ROMA 4:17 - KITAB NU TUMPU ALLA LELE MA'IMAI'

¹⁷ Kalana Tumpu notatae sumo uuka hi Abraham, “Aku mompotimbalimo beleyum tuuma nu manjoo' na bansa.” Sumo aijo'mo na Tumpu nombee' janji' aijo' hi Abraham. Ka' i Abraham pinalesayamo hi Ia. Iamo na Tumpu anu mompotumuu' mian silaka; Iamo ahi' na Tumpu anu ola motatae aku mombau apaa na anu madi' toho' daagi', timbali daagi'.

ROMA 4:17 ပူးပေါင်းရင်းမြစ်များ

KAJADIAN 17:16

Ku balakatije na ia, ka' ia mohampeakonje samian na anak mo'ane anu Ku bee' hi beleyum. Memang, Aku mombalakatije i Sara, ka' ia timbalije tina nu mompolee' nu to bansa-bansa. Hi lee'nyo aijo' ko anuje timbali to tomu-tomundo.”

KAJADIAN 17:20

Panyo Ku bee'je suele apaa na anu pinoitamo nu beleyum mongkona i Ismael. Kalana aijo' ia Ku balakatije ka' Ku bee'ije lee' manjoo'. Ia timbali mompolee' nu aha anu sampulu' ka' ohua' na kapala nu tulunan nu bansa, ka' lee'nyo Ku potimbalije sa'angu' na bansa anu daka'.

KAJADIAN 28:3

O amalakon da Tumpu Allah Anu Daka' hondo na kuasanyo mombalakati po'osoan nu beleyum ka' mombee'i beleyum makumpu manjoo', sahingga beleyum timbalimo mompolee' nu bansa anu manjoo'mo.

YESAYA 43:6

Ku palentahmo na utara tiba salatan, da aha sampa opolapas. Sahanyo to ana-anak nu beleyum anu to momo ane minsusule'mo, mae lengkat itano' anu majo'on, ka' to ana-anak nu beleyum anu to bou-boune minsusule'mo mae lengkat iwi-iwi na pus nu tano'.

YESAYA 44:7

Ihe na anu sumo Aku? Pokau na ia da mangakumo! Sahanyo ia mompoto'imo mae ka' mompobukuti mae hi beleng-Ku! Ihe na nongkila-kilamo apaa na anu jadi aiya mae i, ahop salatanmo pe'e momonanyo sampe toka imihinyo mae?

YESAYA 48:13

Limang-Kumo aiya na nompokoko lananyo nu tano' ka' mule' nomboka aita' langa. De bisuanyo Ku lagamo na sanggo nu aha tokamo mae na aha malia-lia'.

YESAYA 49:12

Lengkat mae ilipu' anu majo'on singkapmo mae toka na mian anu palesayamo hi beleng-Ku, lengkat mae isasu utara, ka' mule' isasu kinsoban ka' mule' Sinim anu isasu salatan.”

YESAYA 51:2

Inau' na mompolee' nu belemiu i Abraham, tiba i Sara anu nonompohampemo belemiu; tempo'nyo Aku nolagamo i Abraham, ia madi' kino anak; lantas binalakatan-Kumo na ia ka' binee'an-Kumo manjoo' hondo na lee'nyo.

YESAYA 55:12

Belemiu mompala'imo mae Babel ka' sanangmo hondo, ka' oboamo minsusule' ma'i-ma'ima'. Bungkutnyo ka' puge'nyo lame'mo ka' montatigalaimo to kau-kau' aijo' i ale' nohapa'imo lima.

MATIUS 3:9

Boli montaha'imani komiu timbali molapas lengkat i hukuman ka' motatae kalana i Abraham mompolee' miu. Tutugi, batu-batu pe'e aiya, Tumpu timbali mombau lee' i Abraham!

YOHANES 5:21

Tuuma aijo' po'ule' mompotumuu' mian mate, ka' mombee'i aha kantumuu'an anu talakana' ka' toka sidu-sidutu'; sumo aitu mule' Anak mombee'i kantumuu'an sidu-sidutu' hi mian anu nuka'oho' Nubee'i kantumuu'an.

YOHANES 5:25

Palesayamo: Tokaje na tempo'nyo – aitu pe'e tinokamo na tempo'nyo – mian mate mohongo potatae nu Anak nu Tumpu. Ka' mian anu mohongo Ia tumuu'.

YOHANES 6:63

Anu nompotimbali mian tumuu' aijo'mo Roh nu Tumpu. Kahosonan nu mian madi' ko kaliangannyo. Potatae anu Ku taloakon hi komiu aiya, aijo'mo na potatae nu Roh nu Tumpu ka' potatae anu mombee'i kantumuu'an.

SISIKON NU TO RASUL-RASUL 15:18

Sumo aitumo na koo-Nyo nu Tumpu, anu nompoto'imo han aijo' naipuan pe'e mae.”

ROMA 3:29

Kabai o, Tumpu aijo' ola Tumpu nu mian Yahudi? Te misa' Ia suele Tumpu nu bansa sangga'at? O, memang Ia suele Tumpu nu bansa sangga'at!

ROMA 4:18

I Abraham ola saja' taha'iman ka' palesaya mau mule' madi'mo nupoko ala nu butongnyo. Kalana aijo' ia tinimbali tuuma nu manjoo' na bansa. Sumo tinulis i uno nu Kitab nu Tumpu, “Lee'um timbali da'isan hondo.”

ROMA 4:2

De hahan anu binaunyomo nonsabapi Tumpu nontalimamo ia salaku mian anu momposanang kinyonyoa nu Tumpu, aijo' yo daagi' ko pintoongan na ia de kobubuun. Panyo ia madi' moko ala buulon i ahop nu Tumpu.

ROMA 8:11

De i Kristus sinilaka, pino tumuu' nu Roh nu Tumpu, tumuu' i uno nu butongum, saba' Ia anu nompotumuu' i Kristus tempo'nyo Ia sinilaka aijo' sueleje mompotumuu' butongum anu timbali silaka aijo'. Ia mombau aijo' nu Roh-Nyo anu tumuu' i uno nu butongum.

ROMA 9:11

Ma'isa pe'e i hampe ua-ua'aha na anak aijo', Tumpu nompotantumo anu Nu pile'i saidi' mae. Pompile'i nu Tumpu aijo' madi' montoa i anu nupoko bau nu mian, panyo samata-mata posi pongka'oho' nu Tumpu na molaga. Kalana tempo'nyo ua-ua'aha na anak mo'ane i Ribka aijo' ma'isa noko ala mombau apa-apaa anu ma'ima' kabai ma'idek.

ROMA 9:26

Ka' i tampat pinontaloakonan hi mian, ‘Komiu misa' mian-Ku anu palesayamo,’ i kiijo' to mia-mian haha aijo' osanggoje to ana-anak nu Tumpu anu tumuu'.”

1 KORINTUS 1:28

Tumpu nompile'imo anu osangka madi' ko angga'nyo, kanteles, ka' pakalaus anu osangka madi' ko kaliangannyo nu dunia aiya, da Tumpu mohopu'i anu osangka nu dunia penting.

1 KORINTUS 15:45

I uno nu Kitab nu Tumpu tinulismo sumo uuka, “Mian anu momona aijo'mo i Adam anu binau ka' pinotumuu',” panyo i Adam anu imihi-mihinyo aijo'mo Roh anu mombee'i kantumuu'an.

1 TIMOTIUS 6:13

Ka' uuka aiya, i ahop nu Tumpu anu nombee'mo nyawanyo hi iwi-iwi na apaa, ka' i ahop i Kristus Yesus anu nombee'imo katalangan anu totu'u mongkona butongnyo hi Pontius Pilatus, ku poita na aiya hi beleyum:

IBRANI 11:12

Mau mule' i Abraham tempo'nyo aitu sumomo mian anu sinilakamo na butongnyo, panyo ia nohumpak manjoo' hondo na lee'nyo anu konjoo'nyo madi' opoko ala o bilang – sumo konjoo' nu mandala' i langit, ka' bone' i biwi nu ambai.

IBRANI 11:3

Kalana bala'iman, sahingga osumbu'to na dunia aiya taalu' pinotimbali nu potatae nu Tumpu; jadi, apaa na anu otoanto, pinotimbalimo nu anu madi' otoanto.

IBRANI 11:7

Kalana bala'iman, sahingga i Nuh pinoto'imo nu Tumpu mongkona hahan anu jadi aiya mae i ahop, anu madi' pinoko ala tinoanyo. I Nuh tulu-tulutan hondo hi Tumpu, sahingga ia nombaumo sa'angu' na kapan anu ahennyo nomposalamatmo butongnyo tiba aha sampoto'utus. Tiba jalan anu sumo aijo', dunia i hukumo, panyo i Nuh kalana ia bala'iman, sahingga koonyo nu Tumpu ia mian anu ma'ima'.

1 PETRUS 2:10

Naipuan mae belemiu misa' mian anu pinalesayamo hi Tumpu, panyo uuka aiya belemiu mian anu pinalesayamo hi Tumpu. Naipuan mae belemiu madi' okalibosi nu Tumpu, panyo uuka aiya belemiu montalimamo pongkalibosi-Nyo.

2 PETRUS 3:8

Panyo to utu-utusku, sa'angu' na han aiya boli okolilimi nu belemiu: kalana hi Tumpu sansinaa madi' mosi sangalasan tiba samadala na taun – ohu-ohua' aijo' pokakana de hi Ia.