ROMA 6:3 - KITAB NU TUMPU ALLA LELE MA'IMAI'

³ Osumbu' nu to Utu-utus na tempo'nyo kita pinalamandikan, kita pinosa'angu'mo tiba Kristus Yesus? Aijo' alati'nyo kita pinosa'angu'mo tiba kasilakan-Nyo.

ROMA 6:3 ပူးပေါင်းရင်းမြစ်များ

MATIUS 28:19

Kalana aijo' lako'mo hi iwi-iwi' na bansa ka' songko-songko na dunia potimbali na aha anu saja' mombatuki Aku. Opalamandikan na aha ka' o sanggo na sanggo nu Tuuma, ka' Anak, ka' Roh nu Tumpu Allah.

SISIKON NU TO RASUL-RASUL 19:5

Salatan aha nohongomo aijo', aha pinalamandikan hi sanggo nu Tumpu Yesus.

SISIKON NU TO RASUL-RASUL 2:38

Tinaaman i Petrus, “Balatobatmo, bolimo mombau dosa-dosa' miu. Ka' tionyo komiu toto samian opalamandikan nu sanggo i Yesus Kristus, da dosa-dosa'um o ampuni. Sahingga to Utu-utus montalimaje tambo nu Roh nu Tumpu lengkat hi Tumpu.

SISIKON NU TO RASUL-RASUL 8:16

kalana Roh nu Tumpu ma'isa tinoka nongkuasai mau pe'e samian anu aijo' hi aha; aha olaje pinalamandikan nu sanggo i Tumpu Yesus.

ROMA 6:16

Osumbu'mo miu, de komiu mombee' butong miu pa' hi he da mombau pongka'oho'nyo, saba' komiu botuanmo nu mian anu ohongo-hongo miu aijo' – ugaat botuan nu dosa' anu momboa komiu i kapatean, kabai posaihon anu mohongo-hongo Tumpu, ka' tiba jalan aitu mompo'ule' ma'ima' tiba Tumpu.

ROMA 6:8

De kita matemo hingga-hinggat tiba i Kristus opalesayantomo taalu' kita suele ahi' tumuu'mo hingga-hinggat tiba Ia.

ROMA 7:1

To utu-utusku! Kita Utus iwi-iwi' nonsumbu'mo atulan. Tantu komiu monsumbu'mo taalu' kuasa nu atulan kona hi toto samian, nukona de mian aijo' daagi' tutuu'.

1 KORINTUS 10:2

Da timbali mombatuki i Musa, aha iwi-iwi' pinalamandikan i uno nu kundom ka' i uno nu ambai aijo'.

1 KORINTUS 12:13

Sumo aitumo na kita iwi-iwi', mian nu Yahudi kabai misa' mian nu Yahudi, to posa-posaihon kabai to mia-mian bebas; kita iwi-iwi' pinalamandikanmo nu Roh-mo ai-aijo', da kita oposa'angu' hi butong i Kristus aijo'. Kita iwi-iwi' suele mongoa'i kuasa nu Roh anu sa'a-sa'angu'mo aijo' sampe sukup.

1 KORINTUS 15:29

De mian silaka madi'mo po'ule' opotumuu', kadaka' daagi' ko mian anu opalamandikan te aijo' gunanyo kona hi mian anu sinilakamo? Apaa na gunanyo aha mombau hahan anu sumo aijo'? De memang mian silaka madi'mo hondo-hondo po'ule' opotumuu', apaa na gunanyo aha mombau hahan anu sumo aijo'?

1 KORINTUS 3:16

Osumbu' nu kita Utus, saba' komiu Laigan nu Tumpu? Ka' saba' Roh nu Tumpu jojoong i uno nu butong miu?

1 KORINTUS 5:6

Madi' pantas na komiu saja' kobubuun. Ugaat komiu nonsumbu'mo ande-andeon aiya, “Ragi mau ola sangkiding de ogalo'akon i labu, labu aijo' mo'insu'!”

1 KORINTUS 6:19

Tionyo ahi' osumbu' miu saba' butong miu kajojoongan nu Roh nu Tumpu. Roh aijo' jojoong i uno nu butong miu. Ka' posi Tumpu na nombee' Roh aijo' hi komiu. Butong nu kita Utus, misa' kita na tumpunyo. Aijo' Tumpu na tumpunyo.

1 KORINTUS 6:9

Osumbu' miu na to mia-mian anu madi' montuluti pongka'oho' nu Tumpu madi' timbali mian anu palesayamo hi Tumpu? Boli o akali! To mia-mian anu masala', to mia-mian anu bapilogot, anu masala', anu mombau anu moko ambang hi sangko gampanyo bubuu' mo'ane, kabai bubuu' boune,

1 KORINTUS 9:13

Kita Utus tantu monsumbu' saba' te mian anu mokalaja i Laigan nu Tumpu mohumpak kaanon nu aha lengkat i Laigan nu Tumpu. Ka' to mia-mian anu mongkalesang tampat nu ponsombahkonan koloban, mohumpak sambagian koloban anu osombahkon i kiijo'.

1 KORINTUS 9:24

Kita Utus tantu monsumbu' saba' i uno nu pailomban mopadeka', iwi-iwi' na mian mopadeka', panyo ola samian na mohumpak tambonyo. Mokonyo aijo' popadeka'mo hoso-hoson sahingga kita Utus mohumpak tambonyo.

2 KORINTUS 13:5

Soba posi uji' na butong miu pa' totu-totu'u komiu tumuu' kalana palesaya hi Kristus! Tantu osumbu'je miu taalu' i Kristus Yesus daagi' itina' hi komiu! – sangalasan na hannyo de memang komiu madi' totu-totu'u palesaya.

GALATIA 3:27

Komiu iwi-iwi' pinalamandikanmo nu sanggo i Kristus, jadi komiu nontalimamo i butong miu sipat-sipat i Kristus.

YAKOBUS 4:4

Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?

1 PETRUS 3:21

Jadi, anu tinimbali aijo' susumo ibalatnyo palamandian anu tempo' uuka aiya momposalamat belemiu. Palamandian aijo' misa' sa'angu' na jalan mompolomas butong songko-songko anu kudulon, panyo salaku janji' miu hi Tumpu lengkat i kinyonyoa anu ma'ima'. Palamandian aijo' momposalamat belemiu kalana i Yesus Kristus sinilaka po'ule'mo pinotumuu',