ROMA 4:2 - KITAB NU TUMPU ALLA LELE MA'IMAI'

² De hahan anu binaunyomo nonsabapi Tumpu nontalimamo ia salaku mian anu momposanang kinyonyoa nu Tumpu, aijo' yo daagi' ko pintoongan na ia de kobubuun. Panyo ia madi' moko ala buulon i ahop nu Tumpu.

ROMA 4:2 ပူးပေါင်းရင်းမြစ်များ

KAJADIAN 12:18

Lantas i tomundo nolagamo i Abram ka' nompokilawa hi ia, “Apaa na anu binaumo nu beleyum hi belengku aiya? Kadaka' madi' pinoto'i nu beleyum ia aitu bengkele' nu beleyum?

KAJADIAN 12:20

I tomundo nompalentahmo hi to pia-piangkuka anu ko pangkatnyo, ka' aha nonsabatakonmo i Abram da mompala'imo lipu' aijo' hingga-hinggat tiba bengkele'nyo ka' iwi-iwi' anu daagi' hi ia.

YEHEZKIEL 8:9

Ia notataemo mae hi belengku, “Pinsoop ka' soba toa na palabuatan-palabuatan anu mahumimi' ka' okahegati anu binaumo nu aha ikiijo'.”

ROMA 15:17

Jadi, kalana aku nosa'angu'mo tiba i Kristus Yesus, sahingga aku timbali mongoa'i lame' i uno nu kalajangku bau kapentingan nu Tumpu.

1 KORINTUS 1:29

Sahingga madi' ko samian pe'e na timbali mombuulakon butongnyo i ahop nu Tumpu.

1 KORINTUS 1:31

Jadi, sumo anu tinulismo i uno nu Kitab nu Tumpu, “Mian anu mongka'oho' mombubuulakon, ola ahi' mombuulakon apaa na anu binaumo nu Tumpu.”

1 KORINTUS 4:7

Ihe na nompotimbali kita Utus molingkudui mian sangga'at? Te misa' iwi-iwi' apaa na anu i humpak nu kita Utus, lengkat hi Tumpu Allah? Jadi, kadaka' kahanda' mombuulakon butong, au'aitu apaa na anu daagi' hi kita Utus, aijo' misa' anu binee'?

1 KORINTUS 9:16

Kalana de aijo' ola han mompolele Lele Ma'ima' lengkat mae hi Tumpu, tantu aku madi' ko hak kobubuun, kalana Tumpu nompalentahmo aku, da mompojalan aijo'. Silaka na aku de aku madi' mompolele Lele Ma'ima' aijo'!

2 KORINTUS 11:12

Apaa na anu kubau uuka aiya sabole-bole saja' kubau da to “rasul-rasul” sangga'at aijo' madi' ko tanga'an mombuulakon posi butong ka' motatae tukoonyo aha mombau kalaja susumo hi kami.

2 KORINTUS 11:30

Yoh de aku sabole-bole mombuulakon apa-apaa, saba' aku mombuulakonmo hahan anu madi' ku poko ala ku bau.

2 KORINTUS 5:12

Ka' aiya kami madi' momoita da komiu mompuji' butong mami. Kami ola mongka'oho' mombee'i sa'angu' na pikilan anu ma'ima' hi komiu da bilahi na kinyonyoa miu hi kami, da komiu monsumbu' mosia na komiu tionyo montaami to mia-mian anu ola mompentingkan ohup nu mian panyo misa' kalakuannyo.

GALATIA 3:22

Panyo i uno nu Kitab nu Tumpu tinulismo, iwi-iwi' na manusia daagi' i uno nu kakuasa'an nu dosa'. Mokonyo aijo', anu obee' jina-jinanji'mo mimpu'u i palesaya hi Yesus Kristus obee' aijo' hi aha anu palesayamo.

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.

YOSUA 24:2

Lapas aijo' i Yosua notataemo hi aha iwi-iwi', “Potombihing mae apaa na anu pinoto'imo nu Tumpu, Tumpu Allah nu Israel hi belemiu, ‘Naipuan mae mompolee' nu belemiu jinojoongmo i santoa nu Kaunyo Efrat, ka' nonsombahmo to pilo-pilogot. Samian anu aijo' hi aha aijo'mo i Terah, tuuma i Abraham ka' i Nahor.