ROMA 6:14 - KITAB NU TUMPU ALLA LELE MA'IMAI'

¹⁴ Dosa' madi'mo timbali mongkuasai komiu, kalana komiu madi'mo tumuu' i 'aluk nu atulan nu agama Yahudi, panyo i balakatmo nu Tumpu.

ROMA 6:14 ပူးပေါင်းရင်းမြစ်များ

IMAMAT 25:41

Tempo'nyo aitu ia ka' to ana-anaknyo timbalimo mompala'i laigan nu belemiu ka' minsusule'mo hi to utu-utusnyo ka' i tano' nu mompolee'nyo.

MIKHA 7:19

Belento mongkanonongi mule' kami ka' mongampuni kami. Iwi-iwi' na dosa' mami Nu peja-peja'mo ka' mule' Nu bahetakonmo mokaiyong ilana nu ambai! Kona hi aha mian nu Belento anu palesayamo, lee' mae i Abraham ka' mule' i Yakub! Nu potoamo na ka' ima'an tiba mule' kanonongan nu belento anu madi' ko batasnyo aijo' susumo anu jinanji'mo nu belento hi mompolee' mami daagi' pe'e naipuan mae. 15

MATIUS 1:21

I Maria mohampeakonje samian na anak mo'ane. Anak aijo' tionyo nu sanggohi i Yesus, kalana Ia na momposalamat mian anu palesayamo hi Ia lengkat i dosa' nu aha.”

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

YOHANES 8:36

Kalana aijo', de Anak mompobebas komiu, komiu totu-totu'u bebas.

ROMA 11:6

Ia nompile'i aha kalana balakat-Nyo, ka' misa' mimpu'u i ka'ima'an nu kinyonyoa nu aha. Kalana de pompile'i nu Tumpu aijo' mimpu'u i ka'ima'an nu kinyonyoa nu mian, nyata' balakat nu Tumpu aijo' misa'mo balakat anu totu-totu'u.

ROMA 4:16

Jadi janji' nu Tumpu aijo' mimpu'u i palesayanyo nu mian hi Tumpu. Aijo' na timbali sa'angu' bau pintoongan hi iwi-iwi' lee' i Abraham, taalu' janji' aijo' obee' hi aha salaku sa'angu' na taju anu halala' lengkat mae hi Tumpu; misa' ola hi aha anu tulu-tulutan i atulan nu agama Yahudi, panyo suele hi aha anu palesaya hi Tumpu pokakana sumo i Abraham palesaya hi Ia. Kalana i Abraham aijo' tuumanto, kita ingko-ingkot i uno nu kapalesaya'an.

ROMA 5:17

Kalana samian nolanggaimo anu otewa', kapatean nolelemo iyaya mae kalana sinaduakon nu samian aijo'. Lebe daka' mule' apaa na anu binau nu samian aijo'mo i Yesus Kristus. Kalana Ia, Tumpu mombee' molabi-labih na balakat-Nyo hi mian anu sumo aijo' na konjoo'nyo, ka' ola i halala'akon da aha timbali mompo'ule' ma'ima' tiba Tumpu; aha nongkuasai dunia aiya kalana i Yesus Kristus.

ROMA 5:18

Jadi, kalana samian nolanggai anu otewa', ahennyo iwi-iwi' na mian i hukum, sumo aitu mule' de samian mombau anu mombatuki pongka'oho' nu Tumpu, ahennyo iwi-iwi' na mian pinobebas i kasala'an ka' binee'an kantumuu'an.

ROMA 6:12

Bolimo daagi' mompobee' dosa' mongkuasai kantumuu'an anu madi' toka sidu-sidutu' aiya, da kita Utus bolimo mombatuki pongka'oho'um anu ma'idek.

ROMA 6:15

Uuka aiya, mosia na katotu'uannyo? Timbali na kita mombau dosa', kalana kita madi'mo i 'aluk nu kuasa nu atulan nu agama Yahudi, panyo i 'alukmo nu balakat nu Tumpu? Madi' hondo-hondo!

ROMA 8:12

Mokonyo aijo' to Utu-utus, kita tionyo mohongo-hongo apaa na anu o bau; panyo misa' tionyo mombau anu mombatuki sipat nu mian; kita madi' palalu tumuu' mombatuki pongka'oho'nyo.

ROMA 8:2

Kalana atulan nu Roh nu Tumpu na mombau kita tumuu' mosa'angu' tiba i Kristus Yesus nompobebasmo aku lengkat i atulan anu monsaduakon dosa' ka' kapatean.

GALATIA 3:23

Ma'isa pe'e tinoka i tempo'nyo da palesaya hi Kristus, kita jinaganmo hondo nu atulan nu agama; kita sumomo anu kinulungmo sampe palesayanto aijo' anu totu-totu'u hondo oponyata'mo.

GALATIA 4:21

To Utu-utus anu kahanda' tumuu' da nu kuasai nu to atu-atulan nu agama, soba hongo mae na aku! Ku poto'ije hi komiu apaa na anu totu'u tinulismo i uno nu Kitab Atulan i Musa.

GALATIA 5:18

Panyo de Roh nu Tumpu na mompotiju' komiu, saba' komiu madi'mo nukuasai nu atulan nu agama.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 8:10

Panyo uuka aiya, aiyamo na palajanjian anu Ku baumo tiba mian nu Israel, i sina-sinaa anu tokaje mae, koonyo nu Tumpu: Aku monguna'mo atulan-Ku i uno nu pikilan nu aha, ka' montulismo i kinyonyoa nu aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.