ROMA 5:8 - KITAB NU TUMPU ALLA LELE MA'IMAI'

⁸ Panyo Tumpu mompotoa liibos-Nyo hi kita tempo'nyo i Kristus sinilaka pontokong kita tempo'nyo kita daagi' baladosa'.

ROMA 5:8 ပူးပေါင်းရင်းမြစ်များ

YESAYA 53:6

Kita iwi-iwi' tinalasmo susumo domba, toto samian mosi lio-liomo jalannyo. Pinotudunmo nu Tumpu hi ia na palabuatanto iwi-iwi' anu ma'idek.

YOHANES 15:13

Mian anu talalo mongkalisi to bela-bela'nyo, aijo' mian anu mombee' tinuu'nyo kalana kapentingan nu aha.

YOHANES 3:16

Kalana sumo aitu na Tumpu mongkalibosi mian i dunia aiya, sahingga Ia nombee' Anak-Nyo samba-sambatunyo da ihehe na mian anu palesaya hi Ia madi' mohumpak ka'idekan, panyo mohumpak kantumuu'an talakana' ka' sampe toka sidu-sidutu'.

ROMA 3:5

Panyo de ka'adinan nu Tumpu konyata-nyata'nyomo, kalana kita mombau anu madi' totu'u, apaa na anu ka'oho' otaloakonto? Tebolong Tumpu madi' adin de ia mohukum kita? (Memang anu opokilawa aiya, pantas de susumo mian.)

ROMA 4:25

I Yesus aijo' binee'mo da o patei kalana dosa-dosa'to, lantas Ia po'ule' pinotumuu' nu Tumpu da mompotimbali kita po'ule' mompaha maima' tiba Tumpu.

ROMA 5:20

Anu nombee' atulan nu agama Yahudi aijo' posi Tumpu. Panyo lebe mian makeke montapali atulan aijo', lebe mule' aha molanggai ka' baladosa' hi Tumpu. Mau mule' mian lebe mombau dosa', Tumpu lebe mule' mongkalibosi aha.

ROMA 5:6

Tempo'nyo kita i uno nu madi'mo moko ala, i Kristus sinilakamo pontokong kita i tempo' anu tinantukanmo nu Tumpu; padahan kita to mia-mian anu najo'onmo hi Tumpu.

ROMA 5:7

Batu-batu mian anu adin susa' na mongka'oho' mate. Beilako' mian anu ma'ima' na kinyonyoa yo daagi' ko mian anu baani mate.

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?

ROMA 8:39

mau mule' anu kiita' mae i langit, kabai hahan anu aiya i dunia, kabai anu sangga'at, iwi-iwi' madi' moko tewa' Tumpu Allah mongkalibosi kita, sumo anu pinotoa-Nyomo hi Kristus Yesus, Tumpunto.

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

EFESUS 2:7

Tumpu nombau sumo aijo' da tempo' anu tokaje aiya mae i ahop, mian montoamo mosia na kodaka'nyo na kalibosan nu Tumpu. Kalibosan aijo' pinonyata'mo nu Tumpu kalana ka'ima'an nu kinyonyoa-Nyo hi kita nontului jalan hi Kristus Yesus.

EFESUS 5:2

Kantumuu'anum maunyo ahi' okinyonyoai nu kalibosan susumo pongkalibosi i Kristus kita. Ia nongkulubanakonmo butong-Nyo kalana kita, salaku palasombahan anu manohong ka' momposanang kinyonyoa nu Tumpu.

1 TIMOTIUS 1:16

Panyo ola mule' ahi' kalana aijo' sahingga Tumpu nongkalibosimo aku, da i Kristus Yesus timbali mompotoa iwi-iwi' na kasabalannyo hi belengku, mian anu talalo baladosa' aiya. Ka' aiyamo na timbali sa'angu' na sonto' hi iwi-iwi' na mian anu saidi' mae palesaya hi Ia da mohumpak kantumuu'an anu ma'ima' ka' sampe toka sidu-sidutu'.

IBRANI 8:3

Batu-batu Imam Daka' i hangkat da monsombahkon koloban kabai anu osombahkon hi Tumpu. Sumo aitu mule' na Imam Daka' to; Ia tionyo daagi' ko apa-apaa anu osombahkon.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

1 YOHANES 3:16

Tiba jalan anu sumo aiya kita nonsumbu'mo mosia na mongkalibosi sangko mian: I Kristus nombee'mo butong-Nyo kalana kita. Kalana aijo', kita suele tionyo ahi' mombee' kantumuu'anto kalana to Utu-utusto!