ROMA 6:10 - KITAB NU TUMPU ALLA LELE MA'IMAI'

¹⁰ Kasilakaan anu ingoa'an i Kristus aijo'mo kasilakaan kalana dosa'. Aijo' ola minsan na tinimbali toka sidu-sidutu'. Ka' kantumuu'an anu ingoa'an-Nyo uuka aiya, kantumuu'anmo bau bagi nu Tumpu.

ROMA 6:10 ပူးပေါင်းရင်းမြစ်များ

LUKAS 20:38

Yo, Tumpu aijo' misa' Tumpu nu mian silaka! Ia Tumpu nu to mia-mian tumuu'! Kalana i ahop nu Tumpu, iwi-iwi' na mian tumuu'.”

ROMA 6:11

Komiu tionyo suele mangaku butongum silaka kalana dosa', panyo tumuu' iuno nu pompahasumbu'an anu madodo tiba Tumpu aijo' ohumpak hi Kristus Yesus.

ROMA 6:9

Kalana osumbu'tomo i Kristus sinilaka po'ule'mo pinotumuu' ka' Ia madi'mo po'ule' silaka; kasilakaan madi'mo daagi' mongkuasai butong-Nyo.

ROMA 8:3

Apaa na anu madi' opoko bau nu atulan nu agama, kalana kita mian madi' moko ala mombau, aijo' binaumo nu Tumpu. Tumpu nohungku'imo kuasa nu dosa' anu i uno nu sipat nu mian, aijo'mo nonsai posi Anak-Nyo na tinoka nimbalu-balu sumo mian anu baladosa' da mongalini dosa'.

2 KORINTUS 5:15

I Kristus sinilaka bau pontokong mian iwi-iwi', da to mia-mian anu totuu', madi'mo daagi' tumuu' bau posi anu nu butongnyo, panyo baumo bagi i Kristus anu sinilakamo ka' nompo'ule'mo tinumuu' kalana kapentingan nu aha.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

1 PETRUS 4:6

Mokonyo aijo' Lele Ma'ima' binebakonmo suele hi to mia-mian anu sinilakamo. Makisutnyo da aha anu pinutusanmo salaku butongnyo – susumo hannyo iwi-iwi' na mian saidi' mae o putusi – timbali tumuu' salaku rohani mombatuki pongka'oho' nu Tumpu.