia tionyo ahi' tumuu' mombatuki lawo i Kristus.