ROMA 6:17 - KITAB NU TUMPU ALLA LELE MA'IMAI'

¹⁷ Panyo talima kaseh hi Tumpu! Kalana u'utu mae komiu tinimbalimo botuan nu dosa', panyo uuka aiya komiu buke-buke' na kinyonyoa mohongo-hongomo pangajalan anu totu'u, anu binee'mo hi beleyum.

ROMA 6:17 ပူးပေါင်းရင်းမြစ်များ

EZRA 7:27

Lantas notataemo na i Ezra, “O puji' na Tumpu, Tumpu Allah anu sinombahmo nu mompolee'to! Ia nompotuka' mo hi kinyonyoa i tomundo sahingga ia kinokinyonyoamo mongulus Laigan nu Tumpu kiijo' i Yerusalem.

MAZMUR 18:44

Belento nompobebasmo aku da madi' nupoposia nu aha sa'anakan anu palaganta, ka' nompotimbalimo aku mongkuasai to bansa-bansa; bansa anu madi' ku sumbu' tinimbalimo posaihonku.

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

SISIKON NU TO RASUL-RASUL 28:15

To Utu-utus i Roma anu palesayamo hi Yesus nohongo lele mongkona kami, sahingga aha tinoka nokiijo' i Pasar Apius ka' i Laigan panginapan Totolu' anu lewa' kasonso'an nu mian male' kahanda' molabot kami. Salatan i Paulus nompahakabotmo tiba aha, ia nomoita talima kaseh hi Tumpu ka' kinyonyoanyo sinanangmo.

ROMA 1:5

Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

ROMA 1:8

Momonanyo aku montalima kaseh hi Tumpu, kalana i Yesus Kristus ka' mule' hi to Utu-utus iwi-iwi'; kalana songko-songko na dunia nohongomo saba' komiu pinalesayamo hondo hi Kristus.

ROMA 15:18

Aku baani basisik sumo aijo' ola mongkona apaa na anu binaumo i Kristus hi belengku da mompotimbali to mia-mian anu misa' Yahudi mohongo-hongo Tumpu. Aku nompojalan aijo' tiba potatae, kabai mule' tiba hahan anu binaungkumo,

ROMA 16:26

Panyo uuka aiya, kalana palentah nu Tumpu anu madi' ko kamingkotannyo, tanga'an aijo' pinonyata'mo ka' binebakonmo hi iwi-iwi' na bansa, han aijo' tinoa hi anu tinulismo nu to nabi-nabi, da aha iwi-iwi' palesaya ka' mohongo-hongo hi Tumpu Allah.

ROMA 2:8

Panyo to mia-mian anu ola monginau' posi butong ka' madi' montapali Tumpu, panyo ola mombatuki anu ma'idek, to mia-mian haha aijo' nu tambuha'i hondo nu Tumpu.

1 KORINTUS 1:4

Aku saja' montalima kaseh hi Tumpu mongkona komiu, kalana komiu nontalimamo balakat hi Yesus Kristus anu nolengkat mae hi Tumpu.

1 KORINTUS 14:6

De aku bisuannyo toka hi beleyum ka' aku basisik tiba ngangahan nu basa' anu okabangangi, apaa na gunanyo aijo' hi komiu? Madi' ko gunanyo mau pe'e sangkiding! Sangalasan na hannyo de aku mompoto'i apaa na anu tinaloakon nu Tumpu, kabai aku montalangkan apa-apaa mongkona Tumpu, kabai aku mompotokakon lele lengkat mae hi Tumpu, kabai aku mompogulu'.

2 KORINTUS 2:14

Panyo talima kase hi Tumpu! Ia saja' nolaya' kami nombatuki balondaan i kamenangan i Kristus kalana kami tumuu' nosa'angu'mo tiba Ia. Tumpu nompake kami da lele mongkona i Kristus tolele sumo nohong anu monohongi iyaya mae.

EFESUS 1:16

aku madi' ko kamingkotannyo na tolo talima kase hi Tumpu Allah mongkona belemiu. Sanggo miu saja' kusanggo de aku balado'amo.

1 TESALONIKA 3:9

Palias na kodaka'nyo na kami montalima kase hi Tumpu, kalana iwi-iwi' na kalame'an anu ingoa'anmo mami i ahop-Nyo kalana komiu.

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

2 TIMOTIUS 1:13

Otuluti hondo-hondo na pangajalan anu totu'u anu binee'kumo hi beleyum. Ka' tionyo ahi' beleyum tataap mintoong i kapalesaya'an ka' kalibosan anu tinimbalimo anunto saba' nosa'angu'mo tiba i Kristus Yesus.

FILEMON 1:4

De aku balado'amo ku sanggo na sanggo nu kita Utus ka' montalima kase hi Tumpu.

IBRANI 11:8

Kalana bala'iman, sahingga i Abraham tulu-tulutan hondo hi Tumpu, tempo'nyo Tumpu nolagamo ia ka' nonsaimo ia namba i lipu' anu jinanji'mo nu Tumpu hi ia. Lantas i Abraham nambamo, padahan madi' nusumbu' pa' moya na kalambanannyo.

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

1 PETRUS 3:1

Sumo aitumo suele na komiu, to bengke-bengkele' tionyo ahi' obatuki na pongka'oho' nu langkai' nu belemiu, da aha de daagi' ko anu madi' palesaya i lele lengkat mae hi Tumpu, kalakuan nu belemiu na mompotimbali aha da palesaya. Ka' madi' pilenje belemiu montaloakon apa-apaa hi aha,

1 PETRUS 4:17

Tinokamo na tempo'nyo Tumpu momputusimo dunia. Ka' mian anu pinalesayamo hi Tumpu na anu o putusi momonanyo. Jadi, de nutampu'unimo nu Tumpu hi kita, mosiamo ahi' na katimbaliannyo saidi' mae tiba to mia-mian anu madi' palesaya i Lele Ma'ima' anu lengkat mae hi Tumpu aijo'?

2 YOHANES 1:4

Aku lame' hondo na nonsumbu' taalu' daagi' ko to ana-anak nu kita Pontina'on anu tumuu' mombatuki pangajalan nu Tumpu, susumo anu pinalentahkonmo nu Tumpu Tuuma hi kita.

3 YOHANES 1:3

Aku sanang hondo salatan tino pia-piangkuka na Utusto mian Kristen tinoka mae ka' nompoto'i hi belengku tukoonyo nu aha palias na ko tulu-tulutannyo na kita Utus hi Tumpu anu totu'u, kalana memang kita Utus saja' tumuu' mombatuki pangajalan nu Tumpu.