ROMA 4:9 - KITAB NU TUMPU ALLA LELE MA'IMAI'

⁹ Te anu otaloakon salamat kopian aiya ola opadolakon toka hi to mia-mian anu nombatukimo atulan nu sunat? Kabai singkona hi to mia-mian anu madi' mombatuki atulan nu sunat? Tinaloakonmo kami momoonanyo, i Abraham tinalima nu Tumpu salaku mian anu momposanang kinyonyoa-Nyo, kalana i Abraham palesaya hi Tumpu Allah.

ROMA 4:9 ပူးပေါင်းရင်းမြစ်များ

KAJADIAN 15:6

I Abram pinalesayamo hi Tumpu, ka' kalana aijo' Tumpu nontalimamo ia salaku mian anu momposanang kinyonyoa-Nyo.

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

LUKAS 2:32

Sumo jingka anu monjingkai jalan bagi nu to bansa-bansa sangga'at, da toka hi Belento; aijo'mo jingka anu mompotoka mae kadaka'an bagi nu mian-To anu palesayamo Israel.”

ROMA 4:10

Yo, naipian na Tumpu nompoto'i anu sumo aijo'? Ma'isa pe'e sinunat kabai pinoko sunatmo na i Abraham? Memang ma'isa pe'e ia sinunat, misa' noko lapasmo.

ROMA 4:3

I Kitab nu Tumpu tinulis, “I Abraham palesaya hi Tumpu, ka' kalana palesayanyo aijo' ia tinalima nu Tumpu Allah salaku mian anu momposanang kinyonyoa nu Tumpu.”

GALATIA 3:14

I Kristus nombau sumo aijo' da balakat anu jinanji'mo nu Tumpu hi Abraham obee' suele hi to mia-mian anu misa' Yahudi. Tiba jalan anu sumo aijo' kita suele palesayamo hi Tumpu Allah, timbali mohumpak Roh anu jinanji'mo nu Tumpu.

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

KOLOSE 3:11

Salaku kasawe'annyo, aijo'mo iwi-iwi' na anu sangalasan hi mian Yahudi ka' misa' Yahudi, mian basunat ka' mian anu madi' basunat, pinokakanamo mian anu i salipu'an ka' mian anu madi' monsumbu' adat, posaihon ka' mian bebas, kalana iwi-iwi' kiijo'mo hi Kristus, ka' Ia nosa'angu'mo tiba aha iwi-iwi'.