ROMA 4:20 - KITAB NU TUMPU ALLA LELE MA'IMAI'

²⁰ Ia tataap palesaya ka' madi' bata-bata i janji' nu Tumpu Allah. Ola o kalana palesayanyo nompotimbalimo ia da mompaka pahoson, sahingga ia saja' mompuji' Tumpu.

ROMA 4:20 ပူးပေါင်းရင်းမြစ်များ

KAJADIAN 15:6

I Abram pinalesayamo hi Tumpu, ka' kalana aijo' Tumpu nontalimamo ia salaku mian anu momposanang kinyonyoa-Nyo.

2 TOMU-TOMUNDO' 7:19

Ka' tempo'nyo aitu suludadu anu saja' monsangalui tomundo' aijo' notataemo. “Iya na jadi! Aijo' madi' minsoop i akan, maumo tempo' uuka Tumpu montudunakonmo mae ujan mabohos lengkat mae i langit!” Lantas tinaamanmo i Elisa, “Nu toaje apaa na han anu jadi, panyo beleyum madi'mo montenten kaanon mau ola sangkiding.”

2 TOMU-TOMUNDO' 7:2

Suludadu anu saja' monsangalui i tomundo' nontaami, “Iya na jadi, aijo' madi' minsoop i akan, maumo uukamo aiya na Tumpu montudunakon mae ujan daka' lengkat mae i langit!” “Nu toaje na han aijo' jadi saidi' mae, panyo beleyum madi'mo monyamit anu o kaan aijo' maumo ola sangkiding,” na tinaaman i Elisa.

YESAYA 35:4

Poto'imo hi mian anu mongoa'i madi' ko angga'nyo, “Pohoson na kinyonyoa nu belemiu, boli mabuhuk, Tumpu nu belemiu tokamo mae kalana mohukumo sampobali', Ia tokamo mae momposalamat belemiu.”

YESAYA 7:9

Israel madi' lebe mahoson molingkudui Samaria puso nu kota'nyo, ka' mule' Samaria madi' lebe mahoson molingkudui i Tomundo' Pekah. De belemiu madi' totu-totu'u palesaya hi beleng-Ku memang belemiu madi'mo moko ala totahan.”

DANIEL 10:19

Ia notatae, “Tumpu mongkalibosi beleyum kalana aijo' boli bata-bata kabai mabuhuk, donganmo pahoson!” Hau-haunyo ia nontaloakon han aijo' ingoa'anku nompaka pahosonmo mule' ka' notataemo, “Soba potataemo mae o, Tumpu, belento Tuan nompaka tuangimo mae kahosonanku.”

DANIEL 11:32

Sahingga tiba akan anu ma'idek tomundo' aijo' pagalamo monsale'i aha to mia-mian anu nompala'imo agama nu aha da mongka'oho' montulungi ia. Panyo to mia-mian anu tulu-tulutan hi Tumpu baani na mongewa ia.

HAGAI 2:4

Maumo sumo aijo' boli ahi' hente na kinyonyoa nu belemiu iwi-iwi'! Lausakonmo na kalaja aijo' kalana Aku tataap montulungi belemiu.

ZAKHARIA 8:13

O, mian anu jojoong i Yehuda ka' i Yerusalem! Naipuan mae de to mia-mian anu i salipu'an mae mompaha toto totobi'akonmo, aha motatae, ‘O'amalakon da balaa' anu nontuda'imo Yehuda tiba Israel suele ahi' montuda'i belemiu!’ Panyo Ku posalamatje na belemiu sahingga to mia-mian anu isalipu'an mae aijo' motataemo hi bubuu' aha, ‘O'amalakon da balakat anu toka hi aha Yehuda tiba hi aha Israel, suele toka ahi' hi butong nu belemiu!’ Kalana aijo' pohoson na kinyonyoa nu belemiu ka' boli ahi' mabuhuk!”

ZAKHARIA 8:9

Tumpu notataemo hi mian anu palesayamo hi Ia, “Pohoson na kinyonyoa nu belemiu! Uuka aiya belemiu mohongomo potatae anu toho'mo tinaloakon nu to nabi-nabi tempo'nyo pundasi binaumo da bau pompotinjoan Laigan-Ku.

MATIUS 9:8

Tempo'nyo to mia-mian nontoamo anu tinimbali aijo', aha sinawe'mo nu buhuk ka' nompuji' Tumpu, kalana Tumpu nombee'mo kuasa anu daka' hondo hi mian.

LUKAS 1:18

“Mosia na kusumbu' saba' sisikon aijo' tionyo timbali?” pinokilawa i Zakharia hi malaikat aijo'. “Aku i langkai'mo, ka' bengkele'ku mule' binengkele'mo.”

LUKAS 1:45

Kopi-kopianmo na beleyum, kalana palesaya, sabab apaa na anu tinaloakon nu Tumpu hi beleyum, atina' tionyo tondaagi'!”

1 KORINTUS 16:13

O jaga mae ahi' na komiu ka' opohoson na kapalesaya'an i uno nu kantumuu'an salaku mian Kristen. Obau babaani ka' boli mabuhuk na palesaya.

2 KORINTUS 12:10

Jadi, lame' na aku i han anu madi' ku poko ala. Aku mule' lame' de kalana i Kristus aku lewa' opobau-bau, aku nonta'up kasusa'an, pinotoitumputan ka' aku nongoa'i kasusa'an madi'mo nahoson. Kalana de aku madi'mo moko ala saba' i kiijo'je na tempo'nyo aku mongoa'imo mahoson.

EFESUS 6:10

Ahennyo, pahoson ahi' na komiu nu kahosonan anu i humpak miu lengkat hi kuasa nu Tumpu, kalana komiu nosa'angu'mo tiba Ia.

2 TIMOTIUS 2:1

O Timotius, anakku! Pahosonmo ahi' na beleyum nu balakat anu binee'mo hi kita, kalana kita nosa'angu'mo tiba i Kristus Yesus.

1 SAMUEL 30:6

To sulu-suludadu i Daud sinusa'mo hondo kalana madi'mo kino anak tiba bengkele' nu aha. Mokonyo aijo' aha kahanda'mo mompahambunu'akon nu batu i Daud. Jadi i Daud sinusa'mo hondo panyo kinyonyoanyo po ule'mo pinohoson nu Tumpu Allahnyo.